Published:Updated:

மியூச்சுவல் ஃபண்டு என்றால் என்ன? அதில் எப்படி முதலீடு செய்வது? #SmartInvestorIn100Days நாள்-91

#SmartInvestorIn100Days

பங்குகள், கடன் பத்திரங்கள் மட்டுமல்லாமல், தங்கம், ரியல் எஸ்டேட் போன்றவற்றிலும் இதுபோன்ற முறையில் முதலீடு செய்ய வாய்ப்பு தருபவை பரஸ்பர நிதிகள்.

மியூச்சுவல் ஃபண்டு என்றால் என்ன? அதில் எப்படி முதலீடு செய்வது? #SmartInvestorIn100Days நாள்-91

பங்குகள், கடன் பத்திரங்கள் மட்டுமல்லாமல், தங்கம், ரியல் எஸ்டேட் போன்றவற்றிலும் இதுபோன்ற முறையில் முதலீடு செய்ய வாய்ப்பு தருபவை பரஸ்பர நிதிகள்.

Published:Updated:
#SmartInvestorIn100Days

``மியூச்சுவல் ஃபண்டு என்றால் என்ன? அதில் எப்படி முதலீடு செய்வது சற்று எளிமையான முறையில் விளக்குங்கள்” என்று ராஜா கேட்டிருக்கிறார்.

தனிநபர்களோ, நிறுவனங்களோ அவர்கள் பணத்தை வைத்து, அவர்கள் விருப்பப்படி தேர்வு செய்து பங்குகளை வாங்குகிறார்கள், அவர்கள் முடிவு செய்யும் நேரம் விற்கிறார்கள். லாபமோ நஷ்டமோ எல்லாம் அவர்கள் பொறுப்பு, அவர்கள் பெருமை அல்லது தவறு.

Investment
Investment

ஒட்டுமொத்த விகடனுக்கும் ஒரே ஷார்ட்கட்!

`பங்குச் சந்தையில் முதலீடு செய்தால் லாபம் என்கிறார்கள். ஆனால், எனக்கு அது குறித்து அதிகம் தெரியாது. அதன் காரணமாக முதலீடு செய்ய பயமாக இருக்கிறது. ஆனாலும், அதில் கிடைக்கக்கூடிய கணிசமான லாப வாய்ப்பை நான் தவறவிட விரும்பவில்லை. மேலும், பங்குகளை வாங்கிய பிறகு, பொருளாதாரத்தில், அந்தக் குறிப்பிட்ட துறையில் மற்றும் அந்த நிறுவனத்தில் என்ன நடக்கிறது என்பதைத் தொடர்ந்து கவனிக்க வேண்டும். இல்லாவிட்டால் நஷ்டம் ஆகிவிடக்கூடும் என்கிறார்கள். நான் வேலையில்/ வியாபாரத்தில் இருக்கிறேன். எனக்கு இதையெல்லாம் கவனிக்க நேரமில்லை. இந்த நிலையில் என்ன செய்வது?’

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

மேலே குறிப்பிட்டிருக்கும் நிலையில் இருப்பவர்கள் ஏராளம். அப்படிப்பட்ட மக்களுக்காக உருவானதுதான் மியூச்சுவல் ஃபண்ட்.

முதலீட்டில் விருப்பம் உள்ளவர்கள், குறிப்பிட்ட தொகையை ஒரு அமைப்பிடம் கொடுத்து, நீங்கள் பங்குகளில் முதலீடு செய்து அதில் கிடைக்கும் லாபத்தை எங்களுக்கு பிரித்துக்கொடுங்கள் என்று சொல்வது. அந்த அமைப்பு, அப்படிப்பட்ட முதலீடுகள் குறித்து விவரம் தெரிந்த, அனுபவம் உள்ள ஒருவரை வேலைக்கு அமர்த்தி, பலரும் கொடுத்த பணத்தை முதலீடு செய்யச் சொல்வார்கள். அவர் முதலீடு செய்வார். ஆண்டு இறுதியில் லாப நட்டக் கணக்குப் பார்த்து, லாபத்தைப் பிரித்துக்கொடுப்பார். அவருக்கு ஊதியம், போனஸ். அமைப்புக்கு லாபம்.

மியூச்சுவல் ஃபண்டு
மியூச்சுவல் ஃபண்டு

இவ்வளவுதான் மியூச்சுவல் ஃபண்டு எனப்படும் பரஸ்பரநிதிகள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பரஸ்பரநிதிகள் நடத்த அரசின் அனுமதி வேண்டும். அப்படி அனுமதிபெற்று நிதிகள் நடத்தும் அமைப்புகளின் பெயர், `ஃபண்ட் ஹவுஸ்’. தற்போது ரிலையன்ஸ் நிப்பான், HDFC, ICICI புருடென்ஷியல், பிராங்கிள்டன் டெம்பிள்டன் போன்ற 44 ஃபண்ட் ஹவுஸ்கள் இருக்கின்றன. ஒவ்வொரு ஃபண்ட் ஹவுஸும் பல நூறு திட்டங்கள் நடத்துகின்றன.

டிசம்பர் 2019 வரையிலான காலகட்டத்தில், `ஃபண்டு ஹவுஸ்’கள் வசம் சுமார் 25 லட்சம் கோடி ரூபாய் இருந்தது. இவை முதலீடு செய்யப்படுவதற்காக இந்த அமைப்புகளின் கட்டுப்பாட்டில் இருப்பதால் இதை, `அசெட் அண்டர் மேனேஜ்மென்ட்' ( AUM) என்பார்கள்.

மியூச்சுவல் ஃபண்டு
மியூச்சுவல் ஃபண்டு

பங்குகளில் மட்டுமல்லாது, இப்படிப்பட்ட நிதிகள், கடன் பத்திரங்களிலும் முதலீடு செய்யப்படுகின்றன. பங்குகளில் முதலீடு செய்பவை, `ஈக்விட்டி ஃபண்டுகள்’. கடன் பத்திரங்களில் முதலீடு செய்பவை, `டெப்ட் ஃபண்டுகள்’ (Debt Funds). டெப்ட் பண்டுகளை, `இன்கம் ஃபண்டு’ கள் என்றும் அழைப்பதுண்டு. பங்குகள் மற்றும் கடன்பத்திரங்கள் ஆகிய இரண்டு வகை முதலீடுகளும் ஈடுபடும் திட்டங்களுக்குப் பெயர், `ஹைபிரிட்’ Hybrid திட்டங்கள்.

பங்குகள், கடன் பத்திரங்கள் மட்டுமல்லாமல், தங்கம், ரியல் எஸ்டேட் போன்றவற்றிலும் இதுபோன்ற முறையில் முதலீடு செய்ய வாய்ப்பு தருபவை பரஸ்பர நிதிகள்.

ஒரே தவணையாக முதலீடு செய்யாமல், மாதாமாதம் ஒரு தொகை என்பதுபோல பலரும் பரஸ்பரநிதிகளில் முதலீடு செய்கிறார்கள். அப்படி ஒரே அளவான பணத்தைத் தொடர்ந்து முதலீட்டுக்காக பரஸ்பரநிதிகளில் போடுகிற வழிமுறைக்குப் பெயர், `சிஸ்டமேட்டிக் இன்வெஸ்ட்மென்ட் பிளான்’ அதை ஆங்கிலத்தில் சுருக்கமாக SIP என்றழைக்கிறார்கள். இந்த முறையில் மட்டும் பரஸ்பர நிதிகளுக்கு ஒரு மாதத்தில் வரும் தொகை சுமார் 7,000 கோடி ரூபாய்.

பரஸ்பரநிதி குறித்த இன்னும் சில தகவல்கள்,விவரங்களை அடுத்தடுத்த அதியாயங்களில் பார்க்கலாம்.

- முதல் போடலாம்

சோம.வள்ளியப்பனிடம் நீங்கள் கேட்க விரும்பும் கேள்விகளை இங்கு பதிவு செய்யுங்கள். தேர்ந்தெடுக்கப்பட்ட கேள்விகளுக்குப் பதிலளிப்பார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism