Published:Updated:

பங்கு நிறுவனங்களின் மூலதனச் செலவுகள் அதிக லாபம் தருகிற மாதிரி செய்யப்படுகிறதா?

ஷேர் மார்க்கெட் ஸ்ட்ராட்டஜி
பிரீமியம் ஸ்டோரி
ஷேர் மார்க்கெட் ஸ்ட்ராட்டஜி

ஷேர் மார்க்கெட் ஸ்ட்ராட்டஜி! - 6

பங்கு நிறுவனங்களின் மூலதனச் செலவுகள் அதிக லாபம் தருகிற மாதிரி செய்யப்படுகிறதா?

ஷேர் மார்க்கெட் ஸ்ட்ராட்டஜி! - 6

Published:Updated:
ஷேர் மார்க்கெட் ஸ்ட்ராட்டஜி
பிரீமியம் ஸ்டோரி
ஷேர் மார்க்கெட் ஸ்ட்ராட்டஜி

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

இந்தியாவில் 1990-களில் ஆரம்பித்து நிறுவனங்கள் செய்யும் மூலதனச் செலவுகள் (Capital Expenditure சுருக்கமாக, Capex அல்லது பொருளாதார நிபுணர்கள் கூறும் Gross Fixed Capital Formation (GFCF) என்பது அதிகரிக்க ஆரம்பித்தது (ஜி.டி.பி-யின் சதவிகிதம் என்ற அளவீட்டில் கணக்கிடப்படும் போது) பல ஆண்டுகளாக தொடர்ந்து அதிகரித்துவந்த இந்த சதவிகிதம் கோவிட்-19 காரணமாக 2020-21-ல் மட்டும் சற்று குறைந்து பின்னர் அதிகரிக்க ஆரம்பித்துள்ளது.

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்
செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

சீராக அதிகரிக்கும் மூலதனச் செலவு...

இந்திய ரிசர்வ் வங்கி சமீபத்தில் வெளியிட்ட தரவுகளின்படி, 2021-22 நிதியாண்டின் மூன்றாவது காலாண்டுக்கான தரவுகளின்படி பார்த்தால், கடந்த பத்து ஆண்டுகளில் இந்த சதவிகிதமானது கணிசமான அளவில் சீராகவே இருந்துவந்துள்ளது. மேலும், இதே காலகட்டத்தில் இந்தியப் பொருளாதாரத்தின் திறன் பயன்பாட்டு நடவடிக்கைகளும் (capacity utilization) கோவிட்-19 வருவதற்கு முந்தைய நிலைமைக்குக் கிட்டத்தட்ட திரும்பிவிட்டது என்பதையே இந்திய ரிசர்வ் வங்கி வெளியிட்ட தரவுகள் காட்டுகின்றன.

இப்படிப்பட்ட சூழ்நிலை நிலவுகிறபோதிலும் சந்தை சார்ந்த முதலீட்டாளர்கள் மத்தியில் இந்தியாவின் மூலதனச் செலவுகள் இப்போது இருப்பதைவிட இன்னும் அதிகமாக செய்யப்பட வேண்டும் என்கிற கருத்துகள் அடிக்கடி எழுந்துவருவதைப் பார்க்க முடிகிறது.

கட்டுமானத் துறையில் மூலதனச் செலவு குறைந்தது ஏன்..?

நாம் ஒரு விஷயத்தை முதலில் தெளிவாகப் புரிந்துகொள்ள வேண்டும். மூலதனச் செலவுகள் அதிகரிப்பு என்பது மெள்ள மெள்ள நடைபெறும் ஒரு நடவடிக்கையே ஆகும். மூலதனச் செலவுகளைக் கட்டுமானம், உற்பத்தி மற்றும் மென்பொருள் (தொலைத் தொடர்பு மற்றும் வர்த்தகம்) என்ற மூன்று பெரும் பிரிவுகளாகப் பிரித்துப் பார்த்தால், கட்டுமானப் பிரிவில் செய்யப்படும் மூலதனச் செலவுதான் (மொத்த மதிப்பைக் கூட்டுதல் என்கிற அடிப் படையில்) கணிசமான அளவிலான சரிவைச் சந்தித்துள்ளது. இதற்கு மாறாக, நாட்டின் மூலதனச் செலவுகளில் கிட்டத்தட்ட 60% பங்களிப்பைத் தருகிற வர்த்தகம், போக்குவரத்து, ஹோட்டல் மற்றும் தொலைத்தொடர்பு போன்றவற்றில் மூலதனச் செலவுகள் தொடர்ந்து கணிசமான அளவில் (கோவிட்-19 காலத்தைத் தவிர்த்துவிட்டு பார்த்தால்) அதிகரித்து வருகிறது.

இந்தியாவில் செய்யப்படும் மூலதனச் செலவில் கட்டுமானத் துறையின் பங்களிப்பு கிட்டத்தட்ட நான்கில் ஒரு பங்காக இருக்கிறது. இந்தப் பிரிவில் மூலதனச் செலவின் வளர்ச்சி குறிப்பிடும் அளவில் இல்லை என்பதால், அது நம்மை பதற்றம் ஏற்படுத்தவே செய்கிறது. என்றாலும், கடந்த பத்து ஆண்டு களாகவே இந்தப் பிரிவு கீழ்நோக்கியே பயணப்பட்டு வருகிறது என்பதையும் பார்க்க வேண்டும். பத்து ஆண்டு காலத்துக்குமுன் 9% என்ற அளவில் அதிகரித்துக்கொண்டிருந்த கட்டுமானத் துறையின் மூலதனச் செலவானது, கோவிட்-19 காலத்தில் 5% என்ற அளவுக்கு குறைந்துவிட்டது. இதற்கான காரணம், மிக அதிகமாக விற்கப்பட்ட வீடுகளின் விலையும், 2013-2018 காலகட்டத்தில் வங்கித் துறை பின்பற்றிய கடுமையான சூழ்நிலையுமே ஆகும்.

பங்கு  நிறுவனங்களின்  மூலதனச் செலவுகள் அதிக  லாபம்  தருகிற மாதிரி செய்யப்படுகிறதா?

கட்டுமானத் துறையில் அதிகரித்துவரும் மூலதனச் செலவு...

இருப்பினும் கடந்த ஓர் ஆண்டில் கட்டுமானத் துறையின் மூலதனச் செலவுகள் சுமார் 8% (ஜி.டி.பி-யின் சதவிகிதமாக) என்ற அளவுக்கு உயர்ந்துள்ளது. இதற்கான காரணங்கள் என்னென்ன என்று பார்ப்போம்.

1. வீட்டுக் கடனுக்கு வரலாறு காணாத அளவில் மிகக் குறைந்த வட்டி விகிதம் நிலவிவருவது மற்றும் ஹெச்.டி.எஃப்.சி மற்றும் ஐ.சி.ஐ.சி.ஐ போன்ற பெரும் நிதி நிறுவனங்கள் அதிக அளவிலான வீட்டுக் கடனை வழங்கி வருவது.

2. மஹாராஷ்டிரா, கர்நாடகா மற்றும் மேற்கு வங்கம் போன்ற மாநிலங்கள் வீடு வாங்கும்போது செலுத்த வேண்டிய முத்திரைத் தீர்வு கணிசமாகக் குறைந்திருப்பது.

3. இந்த ஆண்டுக்கான மத்திய பட்ஜெட்டில் கட்டுமானத்துக்கு மூலதனச் செலவாக (அரசின் செலவு) அதிக தொகை (ஜி.டி.பி-யில் 3%) ஒதுக்கப்பட்டுள்ளது.

ஏசியன் பெயின்ட்ஸ், பிடிலைட் மற்றும் அல்ட்ரா டெக் போன்ற கட்டுமானத் துறைக்குத் தேவையான பொருள்களை உற்பத்தி செய்து, விற்பனை செய்யும் நிறுவனங்களின் விற்றுவரவில் 20 - 25% அளவிலான வளர்ச்சி (ஆண்டுக்கு ஆண்டு) ஏற்பட்டு உள்ளது இதற்கு சிறந்த எடுத்துக்காட்டு.

மூலதனச் செலவு அதிகரிப்பால், உயரும் வேலைவாய்ப்புகள்...

இதில் நாம் கவனம் கொள்ள வேண்டிய விஷயம் ஒன்றும் இருக்கிறது. மும்பை மெட்ரோ கட்டுமானமாக இருந்தாலும் சரி, அரசு அல்லது என்.ஹெச்.ஏ.ஐ-யின் (NHAI) சாலைக் கட்டுமானமாக இருந்தாலும் சரி, தற்போது மிகப் பெரிய இயந்திரங்களே அதிக அளவில் பயன்படுத்தப் படுகின்றன. முன்பெல்லாம் இந்தப் பணிகளில் குறைந்த திறன்கொண்ட பணி யாளர்கள் பலர் ஈடுபடுத்தப் படுவார்கள். தற்போது இயந் திரங்கள், பணியாளர்களுக்கு மாற்றாக பயன்படுத்தப்படுவ தால், கட்டுமானத் துறையில் பணியாற்றும் குறைந்த திறன் கொண்ட பணியாளர் களுக்கான வேலைவாய்ப்பு குறைய ஆரம்பிக்கும்.

அதே சமயம், அதிக திறன் உள்ள மற்றும் நடுத்தர அளவிலான திறன் உள்ளவர் களுக்கான தேவை ஃபார்மல் செக்டாரில் கணிசமான அளவில் அதிகரித்து வரு கிறது. கடந்த நான்கு ஆண்டு களில் ஃபார்மல் செக்டாரில் 3.2 கோடி வேலைவாய்ப்புகள் உருவாகியுள்ளது. அதே சமயத்தில், திறன் குறைந்த பணியாளர்களுக்கான தேவையானது கிட்டத்தட்ட அதே எண்ணிக்கையில் குறைந்துள்ளது என்பதையும் கவனிக்கத் தவறக்கூடாது.

இந்த அளவுக்கு வேகமான வேலைவாய்ப்பை உருவாக்க ஜி.டி.பி-யில் 30 – 35% அளவிலான புதிய மூலதனச் செலவுகள் கடந்த பத்து ஆண்டுகளாக செய்யப்பட்டு வருகிறது. இப்படி அதிகப் படியான மூலதனச் செலவுகள் செய்யப்படு வதனாலேயே இந்த அளவிற்கு அதிகப்படியான வேலை வாய்ப்புகள் உருவாகி, பொரு ளாதாரமும் முன்னேற்றப் பாதையில் செல்கிறது.

டெக்னாலஜி துறையில் அதிகரிக்கும் மூலதனச் செலவுகள்...

இதுவரை நாம் பார்த்த மூலதனச் செலவுகள் மொத்த மூலதனச் செலவுகளில் நான்கில் மூன்று பகுதி என்ற அளவில் பங்களிப்பைச் செய்யும் செக்டார்களை உள்ளடக்கியதாகும். மீத மிருக்கும் பங்களிப்பைச் செய்யும் டெக்னாலஜி துறை யிலும் மூலதனச் செலவுகள் அதிவேகமாகவே அதிகரித்து வருகிறது. இந்த மூலதனச் செலவுகள் சரியான அளவில் அரசின் தரவுகளில் சேகரிக்க முடிவதில்லை. இதற்குக் காரணம், அரசாங்கம் மூலதனச் செலவுகளை வகைப்படுத்துவதற்கு வைத்திருக்கும் வரைமுறைகளும் அளவுகோல்களுமே.

பெரு நிறுவன விவகாரங்கள் அமைச்சகம் தந்துள்ள கணக்குகளின்படி, தொட்டுணர முடியாத சொத்து களில் செய்யப்படும் செலவை (அந்தத் தயாரிப்பு இறுதிநிலைக்கு வரும்போது) அதிலிருந்து எந்த அளவுக்கு எதிர்கால வருமானமும் உபயோகமும் இருக்கும் (பொருளாதாரத்துக்கு பங்களிப்பைத் தரும் வகையில்) என்பதை வகைப்படுத்த முடிந்த காலத்தில் மட்டுமே மூலதன செலவாக நிறுவனங்களால் வகைப் படுத்திக்கொள்ள முடியும். அதாவது, ஒரு தயாரிப்பானது ஆராய்ச்சி என்கிற நிலையில் இருந் தால், அதற்கு செய்யப்படும் செலவானது இயக்கச் செலவாகவே (Operating expenditure) வகைப்படுத்தப்பட வேண்டும் என்கிறது கணக்கியல் நடைமுறை.

இதன் காரணமாக பெரிய அளவுக்கு ஆராய்ச்சிகள் செய்து புதிய கண்டு பிடிப்புகளைச் செய்ய முயன்றுவரும் நிறுவனங்கள் அதற்கென ஆகும் செலவுகளை லாப - நஷ்டக் கணக்கில் எழுத வேண்டியிருக்குமே தவிர, ஒரு சொத்தினை உருவாக்கத் தேவையான மூலதனச் செலவாக அந்த செலவுகளை வகைப்படுத்த முடியாது. உதாரணமாக, எங்கள் நிறுவனத்தில் நாங்கள் சி.ஆர்.எம் சிஸ் டம்கள், ஃபாரான்சிக் அக்கவுன்டிங் அல்காரிதம் கள், இணையதளம் போன்றவற்றுக்கான செலவுகளைச் நிறையவே செய்கிறோம். இவை யெல்லாம் ஓர் உற்பத்தி நிறுவனத்துக்கு உற்பத்தி ஆலை அமைக்க ஆகும் செலவுக்கு ஒப்பான செலவு என்று நாங்கள் வாதிட்டாலும், இவற்றை சொத்தாகக் (மூலதனச் செலவாக) காண்பிப்பதற்கு தற்போதிருக்கும் கணக்கியல் நடைமுறைகள் அனுமதிக்காது. நாங்கள் இதற்கெல்லாம் ஆகும் செலவை எங்களுடைய லாப நஷ்டக் கணக்கிலேயே எழுத வேண்டியிருக்கிறதே தவிர, நீண்ட நாள்களுக்கு பலனளிக்கும் மூலதனச் செலவாக தற்போதிருக்கும் நடைமுறைகளின்படி கணக்கெழுத முடியாது. இதே பிரச்னைதான், டெக்னாஜி நிறுவனங்களுக்கும்.

இந்திய நிறுவனங்களின் கணினிகள் மற்றும் மென்பொருள் களுக்காக பெருமளவிலான மூலதனச் செலவைத் தொடர்ந்து செய்துகொண்டே இருக்கின்றன. (பார்க்க அட்டவணை-1) முன்னணி கணினி மற்றும் மென்பொருள் நிறுவனங்கள் இந்தியாவில் செய்யும் வர்த்தகத்தின் வளர்ச்சி அளவானது அட்டவணை-1-ல் காட்டப்பட்டுள்ளது.

பங்கு  நிறுவனங்களின்  மூலதனச் செலவுகள் அதிக  லாபம்  தருகிற மாதிரி செய்யப்படுகிறதா?

அதே சமயம், இந்திய நிறுவனங்கள் தொட்டு உணரக்கூடிய சொத்துகளில் மூலதனச் செலவு செய்வதைவிட தொட்டுணர முடியாத சொத்துகளில் அதிகளவில் மூலதனச் செலவுகளை செய்யத் தொடங்கி இருப்பதை அட்டவணை-2-ல் காட்டப் பட்டுள்ளன.

சி.எம்.ஐ.இ (Centre for Monitoring Indian Economy) அமைப்பு தரும் தரவுகளின்படி பார்த்தால், நடப்பில் செயல்பட்டுவரும் ஐ.டி புராஜெக்ட்டுகளைவிட, தயாரிப்பு நிலையில் கட்ட மைக்கப்பட்டு வரும் புராஜெக்ட்டுகளில் மூலதனச் செலவு எப்படி இருக்கிறது என்று அளவிட்டுப் பார்த்தால், அது 1.2% என்கிற அளவில் இருக்கிறது. இந்த அளவீடானது 2019 முதல் 2021 ஆண்டுகளில் 15.7% அளவிலான வளர்ச்சியைச் சந்தித்து உள்ளதை அட்டவணை-3-ல் பார்க்கலாம்.

பங்கு  நிறுவனங்களின்  மூலதனச் செலவுகள் அதிக  லாபம்  தருகிற மாதிரி செய்யப்படுகிறதா?

மற்றுமொரு விஷயத்தைக்கூட நாம் கணக்கில் எடுத்துக் கொண்டு இந்த டேட்டாவை அளவிடலாம். இந்தியாவில் வென்ச்சர் கேப்பிட்டல் நிறுவனங்கள் செய்யும் முதலீடுகளில் பெரும்பான்மையானவை ஆப்கள் (apps) மற்றும் அறிவுசார் சொத்துகளை (மென்பொருள்கள், தரவுகள், பயிற்சி, ஆராய்ச்சி மற்றும் மேம்பாடு முதலியவை) உருவாக்கும் நிறுவனங்களிலேயே செய்யப்படுகிறது. இந்தியாவில் முதலீடு செய்யப்பட்டுள்ள வென்ச்சர் கேப்பிட்டல் முதலீட்டின் அளவு 77 பில்லியன் அமெரிக்க டாலர்கள் ஆகும். இது இந்திய ஜி.டி.பி-யில் 3% ஆகும். இதில் பாதி அளவிலான முதலீடானது டெக்னாலஜியில் செய்யப்பட்டுள்ளது என்று கருதினாலுமே அது இந்திய ஜி.டி.பி-யில் 1.5% என்ற அளவில் இருக்கிறது இல்லையா?

இந்திய அரசின் புள்ளியியல் பிரிவின் தரவுகள், 2021-22 நிதியாண்டின் மூன்றாவது காலாண்டில் செய்யப்பட்ட மூலதனச் செலவின் அளவு 30% என்று கூறுகிறது. இத்துடன் நாம் மேலே கூறிய 1.5% டெக் னாலஜியில் செய்யப்பட்ட மூலதனச் செலவையும் சேர்த்தால், மொத்த மூலதனச் செலவானது கிட்டத்தட்ட 32% (ஜி.டி.பி-யில்) என்ற அளவுக்கு உயர்கிறது. கோவிட்-19-ல் இருந்து முழுமையாக இந்த உலகம் விடுபடும் வேளையில், மூலதனச் செலவானது 35% என்கிற அளவை நோக்கி நகரும் என நாம் எதிர்பார்க்க லாம்.

(முதலீடு தொடரும்)