Published:Updated:

போனஸ் அல்லது டிவிடெண்ட்... இரண்டில் எது பங்குதாரருக்கு நல்லது? #SmartInvestorIn100Days நாள் - 61

போனஸ் பங்குகள் வழங்கப்பட்டால் நிறுவனத்தின் மொத்த முதல், `ஈக்விட்டி கேப்பிட்டல்’ அதிகரிக்கும். அதனால், `டெட் ஈக்விட்டி ரேஷியோ’ எனப்படும் நிறுவனத்தின் கடனுக்கும் முதலீட்டுக்குமான விகிதாசாரம் மாறும். அது பாசிட்டிவான மாறுதல்.

#SmartInvestorIn100Days
#SmartInvestorIn100Days

போனஸ் பங்குகள் எப்போதும் ஒன்றுக்கு ஒன்று என்று வழங்கப்படுவதில்லை. அவற்றின் விகிதங்கள் கூடுதலாகவோ குறைச்சலாகவோ இருக்கலாம். இரண்டு பங்குகள் வைத்திருப்பவர்களுக்கு ஒன்று (2:1), நான்கு பங்குகள் வைத்திருப்பவர்களுக்கு ஒன்று (4:1) என்கிற அளவுகளில் குறைத்து கொடுக்கப்படுவதும் உண்டு. பத்துப் பங்குகள் வைத்திருப்பவர்களுக்கு ஒன்று என்று கூடக் கொடுத்திருக்கிறார்கள்.

அதே போல, ஒன்று வைத்திருப்பவர்களுக்கு இரண்டு (2:1) என்பதுபோல ஒருவர் வைத்திருக்கும் பங்குகளைப் போல இரண்டு மடங்கு பங்குகளை இனாமாகக் கொடுக்கிற நிறுவனங்களும் உண்டு. 2006-ம் ஆண்டு யூனிடெக் என்ற நிறுவனம் ஒரு பங்கு வைத்திருப்போருக்கு 12 பங்குகள் போனஸ் வழங்கி வரலாறு படைத்தது. (பின்பு அந்த நிறுவனமே ஒன்றும் இல்லாமல் போனது வேறு கதை)

Representational Image
Representational Image
பிரிட்டானியா கம்பெனி ஷேர் ஹோல்டர்களுக்கு தந்த போனஸ் என்ன தெரியுமா? #SmartInvestorIn100Days நாள்- 59

போனஸ் அறிவிக்கப்பட்டால், பங்குதாரர்களுக்கு நிறுவனத்தின் பங்குகள் இலவசமாகக் கிடைக்கும். அந்த போனஸ் பங்குகளுக்கும் முன்பிருந்த பங்குகளுக்குக் கிடைத்ததுபோலவே டிவிடெண்ட் கிடைக்கும். தொகை அந்தந்த ஆண்டுகளின் லாப நஷ்டங்களைப் பொறுத்து இருக்கும்.

போனஸ் பங்குகள் மற்றும் டிவிடெண்ட் தொகை ஆகிய இரண்டுமே, நிறுவனம் அதன் பங்குதாரர்களுக்குக் கொடுப்பதுதான் என்றாலும், வழங்கும் நிறுவனத்திற்கும், பெறும் பங்குதாரருக்கும் அவை வேறு வேறு தாக்கங்கள் கொடுப்பவை.

போனஸ் பங்குகள் பெறும் பங்குதாரருக்கு அதற்கு வருமான வரி சட்டப்படி `கேப்பிடல் கெயின்ஸ் டேக்ஸ்’ உண்டு.

`போனஸ் ஷேர்’ கள் வழங்குவதால், நிறுவனத்தின் பணம் நிறுவனத்திலேயே இருக்கும். நிறுவனத்திற்கு `கேஷ் அவுட் புளோ’ இல்லை. ஆனால், டிவிடெண்ட் என்பது நிறுவனத்தின் `கேஷ் அவுட் புளோ’. பணமாகக் கொடுத்தாக வேண்டும்.

Representational Image
Representational Image
பங்குகளுக்கு போனஸ் ஷேர் எந்த அடிப்படையில் வழங்கப்படுகிறது? #SmartInvestorIn100Days நாள்-60

போனஸ் பங்குகள் வழங்கப்பட்டால் நிறுவனத்தின் மொத்த முதல், `ஈக்விட்டி கேப்பிட்டல்’ அதிகரிக்கும். அதனால், `டெட் ஈக்விட்டி ரேஷியோ’ எனப்படும் நிறுவனத்தின் கடனுக்கும் முதலீட்டுக்குமான விகிதாசாரம் மாறும். அது பாசிட்டிவான மாறுதல். அதன்பின் நிறுவனம் டிவிடெண்ட் கொடுத்தால், போனசாக வழங்கிய ஷேர்களுக்கும் கொடுத்தாகவேண்டும். டிவிடெண்டாகக் கொடுத்தால், கொடுத்த நேரத்தோடு சரி. அது அந்த ஆண்டின் செலவு. அவ்வளவுதான். அடுத்தடுத்த ஆண்டுகளில் அதனால் நிறுவனத்துக்கு பாரம் ஒன்றுமில்லை.

போனஸ் பங்குகள் பெறும் பங்குதாரருக்கு அது வருமான வரி சட்டப்படி `கேப்பிடல் கெயின்ஸ் டேக்ஸ்’ உண்டு. ஓராண்டு வைத்திருந்து விற்றால் லட்ச ரூபாய் வரையிலான தொகைக்கு வரி விலக்கு. டிவிடெண்டுக்கு ஆண்டுக்கு ரூ.10 லட்சம் வரை வருமான வரி இல்லை. அதற்குமேல் போகும் தொகைக்குத்தான் வரி.

நிறுவனம் போனஸ் பங்குகள் வழங்கினால், நிறுவனத்தின் `கேப்பிடல்’ அதிகரிக்கும்; புழக்கத்துக்கு வரும் பங்குகளின் எண்ணிக்கை அதிகரிக்கும். அதனால் அந்தப் பங்கு `லிக்விட்’ பங்காகக் கருதப்படும். கணிசமான எண்ணிக்கையிலான பங்குகளை அதிக விலை வேறுபாடில்லாமல் வாங்கலாம், விற்கலாம்; பங்கின் விலை குறையும்.

2019-ம் ஆண்டில் இதுவரை போனஸ் பங்குகள் கொடுத்த நிறுவனங்களும், அவை கொடுத்த விகிதங்களும் கீழே கொடுக்கப்பட்டிருக்கின்றன. அந்தப் பட்டியல் கொஞ்சம் நீளமானது.

போனஸ் அல்லது டிவிடெண்ட்... இரண்டில் எது பங்குதாரருக்கு நல்லது? #SmartInvestorIn100Days நாள் - 61
போனஸ் அல்லது டிவிடெண்ட்... இரண்டில் எது பங்குதாரருக்கு நல்லது? #SmartInvestorIn100Days நாள் - 61

கூடுதலாக ஒரு தகவல். பிரிட்டானியா நிறுவனம் 2018-ம் ஆண்டு அதன் நூறாவது ஆண்டு என்பதால், பங்குதாரர்களுக்கு போனஸ் கொடுத்து மகிழ்ந்திருக்கிறது. ஆனால், கொடுத்த போனஸை பிரிட்டானிய நிறுவனப் பங்குகளாகக் கொடுக்காமல், `நான் -கன்வெர்ட்சிபிள் டிபென்ச்சர்’ களாக கொடுத்துவிட்டது.

டிபென்ச்சர்கள் என்பவை கடன் பத்திர வகையைச் சேர்ந்தவை. அவற்றைப் பற்றி அடுத்தடுத்த அத்தியாயங்களில் பார்க்கலாம்.

- முதல் போடலாம்

சோம.வள்ளியப்பனிடம் நீங்கள் கேட்க விரும்பும் கேள்விகளை இங்கு பதிவு செய்யுங்கள். தேர்ந்தெடுக்கப்பட்ட கேள்விகளுக்குப் பதிலளிப்பார்.