Published:Updated:

வரிக்கணக்கு தாக்கலில் அதிரடி மாற்றங்கள்... நன்மையா, தீமையா? - கவனத்தில்கொள்ள வேண்டிய அம்சங்கள்!

வரி
பிரீமியம் ஸ்டோரி
News
வரி

ஒரு வருடத்தில் ஒரு கோடிக்கு மேலாக வங்கியில் செலுத்தினால் அது குறித்த விவரங்களைக் கட்டாயம் சமர்ப்பிக்க வேண்டும்.

ரசாங்கச் செலவுகள் யுத்த காலங்களில் மிக மிக அதிகமாக இருக்கும். இப்போது உலக அளவில் நடக்கும் கொரோனா யுத்தத்திலும், இந்தியா உட்பட அனைத்து நாடுகளிலும் அரசாங்கச் செலவுகள் பல மடங்கு கூடிக் கொண்டே போகின்றன. வரி செலுத்துவோரும் செலுத்தாதவரும் வீடுகளில் முடங்கியிருக்க, அரசின் வருமானம் குறைந்திருக்கிறது. இதைச் சரிகட்ட வரி வசூல் முறையில் சில மாற்றங்களை மத்திய அரசாங்கம் தற்போது கொண்டுவந்திருக்கிறது.

வரி வசூல் முறையில் மாற்றங்கள்!

2020-21-ம் ஆண்டுக்கு மத்திய அரசாங்கம் கொண்டுவந்திருக்கும் மாற்றங்களை இரண்டு வகைகளாகப் பிரிக்கலாம். ஒன்று, வருமான வரி செலுத்துவோர் சமர்ப்பிக்கும் படிவங்களிலுள்ள மாற்றங்கள். இரண்டாவது, வருமான வரித்துறை சேகரிக்கும் விவரங்களை உள்ளிடும் படிவங்களில் செய்யப்பட்ட மாற்றங்கள்.

வரிக்கணக்கு தாக்கலில் அதிரடி மாற்றங்கள்... நன்மையா, தீமையா? - கவனத்தில்கொள்ள வேண்டிய அம்சங்கள்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இந்தப் புதிய மாற்றங்கள் இனி வருமானவரி செலுத்துவோர் எதையும் மறைக்க முடியாது என்ற நிலையை உருவாக்குகின்றன. விவரங்கள் மறைக்கப்பட்டாலும், அரசாங்கத்தால் அதை லகுவாகக் கண்டுபிடிக்க இயலும். ஆக வரிக் கணக்கு தாக்கல் படிவங்களை நிரப்பும்போது கவனமாகச் செயல்படுவது மிகவும் அவசியமாகிறது.

வருமான வரிப் படிவத்தில் மாற்றங்கள்!

வருமான வரிக் கணக்கைத் தாக்கல் செய்யும்போது, தனிநபர், நிறுவனம், அறக்கட்டளை போன்றவை, தனித்தனியான படிவங்களில் (ஐ.டி.ஆர் 1 முதல் ஐ.டி.ஆர் 7 வரை) விவரங்களை நிரப்பி, சமர்ப்பிக்க வேண்டும். இந்த வருடம் வருமானவரிப் படிவங்களில் பல மாற்றங்கள் செய்யப்பட்டுள்ளன.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

சொந்த வீடு

இதுவரை வீட்டுக்குப் பலர் உரிமையாளர்களாக இருந்தாலும், ஐ.டி.ஆர் 1 அல்லது ஐ.டி.ஆர் 4 சமர்ப்பிக்க அனுமதிக்கப்பட்டார்கள். இனி வீடு ஒருவருக்கு உரிமையாக இருந்தால் மட்டுமே ஐ.டி.ஆர் 1 அல்லது ஐ.டி.ஆர் 4 சமர்ப்பிக்க முடியும். (குறிப்பு: ஒரு வீட்டுக்குப் பலர் உரிமையாளராக இருந்தால், அவர்களுக்கு வியாபாரத்தில் வருமானம் இல்லாமலிருந்தால் ஐ.டி.ஆர் 2 படிவத்தையும், தொழில் மூலமும் வருமானமும் இருந்தால் ஐ.டி.ஆர் 3 படிவத்தையும் தாக்கல் செய்ய வேண்டும்.)

வரி
வரி

வங்கியில் செலுத்தும் பணம்

ஒரு வருடத்தில் ஒரு கோடிக்கு மேலாக வங்கியில் செலுத்தினால் அது குறித்த விவரங்களைக் கட்டாயம் சமர்ப்பிக்க வேண்டும்.

பாஸ்போர்ட்டும் வெளிநாட்டுப் பயணமும்

ஒருவரிடம் பாஸ்போர்ட் இருந்தால் அதைப் பற்றிய விவரங்களை இந்த வருடம் முதல் கட்டாயமாக ஐ.டி.ஆர் 1 அல்லது ஐ.டி.ஆர் 4 படிவங்களில் தெரிவிக்க வேண்டும். வெளிநாட்டுக்குச் சென்று ரூ.2 லட்சத்துக்கு மேல் செலவாகியிருந்தால், அது பற்றிய விவரங்களை வருமானவரிக் கணக்குப் படிவத்தில் தெரிவிக்க வேண்டும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மின்சாரக் கட்டணம்

நிதியாண்டில் மின்சாரக் கட்டணமாக ரூ.1 லட்சத்துக்கு மேல் செலுத்தியிருந்தால், எவ்வளவு பணம் செலுத்தப்பட்டது என்பதைக் குறிப்பிட வேண்டும்.

வரி
வரி

முதலீடுகள், செலவுகள் விவரங்கள்..!

நிதியாண்டு 2020, மார்ச் 31–ல் நிறைவு பெற்றாலும் கொரோனா வைரஸ் ஊரடங்கு காரணமாக, `அந்த ஆண்டுக்கான வரிச் சலுகையைப் பெறுவதற்கான முதலீடுகள் மற்றும் செலவுகளை 2020, ஜூன் 30 வரை மேற்கொள்ளலாம்’ என மத்திய நிதி அமைச்சகம் சலுகை அளித்திருந்தது. அந்த விவரங்களை அத்தியாயம் VI விலக்குகள் (Chapter VI– Deductions) படிவத்தில் தெரிவிக்க வேண்டும்.

படிவம் சமர்ப்பிக்கும் தேதி

கொரோனா பாதிப்பால் முடிந்த 2019-20-ம் ஆண்டுக்கான வரிப் படிவங்களைச் சமர்ப்பிக்கும் தேதி 2020, நவம்பர் 30 வரை நீட்டிக்கப்பட்டிருக்கிறது. (வழக்கமாக ஜூலை 31-ல் தனிநபர் சமர்ப்பிக்க வேண்டும்)

வருமான வரித்துறை சேகரிக்கும் முக்கிய விவரங்கள்

வருமான வரித்துறை வருமான வரி செலுத்துபவர்களைப் பற்றிய பல விவரங்களைச் சேகரித்து அதைப் படிவத்தில் நிரப்பும். இதுவரை வருடத்துக்கு ஒரு முறை இந்தப் படிவம் நிரப்பப்படும். ஆனால், இனி புதிய மாற்றங்களால், படிவம் 26 ஏ.எஸ் (26AS) மூன்று மாதங்களுக்கு ஒரு முறை புதுப்பிக்கப்பட்டுக் கிடைக்கும் விவரங்கள் மத்திய அரசால் படிவத்தில் நிரப்பப்படும்.

இந்தப் படிவத்தில் இனி வரிதாரரின் தொலைபேசி எண், மின்னஞ்சல் முகவரி, ஆதார் எண் போன்றவையும் இருக்கும். இந்தப் படிவத்தில் முக்கியமாக ரூ.50,000-க்கு மேற்பட்ட பணப் பரிவர்த்தனைகள், சொத்துகள் வாங்கியது மற்றும் விற்றது பற்றிய விவரங்கள், சேவைகள், வேலை ஒப்பந்தங்கள், முதலீடுகள், கடன் வாங்கியது மற்றும் கொடுத்தது பற்றிய விவரங்கள், வைப்பு நிதிகள் முதலிய விவரங்கள் படிவத்தில் இடம் பெறுகிறது. இந்த விவரங்கள் ஒருவரின் பான் கார்டின் அடிப்படையில் 26 ஏஎஸ் படிவத்தில் சேர்க்கப்படும்.

வருமானவரி விவரங்கள்

இவை தவிர, இந்தப் படிவத்தில் வருமானவரி செலுத்த வேண்டிய விவரங்கள், வரி செலுத்தாமல் நிலுவையிலுள்ள வழக்குகள், எடுக்கப்பட்ட நடவடிக்கைகள், மதிப்பீடுகள், மீள்மதிப்பீடுகள் போன்ற விவரங்களும் இருக்கும். வருமான வரித் துறையினரால் பெறப்படும் வெளிநாட்டில் வாங்கப்படும் சொத்துகள் பற்றிய விவரங்களும் இந்தப் படிவத்தில் இருக்கும். அரசாங்கத்தின் மற்ற அதிகாரிகளிடமிருந்தும், அதிகார அமைப்புகளிடமிருந்தும் கிடைக்கும் விவரங்கள் படிவம் 26 ஏஎஸ்-ல் நிரப்பப்படும்.பினாமி சட்டம், சுங்க வரி, சரக்கு மற்றும் சேவை வரி சட்டங்களை நிறைவேற்றும் அரசாங்க அதிகாரிகளால் எடுக்கப்பட்ட நடவடிக்கைகளும், விற்றுமுதல் (Turnover), ஏற்றுமதி, இறக்குமதி விவரங்களும் படிவம் 26 ஏஎஸ்-ல் குறிக்கப்படும். இது அனைத்து வருமான வரி அதிகாரிகளும் பார்க்கும்படி செய்யப்படும். ஆக இனி படிவம் 26 ஏஎஸ் வங்கிகளுக்கும், நிதி நிறுவனங்களுக்கும், மற்ற அதிகாரிகளுக்கும், சொத்துகளை வாங்குபவருக்கும், விற்பவருக்கும் சம்பந்தப்பட்ட வரி செலுத்துவோருக்கும் எந்த வருமானவரிப் பிரச்னை எதுவும் இல்லை என்பதை உறுதிசெய்து கொள்ள உதவும்.

‘அகலமாக உழுவதைவிட ஆழமாக உழு’ என்பார்கள். ஆனால், வரியைப் பொறுத்தவரை, ஆழமாகவும் அகலமாகவும் உழுவது நன்மை தரும். அதற்கு இந்தச் சீர்திருத்தங்கள் உதவும் என்று நம்பலாம்!

புதிய வரிவிதிப்பு முறை 2020-21: தொடரும் வரிச் சலுகைகள்..!

குறைவான வரியைச் செலுத்தும் புதிய வரிவிதிப்பு முறையை 2020-21–ம் ஆண்டில் தேர்வு செய்பவர்களுக்குக் கீழ்க்காணும் சலுகைகள் அறிவிக்கப்பட்டுள்ளன.

* பிராவிடன்ட் ஃபண்ட் நிதி: ஐந்து வருடங்கள் தொடர்ச்சியாக வேலை செய்தவர்கள், பிராவிடன்ட் ஃபண்டிலிருந்து (பி.எஃப்) பணம் எடுத்தால் அதற்கு வரி செலுத்தத் தேவையில்லை.

* ஆயுள் காப்பீட்டுக்குக் கிடைக்கும் முதிர்வுத் தொகை: ஆயுள் காப்பீடு பாலிசி முடியும்போது பெறும் தொகை அல்லது அதற்கு முன்னர் திருப்பிப் பெறும் பணத்துக்கு வரி இல்லை. சுகன்ய சம்ருதி யோஜனா முதலீடு மூலம் கிடைக்கும் பணத்துக்கு வரி இல்லை.

* போக்குவரத்துச் செலவு: அலுவலகத்துக்குச் செல்ல ஆகும் செலவுகள் (Conveyance Allowance), வேலை மாறுதல் காரணமாக ஏற்படும் போக்குவரத்துச் செலவுகளுக்கு ஈடானப் படிகளுக்கும் வரி இல்லை. தபால் அலுவலகச் சேமிப்புக் கணக்கு மூலம் கிடைக்கும் வட்டி ரூ,3,500 வரை வரி இல்லை.

* தேசிய ஓய்வூதிய நிதி: முதிர்ச்சி அடைந்த அல்லது இன்னமும் முதிர்ச்சி அடையாத தேசிய ஓய்வூதிய நிதியிலிருந்து (என்.பி.எஸ்) எடுக்கப்படும் பணத்தில் 40 சதவிகிதத்துக்கு இனி வரி இல்லை. ஓய்வூதிய நிதியிலிருந்து அவசரத் தேவைக்குப் பகுதியாகத் திருப்பிப் பெறும் பணத்துக்கு 25% வரை வரி இல்லை.

* படிப்புச் செலவுகளை ஈடுகட்டக் கொடுக்கும் உதவித்தொகைகளுக்கு வரி இல்லை. கிராஜுவிட்டி தொகை ரூ.20 லட்சம் வரை வரி செலுத்தத் தேவையில்லை. அதேபோல ரூ.3 லட்சம் வரை விடுப்புக்கு ஈடாகக் கிடைக்கும் பணத்துக்கும் வரி இல்லை.

இவற்றையெல்லாம் மனதில்கொண்டு வருமான வரித் தாக்கல் செய்வது நல்லது!