Published:Updated:

பெண்Money - டேர்ம் பிளானில் முதிர்வுத் தொகை கிடைக்குமா?

பெண்Money - டேர்ம் பிளானில் முதிர்வுத் தொகை கிடைக்குமா?
பிரீமியம் ஸ்டோரி
News
பெண்Money - டேர்ம் பிளானில் முதிர்வுத் தொகை கிடைக்குமா?

சேனா சரவணன்

டந்த இதழில் ஆயுள் காப்பீட்டில் (லைஃப் இன்ஷூரன்ஸ்) டேர்ம் பிளான் எடுத்தால், ரூ.1 கோடி கவரேஜுக்குப் பத்தாயிரம் ரூபாய்தான் ஆண்டு பிரீமியம் என்று குறிப்பிட்டிருந்தீர்கள். இந்த பாலிசியில் அசம்பாவிதம் எதுவும் நடக்கவில்லை என்றால் இறுதியில் முதிர்வுத் தொகை ஏதாவது கிடைக்குமா? எண்டோவ்மென்ட் பிளானைவிட டேர்ம் பிளான் எடுப்பது உண்மையில் லாபகரமாக இருக்குமா? இப்படி அவள் விகடன் வாசகிகளில் பலர் கடிதம், போன், இ-மெயில் மூலம் கேட்டிருந்தார்கள். அவர்களின் சந்தேகங்களுக்குப் பதிலளிக்கும் வகையில் இந்தக் கட்டுரை அமைகிறது.

பெரும்பாலோர் ஆயுள் காப்பீடு பாலிசியை முதலீட்டுத் திட்டமாகப் பார்க்கிறார்கள். மேலும், ஏஜென்ட்களும் இத்தனை வருடங்களில் இவ்வளவு தொகை கிடைக்கும் எனச் சொல்லியே எண்டோவ்மென்ட் பாலிசியை விற்கிறார்கள். முதலீட்டுக்கும் காப்பீட்டுக்கும் வேறுபாடு நம்மில் பலருக்குத் தெரியவில்லை.

பெண்Money - டேர்ம் பிளானில் முதிர்வுத் தொகை கிடைக்குமா?

முதலீடு என்பது நீங்கள் போட்ட முதல் பெருகி, உங்களின் வாழ்க்கையை வளமாக்குவது. காப்பீடு என்பது உங்களுக்கு எதிர்பாராமல் ஏதாவது அசம்பாவிதம் நடந்தால், உங்களை நம்பியிருக்கும் குடும்பத்துக்கு நிதிப் பாதுகாப்பை அளிப்பது.

எண்டோவ்மென்ட் பாலிசிகள் ஆண்டுக்குக் கிட்டத்தட்ட 5% முதல் 6% வருமானம்தான் தருகின்றன. கடந்த 15 ஆண்டுகளில் இந்தியாவில் விலைவாசி உயர்வு ஆண்டுக்குச் சுமார் 7 சதவிகிதமாக இருக்கிறது. இதைக் கணக்கில் எடுத்துக் கொண்டால் இது வருமானமே இல்லை.

இன்ஷூரன்ஸ், முதலீடு இரண்டை யும் போட்டு ஒன்றாகக் குழப்பிக்கொள்வதால் மிஞ்சுவது வருமான இழப்புதான்.

இன்ஷூரன்ஸ் என்கிறபோது முற்றிலும் காப்பீடு மட்டும் அளிக்கும் டேர்ம் பிளானைத்தான் எடுக்க வேண்டும். இதில் பிரீமியம் மிகக்குறைவு. அதே நேரத்தில், இழப்பீட்டுத் தொகை மிக அதிகம். எண்டோவ்மென்ட் பாலிசியை எடுப்பதற்குப் பதில், டேர்ம் பிளானை எடுத்துவிட்டு, மீதி தொகையை வேறு ஏதாவது முதலீட்டுத் திட்டங்களில் முதலீடு செய்துவந்தால் நீண்ட காலத்தில் நல்ல லாபம் கிடைக்கும். இதை ஓர் உதாரணம் மூலம் பார்ப்போம்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
பெண்Money - டேர்ம் பிளானில் முதிர்வுத் தொகை கிடைக்குமா?

எண்டோவ்மென்ட் பிளான் ஒன்றில் 30 வயதாகும் பெண்மணி ஒருவர், ரூ.10 லட்சம் கவரேஜ் அளிக்கும், 15 ஆண்டு பாலிசியை எடுக்கிறார் என்று வைத்துக் கொள்வோம். இந்த பாலிசியில் ஆண்டு பிரீமியம் சுமார்
ரூ.72  ஆயிரம் பிரீமியம் கட்ட வேண்டும். பாலிசி எடுத்திருப்பவருக்கு இடையில் அசம்பாவிதம் எதுவும் நடக்கவில்லை என்றால் பாலிசி முடிவில் முதிர்வுத் தொகையாக ரூ.16 லட்சம்  கிடைக்கும். அதாவது, ஆண்டுக்குச் சராசரியாகச் சுமார் 5.4 சதவிகிதம்தான் வருமானம் கிடைத்திருக்கிறது. இந்த ரூ.10 லட்சம்  கவரேஜுக்கு, 15 ஆண்டு டேர்ம் பாலிசி எடுத்திருந்தால் ஆண்டு பிரீமியம் 3,000 ரூபாய்தான். 3,000 ரூபாயை டேர்ம் பிளான் பிரீமியமாகச் செலுத்திவிட்டு, மீதி 69 ஆயிரம் ரூபாயை மாதம் ரூ.5,750 என வருமான வரிச் சலுகை அளிக்கும் பொது சேமநல நிதியில் (பி.பி.எஃப்) முதலீடு செய்து, அதற்கு ஆண்டுக்கு 7.8% வருமானம் கிடைத்தால் கிடைக்கும் தொகை ரூ.19.67 லட்சமாக இருக்கும். அந்த வகையில் டேர்ம் பிளான் எடுத்துவிட்டு, மீதியை பி.பி.எஃப் திட்டத்தில் முதலீடு செய்வது மூலம் கூடுதலாக ரூ.3.67 லட்சம் கிடைத்திருக்கும். இது பெரிய தொகைதானே?

பி.பி.எஃப் திட்டத்தில் முதலீடு செய்ய விரும்பாதவர்கள், சம்பளத்தில் பி.எஃப் பிடிக்கும்பட்சத்தில், அதிலேயே விருப்ப பி.எஃப் (வி.பி.எஃப்) மூலம் பி.எஃப் போக, கூடுதலாக முதலீடு செய்து வரலாம். அதற்கு ஆண்டுக்கு 8.35% வருமானம் கிடைத்தால், ரூ.21.23 லட்சம் கிடைக்கும். அதாவது ரூ.5.23 லட்சம் கூடுதலாகக் கிடைக்கும்.

இப்படிச் செய்யும்போது, பாலிசிதாரருக்கு இடையில் ஏதாவது அசம்பாவிதம் நடக்கும்பட்சத்தில் டேர்ம் பிளான் கவரேஜ் தொகை ரூ.10 லட்சம் குடும்பத்துக்குக் கிடைக்கும். அப்படி இல்லாதபட்சத்தில் 15 ஆண்டு கால முடிவில்

பி.பி.எஃப் அல்லது வி.பி.எஃப் மூலம் கிடைக்கும் தொகை, எப்படி இருந்தாலும், எண்டோவ்மென்ட் பாலிசி மூலம் கிடைக்கும் பலனைவிட லாபகரமாகவே இருக்கும். இதைவிட அதிக லாபம் எதிர்ப்பார்ப்பவர்கள் வரிச் சேமிப்பு மியூச்சுவல் ஃபண்டில் முதலீடு செய்யலாம். மேலும், இந்த முதலீடுகளுக்கு வருமான வரிச் சலுகை இருக்கிறது.