Published:Updated:

பங்கு நிறுவனங்களின் வளர்ச்சியை நிர்ணயிக்க உதவும் எஸ் கர்வ்கள்..!

ஷேர் மார்க்கெட் ஸ்ட்ராட்டஜி
பிரீமியம் ஸ்டோரி
ஷேர் மார்க்கெட் ஸ்ட்ராட்டஜி

ஷேர் மார்க்கெட் ஸ்ட்ராட்டஜி! - 11

பங்கு நிறுவனங்களின் வளர்ச்சியை நிர்ணயிக்க உதவும் எஸ் கர்வ்கள்..!

ஷேர் மார்க்கெட் ஸ்ட்ராட்டஜி! - 11

Published:Updated:
ஷேர் மார்க்கெட் ஸ்ட்ராட்டஜி
பிரீமியம் ஸ்டோரி
ஷேர் மார்க்கெட் ஸ்ட்ராட்டஜி

எந்தவொரு வெற்றிகரமான நிறுவனத்தின் செயல்பாடும் மூன்று நிலைகளைக் கொண்டிருக்கும். ஆரம்பக் காலத்தில் முதலீடு செய்யப்படும் காலகட்டம், வளர்ச்சியைச் சந்திக்கும் காலகட்டம் மற்றும் மங்கித் தேயும் காலகட்டம் என்பவையே அந்த மூன்று நிலைகள். இதில் வளர்ச்சியைச் சந்திக்கும் காலகட்டத்தில் வளர்ச்சியடையும் வேகமும் எவ்வளவு நாள்களுக்கு அந்த வளர்ச்சி தொடர்கிறது என்பதை எஸ் கர்வின் (S curve) சாய்வின் அளவு மற்றும் உயரத்தைக் கொண்டும், மங்கித்தேய்வுறும் நிலையை அதன் வடிவத்தைக் கொண்டும் அடையாளம் காணமுடியும்.

செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்
செளரப் முகர்ஜி, நிறுவனர், மார்செல்லஸ் இன்வெஸ்ட்மென்ட் மேனேஜர்ஸ் பிரைவேட் லிமிடெட்

வரைபடம் 1-ஐ பாருங்கள். ஒரு நிறுவனத்தின் அடிப்படை என்பது அந்த நிறுவனம் செய்யும் பல்வேறு தனித்தனி முயற்சிகளின் எஸ் கர்வ்களை ஒருங்கிணைத்து உருவாகும் எஸ் கர்வேயாகும். ஒரு நிறுவனத்தின் பல்வேறு தனித்தனி முயற்சிகளின் எஸ் கர்வ்கள் ஒன்றாக இணைந்து நிறுவனத்தின் ஒட்டுமொத்த எஸ் கர்வ்வாக உருவெடுப்பதை கிராப்-1 காட்டுகிறது.

ஒரு நிறுவனம் அபரிமிதமான அளவில் வளர்ந்து பெரிதாகும்போது, அந்த நிறுவனம் சந்திக்கும் சவால்கள் பல வகையானவை. உதாரணமாக, 2012-ம் ஆண்டில் அமெரிக்க யேல் பல்கலைக்கழகம் நடத்திய ஆய்வு ஒன்றின்படி, 1920-ம் ஆண்டில் S&P 500 இண்டெக்ஸில் அங்கமாக இருக்கும் நிறுவனம் ஒன்றின் சராசரி ஆயுள்காலம் என்பது 67 ஆண்டுகள் என்பதில் இருந்து 2012-ம் ஆண்டில் 15 ஆண்டு என்கிற அளவுக்குக் குறைந்துவிட்டது.

அமெரிக்காவில் மட்டுமல்ல, உலகளாவிய நாடுகள் அனைத்திலுமே இதே நிலைதான். 2012-ம் ஆண்டில் 1984-ம் ஆண்டில் ஐரோப்பா வின் எஃப்.டி.எஸ்.இ இண்டெக்ஸில் இருந்த 100 நூறு நிறுவனங்களில் 24 நிறுவனங்களே செயல்பாட்டில் இருந்தன எனில், பார்த்துக் கொள்ளுங்கள்.

இருப்பினும் ஒவ்வொரு நாட்டிலும் ஒரு சில நிறுவனங்கள் பல பத்தாண்டுகளைத் தாண்டி தொடர்ந்து ஸ்திரமான செயல்பாட்டைக் கொண்டு செயல்பட்டு முன்னேற்றமடைந்து வரவே செய்கின்றன. இந்த நிறுவனங்கள் தொடர்ந்து நீண்ட நாள்களுக்கு அடைந்துவரும் வளர்ச்சியைக் காட்டுகிறது (பார்க்க வரைபடம் 2). ஆனால், ஒரு நிறுவனம் நீண்ட நாள்களுக்குத் தொடர்ந்து வளர்ச்சி அடைவதற்குத் தடையாக இருக்கும் காரணங்கள் என்னென்ன என்பதைக் கொஞ்சம் விரிவாகவே பார்ப்போம்.

பங்கு நிறுவனங்களின் வளர்ச்சியை நிர்ணயிக்க உதவும்
எஸ் கர்வ்கள்..!

நிறுவனம் செயல்படும் தொழிலுக்கு இருக்கும் சந்தையின் அளவு மிகக் குறைவானதாக இருத்தல்...

ஒரு நிறுவனத்தின் தயாரிப்புகள் எந்த அளவுக்கு நுகர்வோரை சென்றடைகிறது, எத்தனை முறை அந்தத் தயாரிப்புகள் நுகர்வோரால் விரும்பி வாங்கப்படுகிறது மற்றும் அந்த நிறுவனத்தால் எந்த அளவுக்கு சந்தைப் பங்களிப்பை அதிகப் படுத்திக்கொள்ள முடிகிறது என்பதே நிறுவனம் பெறுகிற வளர்ச்சியின் அளவை தீர்மானிக்கிறது.

உதாரணமாக, 40 ஆண்டுகளுக்கு முன் இந்தியாவில் பற்பசைக்கான சந்தை சிறியதாகவே இருந்தது. ஏனென்றால், அந்தக் காலத்தில் பலரும் பற்பசையை உபயோகிக்கவில்லை (பற்பசை என்ற தயாரிப்பு நுகர்வோரை சென்றடையவில்லை). பல்வேறு இதர தயாரிப்புகளையே மக்கள் பயன்படுத்தி வந்தனர். அப்படிப் பற்பசையைப் பயன்படுத்தியவர்களில் பலரும் ஒரு நாளில் ஒரே ஒரு முறை மட்டுமே பற்பசையை உபயோகித்து பல் துலக்கினர். பெரிய அளவிலான சந்தை இல்லாத காரணத்தால் சிறிய அளவிலான பல உற்பத்தியாளர்கள் அவர்களுக்கே உரிய (கட்டுப்படியாகிற அளவில்) சந்தைப் பங்களிப்புடன் செயல்பட்டு வந்தனர். இது போன்ற சூழ்நிலை நிலவியதே கோல்கேட் நிறுவனத்துக்குப் பெரிய தொரு வாய்ப்பாக அமைந்தது. இன்றைக்கு நூற்றில் தொண்ணூறுக்கும் மேற்பட்டவர்கள் பற்பசை யை உபயோகிக்கின்றனர் (penetration). பெரும்பாலா னோர் ஒரு நாளில் இரண்டு முறை பல் துலக்குகின்றனர் (frequency of consumption).

இதில் கோல்கேட் நிறுவ னத்தின் சந்தைப் பங்களிப்பானது கிட்டத்தட்ட 60% அளவில் இருக்கிறது. பற்பசை சந்தையானது தற்போது கிட்டத்தட்ட முழுமையான அளவு (saturation) சந்தையாக மாறிவிட்டது.

பற்பசை பெரும்பாலான மக்களை சென்றடைந்து அவர்களுடைய நுகர்வானது நாளுக்கு இரண்டு முறை என்ற ரீதியில் அதிகரித்த பிறகு, இனி இந்தத் துறையில் வளர்ச்சிக்கான வாய்ப்புக் குறைவுதான் இல்லையா?

இப்படி தொழில் ரீதியான வளர்ச்சி என்பதற்கு வாய்ப்பில்லாத அளவுக்கு தொழில் முதிர்ச்சி அடைவதால் அந்தத் தொழிலில் ஈடுபட்டு வரும் கோல்கேட் போன்ற நிறுவனங்களுக்கு பெரிய அளவிலான வளர்ச்சிக்கான வாய்ப்பு இல்லாமல் போகிறது.

பங்கு நிறுவனங்களின் வளர்ச்சியை நிர்ணயிக்க உதவும்
எஸ் கர்வ்கள்..!

தொழில்ரீதியாக ஓரளவுக்கு மேல் பெரியதாக உருவெடுப்பதால், வரும் இடர்ப்பாடுகள்...

எந்த நிறுவனமுமே ஓரளவுக்குமேல் பெரியதாக உருவெடுக்கும்போது நிர்வகிப்பது என்பது கடின மாகவும், குழப்பங்கள் அதிகரிப்பது சகஜமான ஒன்றாகவும் ஆகிவிடுகிறது. இதனால் ஓர் அளவுக்குமேல் சென்றபின்னால் வளர்ச்சி என்பதுமே கடினமாகிவிடு கிறது.

உற்பத்தி ஆலைகள் ஒரு கட்டத்துக்குமேல் நிர்மாணிக் கப்பட்ட உற்பத்தி மையத் தைக் (size) கொண்டிருக் கும்போது திறம்பட நிர்வகிப்பது சிக்கலாகிவிடு கிறது.

உதாரணமாக, வெற்றிகர மாகச் செயல்பட்டு வரும் ஓர் உணவகமானது ஓரளவுக்கு மேல் வளர்ச்சி அடையும் போது அதன் மெனுவில் இருக்கும் ஐட்டங்கள் எக்கச்சக்கமாக ஆகி, பணி யாளர்களால் நல்லதொரு சேவையை வழங்க முடியாமல் போய், சேவையின் தரம் வீழ்ச்சி அடைவதை நீங்கள் கண்கூடாக பல இடங்களில் பார்த்திருப்பீர்கள்.

தொழிலில் ஏற்படும் போட்டிகள்...

ஒரு நிறுவனம் எந்த அளவுக்கு வெற்றி அடை கிறதோ, அந்த அளவுக்குப் போட்டியையும் எதிர் கொள்ள வேண்டியிருக்கும். ஏனென்றால், இந்தத் தொழிலில் லாபம் இருக்கிறது என்று அனைவருக்கும் தெரிந்துபோய் புதிய போட்டி யாளர்கள் பலரும் உருவாகவே செய்வார்கள். இது போன்ற போட்டி உருவாகும்போது உற்பத்தி செய்யும் பொருள் களுக்கான விலையை நிர்ணயம் செய்யும் அளவுக்கான தகுதியைக் கொண்டிராத (நல்ல சந்தைப் பங்களிப்பு மற்றும் தயாரிப்பின் தரம்/வாடிக்கையாளர்களின் பிரியம் போன்றவற்றைக் கொண்டிருக்கும் முன்னோடி நிலையில் இல்லாவிட்டால்) நிறுவனங்கள் சந்தைப் பங்களிப்புக் குறைவும் நஷ்டத்தையுமே சந்திக்கும். உதாரணமாக, கோல்கேட் நிறுவனமானது தொடர்ந்து பல போட்டி நிறுவனங்களிடம் இருந்து விலை ரீதியான சவால்களைச் சந்தித்துக்கொண்டே இருந்தது. உதாரணமாக, பதஞ்சலி நிறுவனத்திடம் இருந்தும், ஹிந்துஸ்தான் யுனிலீவரிடம் (பெப்சோடென்ட் மற்றும் கோக்) இருந்தும், டாபர் நிறுவனத்திடம் (ரெட் மற்றும் மேஸ்வாக்) இருந்தும்.

பங்கு நிறுவனங்களின் வளர்ச்சியை நிர்ணயிக்க உதவும்
எஸ் கர்வ்கள்..!

தகர்த்தெறியும் ரீதியிலான மாறுதல்கள் மற்றும் பரிணாம வளர்ச்சியின் காரணமாக உருவாகும் மாறுதல்கள்...

நவீன தொழில்நுட்பம்/ஆட்டோமேஷன்/டிஜிட்டை லைசேஷன்/மெஷின் லேர்னிங்/ஆர்ட்டிஃபீஷியல் இன்டலிஜென்ஸ் போன்ற பல்வேறு விஷயங்கள் கடந்த பத்து ஆண்டுகளில் நிறுவனங்களையும் தொழில்களையும் புரட்டிப் போட்டுக்கொண்டே இருக்கின்றன. கார் உற்பத்தியில் அசெம்ப்ளி லைன் என்ற முறையைக் கொண்டுவந்து, 1913-ம் ஆண்டில் ஃபோர்டு நிறுவனம் பெரியதொரு மாற்றத்தை உருவாக்கியது. இதன் மூலம் அதிக எண்ணிக்கையிலான கார்களை ஃபோர்டு நிறுவனத்தால் உருவாக்க முடிந்தது.

ஆனால், 1950 – 1960-களில் ஜெனரல் மோட்டார்ஸ் நிறுவனம் ஒவ்வொரு தயாரிப்புகளுக்கும் ஒரு அசெம்ப்ளி லைன் என்ற முறையை நடைமுறைப்படுத்தி சந்தைப் பங்களிப்பை அதிகரித்துக்கொண்டது. இதன்பின் ஜப்பானிய நிறுவனங் களான டொயோட்டோ போன்ற நிறுவனங்கள் இதை இன்னமும் செம்மைப்படுத்தின. பரிணாம வளர்ச்சியின் அடுத்த அங்கமாக எலெக்ட்ரிக் வாகனங்களும், ரைட் ஷேரிங் என்ற நடைமுறையும் நம் கண்முன்னே நடக்கத்தானே செய்கிறது.

சிறந்த நிறுவனங்கள் வெற்றிகரமாகச் செயல்படும் விதம்...

ஏசியன் பெயின்ட்ஸ், பெர்ஜர், பிடிலைட் போன்ற நிறுவனங்கள் கிட்டத்தட்ட ஆறு முதல் எட்டு பத்தாண்டுகளாக வெற்றிகரமாகத் தொடர்ந்து செயல்பட்டும், ஹெச்.டி.எஃப்.சி பேங்க், டைட்டன் மற்றும் பேஜ் இண்டன்ட்ரீஸ் போன்ற நிறுவனங்கள் இரண்டு முதல் மூன்று பத்தாண்டுகளாக வெற்றிகரமாகத் தொடர்ந்து செயல்பட்டும் வருகின்றன. எதிர்காலத்திலும் இந்த நிறுவனங்கள் இதே நிலையில், தொடர வாய்ப்பிருக்கிறது என்றே நான் நினைக்கிறேன். அரசாங்கம் கொண்டுவந்த ஜி.எஸ்.டி போன்ற சீர்திருத்த நடவடிக்கைகளாலும், ஒட்டுமொத்த இந்தியாவும் ஒரே சந்தையாக இணைக்கப்படுவதால் சிறந்த நிறுவனங்கள் தங்களுடைய எஸ் கர்வ்வை நீட்சியடையச் செய்துகொள்ளும் வாய்ப்பைப் பெறுகின்றன.

மேலும், சந்தைப் பங்களிப்பில் முன்னணி நிலையில் இருக்கும் இந்த நிறுவனங்களால் குறைந்த உற்பத்திச்செலவில் செயல் பட்டும், பொருள்களின் விலை யைப் போட்டியாளர்கள் பற்றி கவலைப்படாமல் நிர்ணயம் செய்ய முடிவதும், வருகிற லாபத்தை சரியான அளவில் விரிவாக்கங்களில் முதலீடு செய்து வருவதும் எஸ் கர்வ்வை நீட்சியடையச் செய்யப் பெரிய அளவில் உதவியாக இருக்கும்.

நீண்ட எஸ் கர்வுக்குத் திட்ட மிடுதல் என்பதைச் செய்யும் போது நிர்வாகத்தில் இருக்கும் நபர்களுக்கும் வயதாகிவிடும் என்பதால், அடுத்து வரப்போகும் நிர்வாகிகள் யார் என்பதை அடையாளம் கண்டு அவர் களுடைய தகுதியை வளர்த்து எதிர்காலத்தில் அவர்கள் சிறப் பாகச் செயல்படும் அளவுக்கான செயல்களைத் தற்போதே செய்வதும் இந்த நிறுவனங்கள் செய்ய வேண்டிய முக்கியமான பணியாக இருக்கிறது.

நீங்கள் முதலீடுகளைச் செய்யும்போது மேலே சொன்ன விஷயங்களை அளவீடு செய்த பின்னரே முடிவுகளை எடுக்க வேண்டும் என்பதைப் புரிந்து கொள்வீர்கள்!