Election bannerElection banner
Published:Updated:

பங்கை வாங்குவதற்கு முன்பு, எந்தெந்த விஷயங்களை ஆராய வேண்டும்? #SmartInvestorIn100Days நாள்-58

#SmartInvestorIn100Days
#SmartInvestorIn100Days

ஒரு பங்கை வாங்குவதற்கு முன்பு, பல்வேறு கோணங்களில் அதை ஆராய்வது அவசியம்.

துறைக்குத் துறை முதலீட்டாளர்கள் கொடுக்கும் மதிப்பீடு மாறும். அதைப்பொறுத்து அந்தத்துறையில் இயங்கும் நிறுவனப்பங்குகளின் வேல்யுவேஷன்ஸ் மற்றும் அவற்றின் PE மல்டிபிள்கள் (ஆண்டு சம்பாத்யத்தின் மடங்குகளாக விலைகள்) மாறுபடும்.

தகவல் தொழில்நுட்பத்துறை பங்குகளுக்கு தற்போது கொடுக்கப்படும் PE ரேஷியோ மற்றும் அவற்றின் ரேஞ்ச் என்னவென்று பார்த்தோம். அடுத்து மற்றொரு துறையான வங்கித்துறையைப் பார்க்கலாம்.

ஸ்டேட் பாங்க் ஆப் இந்தியா பங்கின் முகமதிப்பு ஒரு ரூபாய். அதன் ஒரு பங்கின் ஆண்டு சம்பாத்யம், 11 ரூபாய் 37 காசுகள். அதன் செவ்வாய்க்கிழமை விலை 312 ரூபாய். அதன்படி தற்போதைய PE மல்டிபிள், 28.

கனரா வங்கியின் 10 ரூபாய் முகமதிப்புள்ள பங்கின் ஓர் ஆண்டு சம்பாத்யம் 6 ரூபாய் 11 காசு. செவ்வாய்க்கிழமை விலை, 211 ரூபாய். PE மல்டிபிள் 34.

ஸ்டேட் வங்கிதானே பெரிய வங்கி! அதன் லாபமும் அதிகம். ஆனாலும் ஏன் கனரா வங்கிக்கு கூடுதல் PE மல்டிபிள் என்று கேட்கலாம். ஏன் என்பதை வாங்கும் முதலீட்டாளர்கள்தான் முடிவு செய்கிறார்கள். அதற்கு தற்போதைய சம்பாத்யம் தவிர வேறு சில காரணங்களும் இருக்கலாம். அப்படிப்பட்ட காரணங்களில் ஒன்று, அந்த நிறுவனத்தில் நடக்கலாம் என்று முதலீட்டாளர்கள் கொண்டிருக்கும் ஏதோ ஒரு எதிர்பார்ப்பு. அல்லது முந்தைய விலைகளை மனதில் வைத்து, இது நல்ல குறைந்த விலை என்று யோசிப்பதாக இருக்கலாம்.

Shares
Shares
ரிலையன்ஸ், டி.சி.எஸ் நிறுவனங்களில் `PE மல்டிப்பிள்' எப்படியிருக்கிறது? #SmartInvestorIn100Days நாள்-57

நிகர லாபம் மற்றும் ஒரு பங்கிற்கான சம்பாத்யம் என்பது, கடந்தகாலம் குறித்த தகவல். நடந்துமுடிந்தது. அதேபோலதான் அடுத்த அடுத்த ஆண்டுகளிலும் லாபம் இருக்கும் என்று சொல்ல முடியாது. அதனால் எதிர்பார்ப்புகளின் அடிப்படையிலும் PE மல்டிபிள் அதிகமாகும். அல்லது குறையும்.

அடுத்து, தனியார் வங்கிகளில் சிலவற்றைப் பார்க்கலாம். நிஃப்டியில் 11 சதவிகிதத்துக்கும் அதிகமான வெயிட்டேஜ் கொடுக்கப்பட்டிருக்கும் HDFC Bank பங்கின் முகமதிப்பு ஒரு ரூபாய்தான். அதன் ஆண்டு சம்பாத்யம் 42 ரூபாய் 71 காசு. செவ்வாய்க்கிழமை விலை 1,246 ரூபாய். அதன் PE மல்டிபிள், 29.

மற்றொரு பெரிய தனியார் வங்கியான ICICI வங்கியின் இது குறித்த விவரங்கள் மிகவும் வித்தியாசமாக இருக்கின்றன. அதன் பங்கு முகமதிப்பு ரூபாய் 2. ஒரு பங்கின் ஆண்டு சம்பாத்யம் என்ற EPS 7 ரூபாய் 94 காசுகள். பங்கின் செவ்வாய்க்கிழமை விலை 532 ரூபாய். PE மல்டிபிள், மலைத்துவிடாதீர்கள், 67.

ICICI வங்கியின் PE மல்டிபிள் 67 என்பது மற்ற இரண்டு பெரிய வங்கிகளான ஸ்டேட் பாங்க் ஆப் இந்தியா மற்றும் HDFC Bank பங்குகளின் PE மல்டிபிளைக் காட்டிலும் மிக அதிகம். பார்க்கப்போனால் கிட்டத்தட்ட இரண்டு மடங்கு. இதைத்தான் `Stretched வேல்யுவேஷன்ஸ்’ என்பார்கள்.

கிட்டத்தட்ட மூன்று மாதங்களுக்கு முன்பு, செப்டம்பர் 2019-ல் 386 ரூபாய் விலை இருந்த ICICI பங்கு விலை, டிசம்பர் 11 அன்று 532 ரூபாய்.

ICICI Bank
ICICI Bank

அப்போது அதன் PE மல்டிபிள், 48. அப்போதே அது மற்ற இரு பெரிய வங்கிகளைவிட அதிகம். அதற்கு மேலும் உயர்ந்திருக்கிறது. இப்படி உயர்வது ஏதோ ஒரு செய்தி சொல்கிறது. நிறுவனத்துக்குள் ஏதோ நடக்கிறது. அது வங்கிக்கு கூடுதல் லாபம் பெற்றுத்தரும் என்று சந்தை நினைக்கிறது. அதனால்தான் 48-ல் இருந்து PE மல்டிபிளை 67-க்கு தூக்கிப் போயிருக்கிறது.

இதெல்லாம் தனிப்பட்ட நிறுவனப் பங்குகளின் PE ரேஷியோக்கள். ஒரு குறிப்பிட்ட துறையில் இயங்கும் பட்டியலிடப்பட்ட அனைத்து நிறுவனங்களின் EPS மற்றும் விலைகளை வைத்து, மொத்த பங்குகளுக்குமான சராசரி PE மல்டிபிளை கணக்கிடும், பார்க்கும் வழக்கமும் இருக்கிறது. அதை இண்டஸ்ட்ரி PE என்பார்கள்.

வங்கிப்பங்குகளின் சராசரி இண்டஸ்ட்ரீ PE 39.68.

PE 39.68
PE 39.68

`PE ரேஷியோ என்பது மற்ற துறைகளுக்கு சரி. ஆனால், வங்கிப் பங்குகளைப் பொறுத்தவரை அதை மட்டுமே நம்பவேண்டாம். காரணம், வங்கிகளுக்கு ஓர் ஆண்டில் லாபம் வரும். அடுத்த ஆண்டில், வங்கியின் வாராக் கடன்கள் அதிகமானால், அதன் காரணமாக லாபம் பெரிய அளவில் குறைந்துவிடும். அதேபோல நடப்பில் லாபம் குறைவாகத் தெரியலாம். சில கடன்கள் வசூலானால் அடுத்த காலாண்டிலேயே அது லாபம் அதிகரித்துவிடலாம்’ என்கிற அபிப்பிராயங்களும் சந்தையில் உண்டு.

வங்கிப் பங்குகளைப் பொறுத்தவரை, PE மல்டிப்பிளைக் காட்டிலும், `புக் டு வேல்யு’ (பிரைஸ்/புக்) என்கிற `ஃபண்டமெண்டல்’ தான் முக்கியம்.

இப்படியெல்லாம் ஒரு பங்கை வாங்குவதற்கு முன்பு ஆராய்வார்கள். இவையெல்லாம் `ஃபண்டமெண்டல் அனலிசிஸ்’ சில் ஒரு பகுதி.

தனிப்பட்ட பங்குகளுக்கு, மொத்த (குறிப்பிட்ட) இண்டஸ்ட்ரீக்கு என்பன போக, சந்தைக்கான PE பார்ப்பதும் உண்டு. மொத்த சந்தைக்கும் பிரதிநிதி குறியீட்டு எண்கள் என்று பார்த்தோம். அந்த சென்செக்ஸ் மற்றும் நிப்டியில் இருக்கும் நிறுவனங்களின் சராசரி PE-யை சந்தையின் PE-ஆகக் கருதி முடிவுகள் எடுப்பார்கள்.

என்ன முடிவுகள்?

சந்தையில் விலைகள் நிறுவனங்கள் சம்பாதிக்கும் லாபத்துடன் ஒப்பிட்டால் சரியாக இருக்கின்றனவா? அல்லது கூடுதல் குறைச்சலாக இருக்கின்றனவா? இன்னும் உயரக்கூடுமா? அல்லது இறங்கப்போகிறதா? இவற்றையெல்லாம் தெரிந்துகொள்ள, சந்தை PE-யைப் பார்ப்பார்கள்.

Bull Run
Bull Run
பங்கின் விலை ஏறுவதும் இறங்குவதும் எதன் அடிப்படையில் தெரியுமா? #SmartInvestorIn100Days நாள்-56

இந்திய பங்குச்சந்தைகளில், கடந்த சில புல் ரன்களின்போது, மொத்த சந்தையின் PE எவ்வளவில் இருந்து எவ்வளவிற்குப் போயிருக்கிறது என்பதைப் பார்த்தால், சந்தையின் PE ரேஞ்ச் புரியும்.

1999 முதல் 2019 ஜனவரி வரையிலான காலகட்டத்துக்கு நிஃப்டி 50 பங்குகளின் PE-யைக் காட்டும் ஒரு சார்ட் இணையத்தில் இருக்கிறது. அதைப் பார்த்தால் ஓரளவுக்கு சந்தை இனி இறங்குமா உயருமா என்று கணிக்க முடியும்.

- முதல் போடலாம்

சோம.வள்ளியப்பனிடம் நீங்கள் கேட்க விரும்பும் கேள்விகளை இங்கு பதிவு செய்யுங்கள். தேர்ந்தெடுக்கப்பட்ட கேள்விகளுக்குப் பதிலளிப்பார்.

Election bannerElection banner
அடுத்த கட்டுரைக்கு