Published:Updated:

பங்குகள் வாங்கலாம்... விற்கலாம்!

பங்குச் சந்தை
பிரீமியம் ஸ்டோரி
பங்குச் சந்தை

பங்குச் சந்தை

பங்குகள் வாங்கலாம்... விற்கலாம்!

பங்குச் சந்தை

Published:Updated:
பங்குச் சந்தை
பிரீமியம் ஸ்டோரி
பங்குச் சந்தை

இந்தியப் பங்குச் சந்தை கடந்த வாரம் தொடர்ந்து ஏற்றத்தின் போக்கில் நகர்ந்து, நிஃப்டியும் சென்செக்ஸும் அதன் புதிய வரலாற்று உச்சங்களை அடைந்தன. சென்செக்ஸ் 56000 புள்ளிகளைக் கடந்த நிலையில், நிஃப்டி 16000 புள்ளிகளைக் கடந்தது. சந்தையின் பிரதான குறியீடுகளின் மீதான சென்டி மென்ட் மிகுந்த உற்சாகத்துடன் காணப்பட்டது.

டாக்டர் சி.கே.நாராயண்
நிர்வாக இயக்குநர், 
Growth Avenues
டாக்டர் சி.கே.நாராயண் நிர்வாக இயக்குநர், Growth Avenues

ஆயினும், சந்தையின் பிற குறியீடுகளில் அந்தளவுக்கு உற்சாகம் காணப்படவில்லை. உண்மையில், நிஃப்டி அதன் வரலாற்று உச்சத்தில் காணப்பட்ட நிலையிலும் பங்குகளின் செயல்பாடு முரண்பாடாக இருந்தது. பெரும்பாலான பங்குகள் இறக்கத்தில் இருந்தன.

ஸ்மால்கேப் குறியீடும் அதன் பங்குகளும் அதன் மோசமான சுழற்சி நிலையால் பாதிக்கப்பட்டு இறக்கத்துக்கு உள்ளானது. முந்தைய வாரத்தில் ஏற்பட்ட இந்த இறக்கத்தில் இருந்து இன்னும் மீண்டு வரவில்லை. மிட்கேப் பங்குகள் ஓரளவுக்கு பாசிட்டிவான போக்கில் பிரேக் அவுட் ஆகி உச்சங்களை நோக்கி நகர்ந்தது. இதில் அதிக சொத்து மதிப்புகொண்ட நபர்களின் முதலீடு காணப்பட்டதால், இந்த ஏற்றம் சாத்தியமாகி இருக்கலாம்.

பங்குகள் வாங்கலாம்... விற்கலாம்!

முந்தைய வாரத்தில் நன்றாகச் செயலாற்றிய துறைகள்கூட கடந்த வாரத்தில் ஓய்வு எடுத்தன. எஃப்.எம்.சி.ஜி மற்றும் நுகர்வு சார்ந்த பங்குகளுக்கு மட்டுமே தேவை இருந்தது. ஐ.டி துறை நன்றாகச் செயலாற்றினாலும் நாஸ்டாக் சந்தை பலவீனமாக இருந்ததாலும், டாலர் மதிப்பு பலமிழந்ததாலும் குறிப்பிடும் அளவுக்கு ஏற்றம் காணப்படவில்லை.

வங்கிகளின் செயல்பாடும் குறிப்பிடும் அளவுக்கு இல்லை. தனியார் மற்றும் பொதுத்துறை வங்கிகள் இரண்டுமே மந்தமாகக் காணப்பட்டன. இதனால் பேங்க் நிஃப்டியின் நகர்வு தடைப்பட்டது. இந்தத் தாக்கம் நிஃப்டியின் நகர்விலும் காணப்பட்டது.

வியாழன் அன்று இந்தியச் சந்தைகள் விடுமுறை. ஆனால், எஸ்.ஜி.எக்ஸ் சந்தைகள் கடும் இறக்கத்துக்குள்ளாகின. எனவே, வெள்ளியன்றும், வரும் வாரத்திலும் சந்தையின் நகர்வு எப்படி இருக்கிறது என்று கவனிக்க வேண்டும்.

நிஃப்டி 16100 - 16200 என்ற வரம்புகளில் இறக்கம் காணப்படலாம் என எதிர் பார்க்கப்படுகிறது. இந்த வரம்பில் ஏற்படும் இறக்கங்களை முதலீடு செய்ய பயன்படுத்திக் கொள்ளலாம்.

பங்குகள் வாங்கலாம்... விற்கலாம்!

யுனைடெட் ஸ்பிரிட்ஸ் (MCDOWELL-N)

தற்போதைய விலை ரூ.722.00

வாங்கலாம்

மதுபான நிறுவனங்களில் முன்னணியில் உள்ள மல்லையா வுக்குச் சொந்தமான இந்த நிறுவனப் பங்கின் வர்த்தகம் நன்றாக ஏற்றம் கண்டுவருகிறது. கடந்த வாரத்தில் இந்தப் பங்கின் நகர்வு பிரேக் அவுட் ஆகி புதிய உச்சங்களை எட்டியது. மெக்டவல் அல்லது யு.எஸ்.எல் சார்ட்டுகளைப் பார்க்கும்போது அது நல்ல ஏற்றத்தின் போக்கில் இருப்பதைப் பார்க்க முடிகிறது. காரணம், வர்த்தகர்கள் மற்றும் முதலீட்டாளர்களின் விருப்ப மான தேர்வில் இந்தப் பங்கு தொடர்ந்து இருந்து வருகிறது. எனவே, தற்போதைய விலையில் மற்றும் இறக்கங்களில் வாங்க லாம். ஏற்றத்தின் போக்கில் 840 வரை உயர வாய்ப்புள்ளது. ஸ்டாப்லாஸ் ரூ.695-ல் வைத்துக் கொள்ளவும்.

பங்குகள் வாங்கலாம்... விற்கலாம்!

கஜாரியா செராமிக்ஸ் (KAJARIA CER)

தற்போதைய விலை ரூ.1,110.00

வாங்கலாம்

இந்தப் பங்கில் கடந்த பிப்ரவரி யிலிருந்து நிலையாகக் காணப் பட்டுவரும் ஒருங்கிணைப்பு செயல்பாடு கடந்த வாரம் முடிவுக்கு வந்து அதிலிருந்து நகர்ந்து வலுவாக ஏற்றம் அடைந் துள்ளது. இந்த ஏற்றமானது தொடர்ந்து காணப்படும் அறிகுறி களுடன் வலுவாக உள்ளது.

எனவே, தற்போதைய விலை யிலும் இறக்கங்களிலும் வாங்கலாம். ஏற்றத்தின் போக்கில் ரூ.1,200 வரை உயர வாய்ப்புள்ளது. ஸ்டாப்லாஸ் ரூ.1,065-ல் வைத்துக் கொள்ளவும்.

அம்புஜா சிமென்ட் (AMBUJACEM)

தற்போதைய விலை ரூ.410.50

வாங்கலாம்

அனைத்து முன்னணி சிமென்ட் நிறுவனப் பங்குகளும் கடந்த வாரத்தில் வலுவான ஏற்றத்தில் காணப்பட்டன. தொடர்ந்து இவற்றில் நல்ல ஏற்றத்துக்கான போக்கு காணப்படுகிறது. அவற்றுக்கு ஏற்கெனவே நல்ல டிமாண்டும் இருந்துவருகிறது. எனவே, இவற்றின் பங்குகளில் மேலும் ஏற்றம் காணப்படுவதற்கான சாத்தியங்கள் உள்ளன. இந்தப் பங்கைத் தற்போதைய விலையில் வாங்கலாம். ரூ.480 வரை உயர வாய்ப்புள்ளது. ஸ்டாப்லாஸ் ரூ.390.

தமிழில்: திவ்யா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism