Published:Updated:

பங்குகள்... வாங்கலாம்... விற்கலாம்! முதலீட்டாளர்கள் கவனத்துக்கு..!

பங்குகள்... வாங்கலாம்...
பிரீமியம் ஸ்டோரி
பங்குகள்... வாங்கலாம்...

BUY SELL

பங்குகள்... வாங்கலாம்... விற்கலாம்! முதலீட்டாளர்கள் கவனத்துக்கு..!

BUY SELL

Published:Updated:
பங்குகள்... வாங்கலாம்...
பிரீமியம் ஸ்டோரி
பங்குகள்... வாங்கலாம்...

கடந்த வாரம் நிஃப்டி 15600 என்ற சப்போர்ட் நிலையை உடைத்து நகர்ந்தால் மேலும் இறக்கம் காணும் என்று எச்சரித்திருந்தோம். அதேபோல, இறக்கம் கண்டு 15465 என்ற நிலைக்கு இறங்கியது. ஆனால், இரண்டு முறை இறக்கமானது தொடக்க வரம்பிலேயே ஏற்பட்டதால், பெரிய அளவில் யாராலும் பலனை எடுக்க முடியவில்லை. முக்கியமாக, சந்தையின் இந்த நகர்வுகள் இறக்கங்களிலிருந்து வலுவாக மீண்டு வந்ததைக் காட்டுகின்றன. இது சந்தையானது காளையின் போக்கில் இருப்பதை உணர்த்துவதாக இருக்கிறது.

டாக்டர் 
சி.கே.நாராயண்
நிர்வாக இயக்குநர், 
Growth Avenues
டாக்டர் சி.கே.நாராயண் நிர்வாக இயக்குநர், Growth Avenues

சந்தேகமே இல்லாமல் இந்த இறக்கங்கள் பெரும்பாலும் அமெரிக்க செய்திகளின் தாக்கத்தால் நிகழ்ந்துள்ளன எனலாம். ஆனால், அதை இந்தியப் பங்குச் சந்தை சமாளித்து எதிர்கொண்டது சுவாரஸ்யமான விஷயமாக உள்ளது. முன்பே கூறியதுபோல, நான்காம் காலாண்டு நிதி நிலை முடிவுகளின் சீஸன் முடிந்த நிலையில், சந்தை சர்வதேச செய்திகளுக்கு ஏற்ப நகரும் என்று குறிப்பிட்டதே நடந்துள்ளது. இதே போக்கு இன்னும் சில காலம் தொடரும் என்று எதிர்பார்க்கலாம்.

நிஃப்டி 15600 என்ற நிலைக்குக்கீழ் மிக அருகில் இல்லை என்றாலும் (ஒருமுறை இதற்குகீழே இறங்கி வர்த்தகமானது; அடுத்த நாள் இந்த ஜோனுக்கு அருகில் வர்த்தகமாக ஆரம்பித்தது; பின்னர் இரண்டு முறை இறக்கம் கண்டது) ஏற்றத்தின் போக்குக்கு இதுவரை எந்தப் பங்கமும் ஏற்பட வில்லை. யாரேனும் வர்த்தக முடிவின் சார்ட் நகர்வுகளைப் பயன்படுத்தினாலும் இதற்கு சந்தை உள்ளாகவில்லை என்பதைப் பார்க்கலாம். தற்போதைய முடிவு நிலை 15680 என்ற நிலையில் இதைத் தாண்டிய உச்சநிலை உருவாகாத வரை இது முக்கியமான கவனிக்கத்தக்க நிலையாக உள்ளது.

பங்குகள்... வாங்கலாம்... விற்கலாம்! முதலீட்டாளர்கள் கவனத்துக்கு..!

எனவே, அனைவரும் புதிய உச்சத்தை எதிர்நோக்கி காத்திருக்கலாம். சிறு வர்த்தகர்கள் இறக்கங்களை முதலீடு செய்யும் வாய்ப்பாக எடுத்துக் கொள்ளலாம். ஏனெனில், விலை நகர்வுகள் அதன் முந்தைய உச்சத்திலிருந்து பெருமளவு இறக்கத்துக்கு உள்ளாகியுள்ளன. மிட்கேப் குறியீட்டில் பெரிய செயல்பாடு காணப்படவில்லை. காரணம், பெரும் பணக்கார முதலீட்டாளர்கள் காளையின் போக்கு தற்போது இல்லை என்று நினைக்கலாம். அப்படி இருக்கும் பட்சத்தில், அந்நிய முதலீட்டாளர் கள் துடிப்பாக விற்பனையில் இறங்கும் வரை சந்தையின் போக்கு இப்படியே தொடரும் என எதிர்பார்க்கலாம்.

வரும் வாரத்தைப் பொறுத்த வரை, இறக்கங்களின்போது முதலீடு செய்யலாம். ஆனாலும் குறுகியகால வர்த்தகர்கள் 15450 என்ற நிலைக்குக் கீழ் ஸ்டாப் லாஸ் வைத்துக்கொள்ளலாம். ஏற்றத்தின் போக்கில் 15850 என்ற நிலையை உடைத்தால், புதிய உச்சத்தை எட்டும் என எதிர் பார்க்கலாம்.

பங்குகள்... வாங்கலாம்... விற்கலாம்! முதலீட்டாளர்கள் கவனத்துக்கு..!

பல்ராம்பூர் சீனி மில்ஸ் (BALRAMCHIN)

தற்போதைய விலை ரூ.351.75

வாங்கலாம்

இந்தப் பங்கை மீண்டும் ஒருமுறை இங்கு பரிந்துரை செய்கிறோம். வாசகர்களுக்கு நினைவிருந்தால், இந்தப் பங்கு அதன் ரூ.70 என்ற நிலையிலிருந்து வலுவான ஏற்றத்தின் போக்கில் இருப்பதை அறிவார்கள். மேலும், தொடர்ந்து இந்தப் பங்கில் ஏற்றத்துக்கான வாய்ப்பு பிரகாச மாக உள்ளது. எனவே, தயங்காமல் இந்தப் பங்கை பரிந்துரை செய்கிறோம். இலக்கு விலை ரூ.410 வரை உயர வாய்ப்பு உள்ளது. ஸ்டாப்லாஸ் ரூ.310-க்குக் கீழ் வைத்துக்கொள்ளவும்.

இந்தியாபுல்ஸ் ரியல் எஸ்டேட் (IBREALEST)

தற்போதைய விலை ரூ.121.60

வாங்கலாம்

இந்தப் பங்கையும் இரண்டாம் முறை பரிந்துரை செய்கிறோம். ஏனெனில், விலை நகர்வு தொடர்ந்து பாசிட்டிவ் போக்கில் இருந்துவருகிறது. தற்போது இதில் பேட்டர்ன் முடிவுக்கு வந்து, நல்ல வால்யூம் வர்த்தகத் துடன் வலுவான போக்கில் இருப்பதைப் பார்க்க முடிகிறது. எனவே, இதன் விலை குறுகிய காலத்தில் ரூ.160 வரை உயர வாய்ப்புள்ளது. ஸ்டாப்லாஸ் ரூ.108-க்குக் கீழ் வைத்துக்கொண்டு இந்தப் பங்கை வாங்கலாம்.

ஜிண்டால் ஸ்டெயின்லெஸ் (JSL)

தற்போதைய விலை ரூ.104.80

வாங்கலாம்

இந்தப் பங்கும் முன்பு பரிந்துரை செய்யப்பட்டிருக்கிறது. அப்போது மிகக் குறைந்த மதிப்பில் இருந்தது. ஆனால், இந்தப் பங்கில் ஏற்றத்தின் போக்கு இன்னும் மந்தமாகவில்லை. எனவே, தொடர்ந்து புதிய முதலீட்டாளர்கள் இதில் ஈடுபாடு காட்டுகிறார்கள். தொடர்ந்து நல்ல வால்யூம் வர்த்தகத்தில் மென்மேலும் ஏற்றம் காண்கிறது. தற்போதும் இதே ஏற்றத்தின் போக்கு வலுவாக உள்ளது. எனவே, ஸ்டாப்லாஸ் ரூ.96-வுடன் தற்போதைய விலையில் வாங்கலாம். குறுகியகாலத்தில் ரூ.120-125 வரை உயரலாம்.

தமிழில்: திவ்யா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism