Published:Updated:

ஈக்விட்டி கேப்பிட்டல், கடன்... இரண்டுக்கும் என்ன வேறுபாடு? #SmartInvestorIn100Days நாள் - 62

#SmartInvestorIn100Days
#SmartInvestorIn100Days

எல்லா நிறுவனங்களாலும் எல்லா நேரமும் கடன் வாங்காமல் தொழில், வியாபாரம் செய்ய இயலாது. ஆனால், அவர்கள் வாங்கும் கடன் ஒரு கட்டுக்குள் இருக்கவேண்டும்.

ஒரு நிறுவனத்தில் முதல் (கேப்பிடல்) என்றும், கடன் (Debt) என்றும் இரு வகைகளில் பணம் இருக்கும்.

கேப்பிடல் என்பது நிறுவனத்தில் நிரந்தரமாக இருக்கும் பணம். அதைக் கொடுப்பவர்கள் முதலாளிகள். அந்தப் பணத்துக்கு கட்டாயமாகத் தர வேண்டிய வட்டியோ, வட்டி போன்ற டிவிடெண்டோ கிடையாது. கொடுக்கலாம்; கொடுக்காமலும் இருக்கலாம்.

கம்பெனியை `அன்வைண்ட்’ செய்யும்போதுதான், `முதல்’ போட்டவர்களுக்கு பணம் கிடைக்கும். மற்றபடி பங்குச்சந்தையில் பட்டியலிடப்பட்டிருந்தால், சந்தையில் விற்கலாம். அல்லது நிறுவனமே, `பை பேக்’ (Buy Back) செய்தால், பங்குகளின் ஒரு பகுதியை விற்கலாம். ஆக, கேப்பிட்டல் என்பது நிறுவனத்தைப் பொறுத்தவரை நிலையான பணம்.

ஆனால், நிறுவனம் பெறும் கடன் அப்படிப்பட்டது அல்ல. கடனை குறிப்பிட்ட காலத்தில் திருப்பிக் கொடுக்கவேண்டும். கடன் தொகைக்கு ஒப்புக்கொண்ட அளவில் வட்டி கொடுக்கவேண்டும். வட்டி என்பது நிறுவனத்துக்கும் வியாபாரத்துக்குமான செலவு. இது என்றைக்கு இருந்தாலும் திருப்பிக் கொடுக்கவேண்டிய பணம். நிறுவனம் லாபம் செய்தாலும் செய்யாவிட்டாலும் வட்டி, கொடுக்க வேண்டிய பணம். அதனால்தான் பங்குச்சந்தையில் கடன் இல்லா கம்பெனி பங்குகளுக்கு மதிப்பு அதிகம். அவற்றை `டெட் பிரீ’ (Debt free) கம்பெனிகள் என்பார்கள்.

shares
shares
போனஸ் அல்லது டிவிடெண்ட்... இரண்டில் எது பங்குதாரருக்கு நல்லது? #SmartInvestorIn100Days நாள் - 61

எல்லா நிறுவனங்களாலும் எல்லா நேரமும் கடன் வாங்காமல் தொழில், வியாபாரம் செய்ய இயலாது. ஆனால், அவர்கள் வாங்கும் கடன் ஒரு கட்டுக்குள் இருக்கவேண்டும். நிறுவனத்தில் இருக்கும் கேப்பிட்டல் (ஈக்விட்டி) எவ்வளவு, இருக்கும் கடன் எவ்வளவு என்று இரண்டுக்கும் ஒப்பிட்டு பார்ப்பார்கள். அதன் பெயர் `டெட் ஈக்விட்டி ரேஷியோ’.

மொத்தக் கடன் தொகையை, ஈக்விட்டி கேப்பிட்டல் தொகையால் வகுத்தால் வரும் எண்தான் அது. அதை ஆங்கிலத்தில் Debt/Equity என்றும் சுருக்கமாக D/E என்றும் குறிப்பிடுவார்கள். அப்படி டிசம்பர் 8-ம் தேதி 2019-ம் ஆண்டு இருக்கும் நிலவரப்படி, இந்திய பங்குச்சந்தைகளில் பட்டியலிடப்பட்டிருக்கும் நிறுவனங்களில் குறைந்த அளவு D/E இருக்கும் நிறுவனங்களின் பட்டியலைப் பார்த்தால் இதைப் புரிந்துகொள்ள உதவியாக இருக்கும்.

மேலே உள்ள அட்டவணையில், கடைசியாக (last Column) கொடுக்கப்பட்டிருக்கும் DMC என்பது `டெட் மைனஸ் கேஷ்’ என்பதன் சுருக்கம். மொத்த கடன் தொகையில் இருந்து நிறுவனம் வைத்திருக்கும் பணத்தை (வங்கிகளில்) கழித்தால் வருவது. அதுதான் நிகரக் கடன்.

பங்குகளுக்கு போனஸ் ஷேர் எந்த அடிப்படையில் வழங்கப்படுகிறது? #SmartInvestorIn100Days நாள்-60

ஒரு நிறுவனத்தின் ஈக்விட்டி கேப்பிட்டல் 100 கோடி. அந்நிறுவனத்தின் கடன் தொகை 50 கோடி என்றால் அதன் D/E என்பது 50/100. வகுத்தால் வருவது 0.5. கேப்பிட்டல் தொகையில் பாதியளவுக்கு கடன். அதுதான் 0.5 D/E என்பது. மற்றொருவிதமாகச் சொல்வதென்றால் 0.5 என்பது கேப்பிட்டலில் 50%.

அடுத்து டெட் ஈக்விட்டி ரேஷியோவில் சுமாராக இருக்கும், அதாவது கேப்பிட்டலைக் காட்டிலும் அதிகமாகக் கடன் வாங்கியிருக்கும், இந்திய பட்டியலிடப்பட்ட நிறுவனங்கள் எவை என்று கீழே உள்ள அட்டவணையில் பார்க்கலாம்.

Net Debt
Net Debt
Courtesy: Economic Times
- முதல் போடலாம்.

சோம.வள்ளியப்பனிடம் நீங்கள் கேட்க விரும்பும் கேள்விகளை இங்கு பதிவு செய்யுங்கள். தேர்ந்தெடுக்கப்பட்ட கேள்விகளுக்குப் பதிலளிப்பார்.

அடுத்த கட்டுரைக்கு