Published:Updated:

முதலீட்டாளர்கள் பிரிஃபரென்ஸ் ஷேர்களை ஏன் வைத்திருக்க வேண்டும் தெரியுமா? #SmartInvestorIn100Days - 63

#SmartInvestorIn100Days
News
#SmartInvestorIn100Days

எல்லா நிறுவனங்களிலும் கண்டிப்பாக ஈக்விட்டி ஷேர்கள் இருக்கும். ஆனால், பிரிஃபரென்ஸ் ஷேர்கள் அப்படிப்பட்டவை அல்ல. சில நிறுவனங்கள் மட்டுமே பிரிஃபரென்ஸ் ஷேர்கள் வெளியிடும்.

நிறுவனங்களுக்கு கேப்பிடல் தேவை. அந்தக் கேப்பிட்டலை, அவை ஒருசில விதங்களில் திரட்டலாம். அப்படிப்பட்ட வழிகளில் ஒன்று, பொதுமக்களுக்கும் வெளி நிறுவனங்களுக்கும், நிறுவனத்தின் பங்குப் பத்திரங்களை விற்பது. அவர்களையும் பங்குதாரர்கள் ஆக்கிக்கொள்வது. அப்படித்தான் சமீபத்தில் IRCTC, பந்தன் பேங்க், CSB ஆகிய நிறுவனங்கள் ஐ.பி.ஓ-க்கள் வெளியிட்டு, அவற்றுக்குத் தேவையான பணத்தை, திரட்டிக்கொண்டன.

இது, நிறுவனத்துக்கு அதிக சுமை கொடுக்காத முறை. நிறுவனப் பங்குகளை வாங்கியவர்கள் ஷேர் ஹோல்டர் எனும் பங்குதாரர்கள் ஆகிவிட்டதால் லாபம் மற்றும் நஷ்டம் ஆகிய இரண்டுக்கும் சொந்தக்காரர்கள் ஆகிவிடுகிறார்கள். அதனால் லாபம் செய்தால் மட்டும் டிவிடெண்ட் கொடுத்தால் போதும். லாபம் செய்தும் டிவிடெண்ட் கொடுக்காத நிறுவனங்கள் மற்றும் குறைவான டிவிடெண்ட் கொடுக்கும் நிறுவனங்களும் உண்டு.

பங்குகளை வெளியிட்டு, மட்டுமே நிறுவனங்கள் அவர்களுக்குத் தேவைப்படும் பணத்தை ஈட்டுவது இல்லை. எல்லா நேரங்களும், எல்லா நிறுவனங்களாலும் IPO வெளியிட்டு பொதுமக்களிடமிருந்து நிதி திரட்ட முடியாது. அதற்கு பல்வேறு காரணங்கள் உண்டு.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

அதனால் நிறுவனம், ஏற்கெனவே பங்குகள் வைத்திருப்பவர்களிடம் கூடுதல் நிதி கேட்கும். அதற்காக `ரைட்ஸ் ஷேர்’கள் வெளியிடுவார்கள். ரைட் என்றால் உரிமை. வேறு யாருக்கும் கிடையாது. ஏற்கெனவே பங்கு வைத்திருப்பவர்களுக்குத்தான் என்பதால் அதன் பெயர் உரிமைப்பங்குகள் (ரைட்ஸ் பங்குகள்).

சந்தையில் நடக்கும் விலையைக் காட்டிலும் குறைந்த விலைக்குக் கொடுப்பார்கள். அவற்றை வாங்கவேண்டும் என்று கட்டாயமில்லை. தவிர, உரிமையை மட்டும் தனியே சந்தையில் விற்கவும் ஏற்பாடு செய்துதருவார்கள்.

Representational Image
Representational Image

மேலே பார்த்தவை எல்லாம் ஈக்விட்டி பங்கு வகைகள். அதில் உரிமை மற்றும் கடமை ஆகிய இரண்டும் உண்டு. லாபம் மற்றும் நஷ்டம் ஆகிய இரண்டும் அவர்களின் பங்கு விலைகளில் எதிரொலிக்கும். ஈக்விட்டி தவிர மற்றொரு வகை பங்கும் உண்டு. அதன் பெயர், பிரிஃபரென்ஸ் ஷேர் (Preference share).

எல்லா நிறுவனங்களிலும் கண்டிப்பாக ஈக்விட்டி ஷேர்கள் இருக்கும். ஆனால், பிரிஃபரென்ஸ் ஷேர்கள் அப்படிப்பட்டவை அல்ல. சில நிறுவனங்கள் மட்டுமே பிரிஃபரென்ஸ் ஷேர்கள் வெளியிடும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பிரிஃபரென்ஸ் பங்குகள், ஈக்விட்டி பங்குகளிலிருந்து இரண்டு முக்கிய வகைகளில் வேறுபடும். முதலாவது லாபம் செய்தாலும் செய்யாவிட்டாலும் பிரிஃபரென்ஸ் ஷேர்களுக்கு டிவிடென்ட் கொடுத்தாக வேண்டும். கொடுப்பதற்கு முன்பு ஒப்புக்கொண்ட விகிதத்தில். ஆம், பிரிஃபரென்ஸ் ஷேர் வழங்கும்போதே, அதற்கு என்ன வட்டி / டிவிடெண்ட் தருவது என முடிவு செய்து அறிவிக்கப்படும்.

இரண்டாவது வேறுபாடு, நிறுவனத்தை எந்தக் காரணங்களுக்காகவாது மூடுவதாக (டிசால்வ் செய்வதாக) இருந்தால், நிறுவனத்தின் சொத்துகளை விற்று கடன்காரர்களுக்கு கொடுத்ததுபோக மீதம் இருப்பதைப் பங்குகள் வைத்திருப்பவர்களுக்குக் கொடுப்பார்கள்.

ஒரு நிறுவனம் பிரிஃபரென்ஸ் பங்குகள் வழங்கியிருந்தால், முதலில் அந்தப் பங்குகள் வைத்திருப்போருக்கு அவர்கள் பிரிஃபரென்ஸ் ஷேர்களின் முகமதிப்பளவு பணத்தைத் திருப்பிக்கொடுப்பார்கள். அதன்பின் மீதம் இருந்தால்தான், இருப்பதைத்தான் ஈக்விட்டி ஷேர் ஹோல்டர்களுக்கு கொடுப்பார்கள்.

ஈக்விட்டி ஷேர் ஹோல்டர்களைக் காட்டிலும் பிரிஃபரென்ஸ் ஷேர் ஹோல்டர்களுக்கு இதில் முன்னுரிமை என்பதைத்தான் `பிரிஃபரென்ஸ்’ என்கிறார்கள்.

ஆம், இது ஷேர் என்று அழைக்கப்பட்டாலும் குறிப்பிட்ட விகிதத்தில் டிவிடெண்ட் மற்றும் முதலுக்கு இருக்கும் கூடுதல் பாதுகாப்பு என்ற விதங்களில் பிரிஃபரென்ஸ் ஷேர் என்பது ஏறக்குறைய ஒரு கடன் பத்திரம் போலத்தான். இந்த ஷேர்களில் நான்கு வகைகள் இருக்கின்றன.

ஈக்விட்டி மற்றும் பிரிஃபரென்ஸ் ஷேர்கள் தவிர, நிறுவனமானது அதற்குத் தேவைப்படும் பணத்துக்கு டிபென்ச்சர்களை வெளியிடும்.

shares
shares

சமீபத்தில் L&T ஃபைனான்ஸ் நிறுவனம், 500 கோடி ரூபாய்க்கு டிபென்ச்சர்கள் வெளியிட்டு இருக்கிறார்கள். அந்த வெளியீடு மூன்று மடங்கு ஓவர் சப்ஸ்கிரைப் ஆகி, சுமார் 1,503 கோடி ரூபாய்க்கு விண்ணப்பங்கள் வந்திருக்கின்றன.

டிபென்ச்சர் என்பது ஒரு நிறுவனம் வெளியிடும் கடன் பத்திரம். அதற்கு, ஆண்டுக்கு, 8.45 சதவிகிதம் வட்டி தருகிறார்கள். நிறுவனம் லாபம் செய்தாலும் இல்லாவிட்டாலும் டிபென்ச்சர் மூலம் பெற்ற பணத்திற்கு நிறுவனம் கட்டாயம் வட்டி தர வேண்டும் மற்றும் வாங்கிய பணத்தைத் திருப்பிக் கொடுக்க வேண்டும்.

டிபென்ச்சர்கள் முதலீடு ஈக்விட்டி வகையைச் சேர்ந்தது அல்ல. அதனால் அவற்றை வாங்குகிறவர்களுக்கு பங்குகளைவிட கூடுதல் பாதுகாப்பானவை.

அதேசமயம் இவற்றிலிருந்து வரும் வருமானம் ஓரளவு மட்டுமே. இவர்களில் இரண்டு வகைகள் உண்டு ஒன்று கன்வெர்டபிள், மற்றொன்று நான்-கன்வெர்டபிள் டிபென்ச்சர்.

வழங்கும்போது டிபென்ச்சராகக் கொடுப்பது. பின்னர், முன்கூட்டியே அறிவிக்கும் குறிப்பிட்ட ஆண்டுகளுக்குப் பிறகு அவற்றைப் பங்குகளாக மாற்றித் தருவது. இப்படி மாற்றம் செய்வதால் இந்த வகை டிபென்ச்சர்களுக்கு கன்வெர்டபிள் டிபென்ச்சர்கள் என்று பெயர்.

உதாரணத்துக்கு 1,000 ரூபாய் முகமதிப்புள்ள டிபென்ச்சர்கள் வெளியிட்டு, அதற்கு 8% வட்டி தருவது பின்பு மூன்று ஆண்டுகள் கழித்து, அந்தத் தொகைக்குப் பதிலாகக் குறிப்பிட்ட விலையில் அதே நிறுவனத்தின் பங்குகள் ஈக்விட்டி கொடுப்பது. அந்தப் பங்குகளை பிரீமியம் விலையில் கொடுக்கலாம்.

Shares
Shares

உதாரணத்துக்கு, டிபென்ச்சர்களைக் குறிப்பிட்ட ஆண்டுகளுக்குப் பிறகு திரும்பப் பெற்றுக்கொண்டு அதற்குப் பதிலாக அதே நிறுவனத்தின் 20 பங்குகளைக் கொடுப்பார்கள். அப்படியென்றால் அந்த நிறுவனத்தின், பத்து ரூபாய் மதிப்பு இருக்கும் பங்குகளை 40 ரூபாய் பிரீமியம் வைத்து ஒரு பங்கு 50 ரூபாய் வீதம் கொடுக்கிறார்கள். அப்போது சந்தையில் அந்நிறுவனப் பங்குகள் விலை அதிகமிருக்கலாம். குறைவாகவும் இருக்கலாம். பெரும்பாலும் அதிகமாகத்தான் இருக்கும். அப்படித்தான் திட்டமிடுவார்கள்.

சில நிறுவனங்களில் இவற்றில் மேலும் சில ஆப்ஷன் கொடுப்பார்கள். வேண்டுமானால் பங்குகளாக மாற்றிக்கொள்ளுங்கள், விருப்பமில்லாவிட்டால் நீங்கள், அவற்றை டிபென்ச்சர்களாகவே வைத்துக்கொள்ளலாம். இறுதியில் அவற்றை எங்களிடம் சமர்ப்பித்து பணம் பெற்றுக் கொள்ளலாம் என்று ஆப்ஷன் கொடுப்பார்கள்.

இதில் மற்றுமொரு விதம் பற்றிச் சொல்வதென்றால், முழு டிபென்ச்சர் தொகைக்கும் `கன்வெர்ஷன்’ வாய்ப்பு கொடுக்காமல், `பார்ட்லி கன்வெர்டபிள்’ என்பார்கள். உதாரணத்துக்கு, 1,000 ரூபாய் முக மதிப்புள்ள டிபென்ச்சரில், 500 ரூபாய் பணத்தை மூன்று ஆண்டுகளுக்குப் பிறகு பத்துப் பங்குகளாகத் திருப்பிக் கொடுத்துவிட்டு, மீதி 500 ரூபாய் பணத்தை, டிபென்ச்சர்களாகவே சில ஆண்டுகளுக்கு தொடரலாம் என்பார்கள்.

- முதல் போடலாம்.

சோம.வள்ளியப்பனிடம் நீங்கள் கேட்க விரும்பும் கேள்விகளை இங்கு பதிவு செய்யுங்கள். தேர்ந்தெடுக்கப்பட்ட கேள்விகளுக்குப் பதிலளிப்பார்.