‘‘பொதுவாக, ஒரு நாட்டின் பலத்தை, பொருளாதாரத்தை அடிப்படையாக வைத்தே பார்க்கிறோம். ஒரு நாட்டின் பொருளாதாரம் அதனுடைய உள்நாட்டு உற்பத்தியின் மூலம்தான் கணக்கிடப்படுகிறது. இதில் சேவைத்துறை, விவசாயம் மற்றும் உற்பத்தித்துறை ஆகியவை எடுத்துக்கொள்ளப்படுகின்றன. அதே போல், பங்குச் சந்தை நாட்டின் பொருளாதாரத்தில் முக்கியப் பங்கு வகிக்கிறது. ஒவ்வொரு வீட்டுக்குமே பங்குச் சந்தை நலம் புரிகிறது என்று சொன்னால் மிகையாகாது.

பங்குச் சந்தையில் முதலீடு செய்வதன் மூலம் கூடுதல் வருமானம் கிடைக்கும். பங்குச் சந்தையானது நீண்டகால அடிப்படையில் பார்த்தால், ஏறுமுகமாகவே உள்ளது. அவ்வப்போது சில இறக்கங்கள் ஏற்பட்டாலும், மீண்டும் பங்குச் சந்தை ஏற்றம் அடைந்துவிடும். இதனால் பங்குச் சந்தையில் சரியான முதலீடு செய்வதன் மூலமாக, வருமானத்தைப் பெருக்கிக்கொள்ளலாம். இந்தச் சந்தையில் இரண்டு விதமான வாய்ப்புகள் உள்ளன. இவை முறையே முதலீட்டு வாய்ப்பு, வர்த்தக வாய்ப்பு ஆகும். இதில் நிறுவனம் சார்ந்து முதலீடு, வர்த்தகம் செய்யலாம். மேலும், புதியவர்கள் நிஃப்டி இ.டி.எஃப் மற்றும் மியூச்சுவல் ஃபண்ட் லார்ஜ் கேப்பில் முதலீடு செய்யலாம். இதோடு பங்குச் சந்தையில் வியாபார வாய்ப்புகளும் உள்ளன. இதில் சுவிங்க் டிரேடிங் என்பது வாங்கிய சில தினங்களில் அல்லது வாரங்களில் விற்று விடலாம். மேலும், அன்றே வாங்கி, அன்றே விற்பது இன்ட்ரா டே டிரேட். இதில் உங்களை நீங்களே தகுதிப்படுத்திக் கொண்டு வர வேண்டும். பங்குச் சந்தையில் வெற்றிகரமாகச் செயல்பட வாங்குதல், விற்றல், நஷ்டத் தடை ஆகியவற்றைப் பற்றித் தெரிந்துகொள்ள வேண்டியது அவசியம். இதற்கு டெக்னிக்கல் அனாலிசிஸ் முக்கியமானது.

பங்குச் சந்தையில் முதலில் வரைபடத்தைப் படிக்கத் தெரிந்திருக்க வேண்டும். டெக்னிக்கல் அனாலிசிஸ் மூலம் அடுத்த நாளைக்கு நம்மை நாம் தயார்படுத்திக் கொள்ளலாம். எப்போதும் நாம் விதிமுறைகளை வைத்துதான் வியாபாரம் பண்ண வேண்டும். அதில் முதலில் நம் பண சக்திக்கு உட்பட்டு வியாபாரம் செய்ய வேண்டும். மேலும், சரியான வாய்ப்புக்கு காத்திருக்க வேண்டும். இதோடு கண்ணில் பார்த்த லாபம் எப்போதும் கணக்கில் வர வேண்டும். இதன் பிறகு பங்கு வியாபாரத்தில் 10–ல் மூன்று நஷ்டமடைந்தாலும் ஏற்றுக் கொள்ளக்கூடிய மனப்பான்மை வேண்டும்’’ என்று பேசியவர், அடுத்து இந்தக் கூட்டத்தில் கலந்துகொண்டவர்கள் கேட்ட கேள்விகளுக்கு பதில் சொன்னார்.

‘‘இதற்கு ஃபண்டமென்டல் அனாலிசிஸை படிக்க வேண்டும். உங்கள் பணத்துக்கு நீங்கள்தான் முடிவு எடுக்கலாம். கண்டிப்பாக மியூச்சுவல் ஃபண்டில் லார்ஜ்கேப்பைத் தேர்ந்தெடுங்கள். உங்களுக்கு வேண்டும் என்றால் சிறிய பகுதியை மிட் மற்றும் ஸ்மால்கேப்பில் வைத்துக்கொள்ளலாம். உங்கள் நம்பிக்கைக்கு ஏற்ப முதலில் ஐந்து நிறுவனங்களைத் தேர்ந்தெடுத்து போர்ட் ஃபோலியோ உருவாக்கிக் கொள்ளுங்கள்.’’

‘‘பார்மா மற்றும் ஐ.டி துறை மீண்டும் எதிர்காலத்தில் நல்ல வருமானம் தரக்கூடிய ஒன்றாகவே இருக்கும்.’’

‘‘இதில், நிறுவனங்களின் லாபம் ஈட்டும் திறன்தான் முக்கியம். அதிக லாபம் வரும் என்ற சமயத்தில் பங்குகளின் விலை ஏறும். அப்படி இல்லையெனில் பங்குகளின் விலை குறையும்.’’

‘‘டாலர் இண்டெக்ஸ் பங்குச் சந்தையை நேர்மறையாகவே பாதிக்கும். இதனால் டாலர் ஏறும்போது நிஃப்டி இறங்கும். டாலர் இறங்கும்போது நிஃப்டி ஏறும்.’’