Published:Updated:

நீங்களும் செய்யலாம்! - கிளிஞ்சல் பொம்மைகள்

நீங்களும் செய்யலாம்! - கிளிஞ்சல் பொம்மைகள்
பிரீமியம் ஸ்டோரி
நீங்களும் செய்யலாம்! - கிளிஞ்சல் பொம்மைகள்

ரமணி

நீங்களும் செய்யலாம்! - கிளிஞ்சல் பொம்மைகள்

ரமணி

Published:Updated:
நீங்களும் செய்யலாம்! - கிளிஞ்சல் பொம்மைகள்
பிரீமியம் ஸ்டோரி
நீங்களும் செய்யலாம்! - கிளிஞ்சல் பொம்மைகள்
நீங்களும் செய்யலாம்! - கிளிஞ்சல் பொம்மைகள்

டற்கரை மணலில் கிளிஞ்சல்கள் சேகரித்து விளையாடி மகிழ்ந்த பால்யம் பலருக்கும் நினைவிலிருக்கும். அப்படிச் சேகரித்த கிளிஞ்சல்களை அட்டையில் ஒட்டி அழகுபார்த்த ஞாபகமும் இருக்கும். விளையாட்டாகச் செய்த அந்த விஷயம் இன்று ஒரு பிசினஸாக உருவெடுத்திருக்கிறது. சிப்பிகளில் செய்கிற பொம்மைகளுக்கும் கலைப்பொருள்களுக்கும் சுற்றுலாப் பயணிகள் மத்தியில் பெரும் வரவேற்பு இருப்பதாகச் சொல்கிறார் சென்னையைச் சேர்ந்த கைவினைக்கலைஞர் ரமணி.

``டெய்லரிங் பண்ணிட்டிருந்தேன். வீட்டிலேயே எம்ப்ராய்டரி பயிற்சி கொடுக்கிறேன். கடந்த பத்து வருஷங்களா கிளிஞ்சல்களில் பொம்மைகள் செய்யறேன். கிளிஞ்சல் பொம்மைகளின் சிறப்பான விஷயமே அவற்றின் விலை.

15 ரூபாயில் தொடங்கி, 500, 1000 ரூபாய்க்குக்கூட விற்க முடியும். அன்பளிப்புப் பொருள்கள் தேடறவங்களுக்கு சரியான சாய்ஸ் இந்த பொம்மைகள்'' என்கிற ரமணி, இந்த பிசினஸில் ஆர்வமுள்ளோருக்கு வழிகாட்டுகிறார்.

ஒட்டுமொத்த விகடனுக்கும் ஒரே ஷார்ட்கட்!

நீங்களும் செய்யலாம்! - கிளிஞ்சல் பொம்மைகள்

என்னென்ன தேவை... எவ்வளவு முதலீடு?

கிளிஞ்சல்கள், அவற்றை ஒட்டுவதற்கான கன், அலங்காரத்துக்கான பொம்மைகள்... இவை போதும். கிளிஞ்சல்கள் ஒரு கிலோ 50 ரூபாய்க்குக் கிடைக்கும். ஒரு கிலோவில் 15 பொம்மைகள்வரை செய்யலாம். இயற்கையாகப் பெறப்படுபவை என்பதால் இயற்கையான நிறத்தில்தான் கிடைக்கும். அந்த இயல்பு மாறாமல் செய்வதில்தான் இருக்கிறது அழகு. அதை மீறி வண்ணம் தீட்ட நினைத்தாலும் செய்யலாம். எல்லாவற்றுக்கும் சேர்த்து 500 ரூபாய் முதலீடு போதுமானது.

என்னென்ன செய்யலாம்?

கடைகளில் கிடைக்கும் ரெடிமேடு பொம்மைகளை வாங்கி, அவற்றில் கிளிஞ்சல்களை ஒட்டி அழகுபடுத்தித் தரலாம். ரிட்டர்ன் கிஃப்ட்டாகக் கொடுக்க இவை மிகச் சிறந்தவை. வெறும் கிளிஞ்சல்களை மட்டுமே வைத்தும் உருவங்கள் உருவாக்கலாம். உதாரணத்துக்குக் கோயில், வீடு, கோபுரம் போன்று செய்யலாம். தோரணங்கள் செய்யலாம். வால் ஹேங்கிங் எனப்படும் சுவர் அலங்காரங்கள் செய்யலாம். வால் கிளாக்கில், முகம் பார்க்கும் கண்ணாடியில் சுற்றிலும் ஒட்டி அழகுபடுத்தலாம். விளக்குகள் செய்யலாம்.

கற்பனை வளம்தான் முக்கிய மூலதனமே. கையடக்க அன்பளிப்பு முதல் ஆளுயர அன்பளிப்பு வரை எதையும் செய்யலாம். பெரிய கிளிஞ்சல்களை வைத்து இன்னும் கிரியேட்டிவ்வாக நிறைய செய்யலாம். குட்டியாக ஒரு பொம்மை செய்ய 10 நிமிடங்கள் போதும். களைப்பு தெரியாத வேலை இது.

நீங்களும் செய்யலாம்! - கிளிஞ்சல் பொம்மைகள்

விற்பனை வாய்ப்பு? லாபம்?

அன்பளிப்புப் பொருள்கள் விற்கும் எல்லா கடைகளிலும் ஆர்டர் பிடிக்கலாம். சுற்றுலாப் பயணிகளின் நடமாட்டம் அதிகமிருக்கும் பகுதிகளில் கடை போடலாம். அல்லது அங்குள்ள கடைகளில் விற்பனைக்குக் கொடுக்கலாம். கோயில் வாசல்களில் உள்ள கடைகளில் விற்பனைக்கு வைக்கலாம். பிறந்தநாள் பார்ட்டி, திருமணம் போன்றவற்றுக்கு மொத்தமாக ஆயிரக்கணக்கில் ரிட்டர்ன் கிஃப்ட் வாங்குவோர் இதுபோன்ற விலை குறைந்த அன்பளிப்புகளை அதிகம் விரும்புவார்கள். பர்த்டே பார்ட்டி ஆர்கனைசர்கள் மற்றும் கல்யாண கான்ட்ராக்டர்களிடம் பேசியும் மொத்தமாக ஆர்டர் பிடிக்கலாம். எல்லாவற்றையும்விட நவராத்திரி நேரங்களில் அன்பளிப்பாகக் கொடுக்க சூப்பர் சாய்ஸ் இவை. ஆரம்ப விலை ரூபாய் 15. பெரிய பொம்மைகளை ஆயிரம் ரூபாய் வரை விற்கலாம். பாதிக்குப் பாதி லாபம் நிச்சயம். பகுதிநேரத் தொழிலாகச் செய்யவும் நல்ல பிசினஸ் இது.

பயிற்சி?

ஒரு நாள் பயிற்சியில் கற்றுக்கொள்ளலாம். தேவையான பொருள்களுக்கும் சேர்த்துக் கட்டணம் 500 ரூபாய்.

சாஹா,
படங்கள் : ப.பிரியங்கா

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism