Published:Updated:

பங்குச் சந்தை ஏற்ற இறக்கங்கள்... சமாளிப்பது எப்படி?

கடைப்பிடிக்க வேண்டிய உத்திகள்..!

பிரீமியம் ஸ்டோரி

SHARE MARKET

இந்தியப் பங்குச் சந்தையானது கடந்த 2020-ம் ஆண்டில் வரலாறு காணாத வீழ்ச்சியையும் எழுச்சியையும் கண்டது. இந்த மாதிரியான ஏற்ற இறக்கங்கள் முதலீட்டாளர்களுக்கு குறிப்பாக, தனிநபர் / சிறு முதலீட்டாளர்களுக்கு வருத்தத்தையும் பயத்தையும் ஏற்படுத்தக்கூடிய ஒன்றாகும். மேலும், இதுபோன்ற ஏற்ற இறக்கங்கள், முதலீட்டாளர்கள் தங்களது நீண்டகால முதலீட்டு நோக்கங்களை நோக்கிய பாதையின் நடையில் சற்று தடையை ஏற்படுத்துவதாகும்.

பொதுவாக, இந்த மாதிரி சமயங்களில் முதலீட்டாளர்களிடம் இரண்டு விதமான மனப்பாங்கை நாம் பார்க்கலாம். ஒன்று, அவர்கள் தங்களது பங்குகளைக் குறைந்த அல்லது வந்த விலைக்கு விற்றுவிட்டு பங்குச் சந்தையை விட்டு விலகி, ரிஸ்க் குறைந்த சொத்துகளில் முதலீடு செய்வார்கள். இல்லையென்றால், ஏதும் செய்யாமல் இதுவும் கடந்து போகும் என்ற மனநிலையில் இருப்பார்கள்.

இந்த இரண்டு விதமான போக்குகளுமே சிறந்தவை அல்ல. இது அவர்களுடைய நீண்டகால சொத்து சேர்க்கும் திட்டத்தைப் பாதிக்கும். எனவே, பங்குச் சந்தை வீழ்ச்சி அடையும்போதும் அல்லது எழுச்சி அடையும்போதும் எந்த மாதிரியான உத்திகளை, முதலீட்டாளர்கள் கடைப்பிடிக்க வேண்டும் என்பது குறித்துப் பார்ப்போம்.

முனைவர் ப.சரவணன் பேராசிரியர், நிதி மற்றும் கணக்கியல் துறை, இந்திய மேலாண்மை நிறுவனம், திருச்சி.
முனைவர் ப.சரவணன் பேராசிரியர், நிதி மற்றும் கணக்கியல் துறை, இந்திய மேலாண்மை நிறுவனம், திருச்சி.

பங்கு சந்தை வீழ்ச்சி இயல்பான ஒன்றே: பங்குச் சந்தை வீழ்ச்சி என்பது முதலீட்டாளர்களுக்கு வருத்தம் மற்றும் ஏமாற்றத்தை அளிக்கக்கூடியதாக இருந்தாலும், நீண்டகால அடிப்படையில் பார்த்தால், ஒவ்வொரு வீழ்ச்சியிலிருந்தும் சந்தை மீண்டுவந்து கொண்டுதான் உள்ளது. இந்த அடிப்படை சூட்சுமத்தைப் பெரும்பாலான சிறு முதலீட்டார்கள் சரிவரப் புரிந்து கொள்வது இல்லை. பொதுவாக, நிதி சார்ந்த சொத்துகளில் (financial assets) முதலீடு செய்யும்போது வாலட்டாலிட்டி (volatility) என்று சொல்லக்கூடிய, அந்த முதலீட்டின் மீதான வருமானம் குறித்த ஒரு நிலையற்ற தன்மை உண்டு. அந்த நிலையற்றதன்மையானது, நாம் முதலீடு செய்யும் சொத்தைப் பொறுத்து கூடுதலாகவோ, குறைவாகவோ இருக்கும்.

உதாரணமாக, நிலையற்ற தன்மை யானது, பங்குச் சந்தை என்று சொல்லப் படக்கூடிய பங்குகளில் அதிக அளவாகவும், பாண்ட் (bond) என்று சொல்லக்கூடிய கடன் பத்திரங்களில் குறைவாகவும் இருக்கும். பங்கு களிலும் இதன் அளவானது பங்குகளுக்கு இடையிலேயே (ஸ்மால்கேப், மிட் கேப் மற்றும் லார்ஜ்கேப்) மாறுபட்டிருக்கும். எனவே, சந்தையின் வீழ்ச்சியை ஒரு துயரமாகக் கருதாமல், தங்களின் போர்ட்ஃபோலி யோவை சரிசெய்துகொள்ள அமைந்த ஒரு வாய்ப்பாக நினைத்து செயல்பட வேண்டும். அதே சமயத்தில், சந்தையின் எழுச்சியின்போது, லாபம் பார்க்கத் தவறக் கூடாது.

உங்கள் முதலீட்டின் மீது எதார்த்தமான எதிர்பார்ப்பை வையுங்கள்: ஒவ்வொரு முறையும் பங்குச் சந்தை சரியும்போது நீங்கள் மிகவும் படபடப்பாகவும், அசௌகர்யமாகவும் இருந்தீர்கள் எனில், நீங்கள் சரியான முதலீட்டைச் செய்யவில்லை என்றுதான் அர்த்தம். உங்கள் முதலீட்டு உத்தியானது உங்களின் நிதி சார்ந்த இலக்குகள், நீங்கள் எவ்வளவு காலம் காத்திருக்க இயலும், உங்களின் ரிஸ்க் சகிப்புத்தன்மை (risk tolerance) போன்றவற்றைப் பொறுத்தே அமையும். உங்களின் முதலீட்டு உத்தியானது சரியாக இருக்கு மேயானால், சந்தையின் குறுகிய கால வீழ்ச்சி அல்லது எழுச்சி குறித்த கவலை எதுவும் இன்றி இருக்கலாம்.

மேலும், நீங்கள் செய்யும் பங்கு சார்ந்த முதலீட்டின் மீது அபரிமிதமான வருமான எதிர் பார்ப்பு இல்லாமல், எதார்த்த மான எதிர்பார்ப்பை வையுங்கள். இதற்கு, அந்த நிறுவனத்தின் / பங்கின் கடந்த கால செயல் பாடுகள் மற்றும் அந்த இண்டஸ் ட்ரீஸ் குறித்த பகுப்பாய்வு மிகவும் கைகொடுக்கும்.

பங்குச் சந்தை
பங்குச் சந்தை

சந்தையின் போக்கை எதிர் பார்த்த முதலீட்டு உத்தியைத் (Timing the market strategy) தவிர்க்கவும்: இந்த உத்தியின்படி, முதலீட்டாளர் சந்தையின் போக்கை அனுமானித்து அதற்குத் தக்கவாறு முதலீடு செய்வது ஆகும். இந்த உத்தி எப்போதும் உறுதியான வெற்றியைக் கொடுக்கும் என்று கூற இயலாது. மேலும், இந்த உத்தியானது ஒரு கூட்டுக் கணிப்பு. இதை வைத்து ஒரு பங்கின் போக்கைக் கணிக்க இயலாது.

மேலும், முதலீட்டு அறிவியல் அனுபவச் சான்றுகள் சந்தையின் போக்கை ஒவ்வொரு முறையும் சரியாகக் கணிக்க இயலாது என்றே கூறுகிறது. எனவே, முதலீட்டாளர்கள், மேற்கண்ட உத்தியைப் பயன்படுத்தாமல் இருப்பதே சாலச் சிறந்தது.

தொடர்ச்சியான பங்களிப்பு (consistent contribution) மிக அவசியம்: நீங்கள் தொடர்ச்சியாக, வாரம்தோறும், மாதம்தோறும், ஒவ்வொரு காலாண்டு தோறும் இவ்வாறாகத் தொடர்ந்து ஆண்டுக் கணக்கில் முதலீடு செய்து வந்தால், பங்குச் சந்தையில் ஏற்படக்கூடிய குறுகியகால வீழ்ச்சிகள் தங்களது போர்ட்ஃபோலியோவை ஒருபோதும் பாதிக்காது. இந்த மாதிரியான ஓர் உத்தியைப் பயன்படுத்தி வருவீர்கள் என்றால், சந்தையின் போக்கைக் கவனித்து முதலீடு செய்தல் என்ற தவற்றை நீங்கள் செய்ய வாய்ப்பு இல்லை.

மேலும், சந்தை வீழ்ச்சி அடைந்தபோதும் நீங்கள் ஒரே தொகையை முதலீடு செய்வதால் நீங்கள் வாங்கும் பங்குகளின் எண்ணிக்கை அதிகரித்து தங்களின் போர்ட்ஃபோலியோவை மேலும் வலுப் படுத்தும். நீங்கள் நேரடியாகப் பங்குகளை வாங்காமல் முறையான முதலீட்டுத் திட்டம் (எஸ்.ஐ.பி – systematic investment plan) மூலம் முதலீடு செய்தாலும் இந்த விதிமுறை பொருந்தும்.

முடிவாக, பங்குச் சந்தை வீழ்ச்சி மற்றும் வருமானம் குறித்த நிலையற்ற தன்மையானது மோசமானதல்ல. மாறாக, இது முதலீட்டாளர்களுக்கு, புதிய பங்கு களைக் குறைந்த அல்லது நியாயமான விலையில் வாங்குவதற்கும், தங்களின் போர்ட்ஃபோலியோவைச் சீராய்வு செய்வதற்கும் அமைந்த ஒரு வாய்ப்பே.

அதே நேரத்தில், தங்களின் போர்ட்ஃ போலியோவை பல்வேறு மதிப்பிலான மற்றும் ஒன்றோடு ஒன்று தொடர்பில்லாத துறை சார்ந்த, வேறுபட்ட தொழில்கள் செய்யும் நிறுவனங்களின் பங்குகளைக் கொண்டு இருக்குமாறு அமைத்தால், நீங்கள் சந்தை வீழ்ச்சி குறித்த கவலை ஏதுமின்றி இருக்கலாம்.

பிட்ஸ்

மேசான் நிறுவனத்தின் அதிபர் ஜெஃப் பேசோஸின் சொத்து மதிப்பு கடந்த 2020-ல் 76.9 பில்லியன் டாலரில் இருந்து 191.8 பில்லியன் டாலராக உயர்ந்து, எல்லோரையும் ஆச்சர்யப்பட வைத்து இருக்கிறது!

பிட்ஸ்

2020-ல் ஐந்து லட்சம் எலெக்ட்ரிக் கார்களைத் தயாரிக்க வேண்டும் என இலக்கு நிர்ணயித்து இருந்தது டெஸ்லா நிறுவனம். 50 கார்கள் குறைவாக அதாவது, 4,99,950 கார்களைத் தயாரித்து உள்ளது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு