Published:Updated:

இலவச தொழிற்பயிற்சி... வங்கிக் கடனுதவி... பத்தாவது படித்திருந்தால் போதும்!

வாய்ப்புகள் ஆயிரம்
பிரீமியம் ஸ்டோரி
News
வாய்ப்புகள் ஆயிரம்

வாய்ப்புகள் ஆயிரம்

மத்திய அரசின் கிராமப்புற மேம்பாட்டு அமைச்சகத்தின் சார்பில் நடத்தப்படும் பயிற்சி மையங்கள் மூலம், கிராமப்புற மக்களுக்கு பல்வேறு தொழிற்பயிற்சிகள் வழங்கப்படுகின்றன. தமிழகத்தில் 11 மாவட்டங்களில் இந்தியன் ஓவர்சீஸ் வங்கியின் மூலம் ஆண்டு முழுவதும் தொழிற்பயிற்சிகள் வழங்கப்படுகின்றன. இந்த வாய்ப்பைப் பயன்படுத்தி கடந்த பத்து ஆண்டுகளில் பயிற்சி பெற்ற 72,000 பேரில், 44,500 பேர் பெண்கள்!

கிராமப்புறப் புதிய தொழில்முனைவோர் களை உருவாக்கும் பயிற்சிகள் குறித்து விளக்குகிறார், சென்னையிலுள்ள இந்தியன் ஓவர்சீஸ் வங்கியின் தலைமை அலுவலக பொது மேலாளர் (நிதியியல் சேர்க்கைத்துறை) சுசில் சந்திர மொகந்தா.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

அடிப்படை நோக்கம்

``2009-11-ம் ஆண்டுக்காலத்தில் தமிழகத்தில் திருநெல்வேலி, கரூர், திருச்சி, தஞ்சாவூர், கன்னியாகுமரி, நாகப்பட்டினம், விருதுநகர், பெரம்பலூர், புதுக்கோட்டை, திருவாரூர், ராமநாதபுரம் ஆகிய மாவட்டங்களில் இந்தியன் ஓவர்சீஸ் வங்கியின் சார்பில் கிராமப்புற சுய வேலைவாய்ப்பு பயிற்சி மையங்கள் தொடங்கப்பட்டன. மற்ற மாவட்டங்களில், வேறு வங்கிகளின் சார்பில் வேலைவாய்ப்பு பயிற்சி மையங்கள் செயல்படுகின்றன. நிலையான வருமானம் கிடைக்காமல் விவசாய வேலைகளிலிருந்து கிராம மக்கள் பலரும் நகரங்களுக்கு இடம்பெயர்வது அதிகரித்துவருகிறது. தவிர, லட்சக்கணக்கான மக்கள் உரிய வேலைவாய்ப்பு இல்லாமல் தவிக்கின்றனர். இப்படியான மக்களை, தொழில்முனைவோராக மாற்றுவதுதான் எங்கள் அடிப்படை நோக்கம்.

வாய்ப்புகள் ஆயிரம்
வாய்ப்புகள் ஆயிரம்

61 வகையான பயிற்சிகள்

புதிய தொழில் வாய்ப்புகள், மானியம் பெறுவது, சந்தைப்படுத்துவது, ஏற்றுமதி, மதிப்புக்கூட்டல் உட்பட தொழிலில் வெற்றி பெறுவதற்கான 61 வகையான பயிற்சிகளை அளிக்கிறோம்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மாதம் ஒருமுறை சந்திப்பு

விவசாயம் சார்ந்த தொழில்கள், உற்பத்தி சார்ந்த தொழில்கள், சர்வீஸ் தொழில்கள், முறையான புரிதல் மற்றும் அனுபவம் இல்லாமல் தொழில் செய்வோர்களுக்கு மதிப்புக்கூட்டல் யுக்திகள் ஆகிய நான்கு பிரிவுகளில் பயிற்சிகளை அளிக்கிறோம். பிறகு, வங்கிக் கடனுதவி வாங்கிக்கொடுத்து தொழில்முனைவோராகச் செயல்பட ஊக்குவிக்கிறோம். இரண்டு ஆண்டுகளுக்கு, மாதம் ஒருமுறை அவர்களைச் சந்தித்து தேவையான வழிகாட்டுதல்களை வழங்குவோம். இதன் மூலம் சம்பந்தப்பட்ட தொழில்முனைவோருக்கு நிலையான வருமானம் கிடைக்கும் அளவுக்கு உயர்த்தி விடுவோம். இதுவரை நாங்கள் பயிற்சி கொடுத்திருக்கும் 72,000 பேரில், 75 சதவிகிதம் தொழில்முனைவோர் சரியான முறையில் தொழில் செய்துவருகிறார்கள்.

வாய்ப்புகள் ஆயிரம்
வாய்ப்புகள் ஆயிரம்

அனைத்தும் இலவசம்

ஒவ்வொரு பயிற்சி மையத்திலும், ஆண்டுக்கு 25 – 30 முறை தொழிற்பயிற்சிகளை நடத்துகிறோம். குறைந்தபட்சம் ஆறு நாள்கள் முதல் அதிகபட்சம் ஒரு மாதம் வரையிலான 61 வகையான தொழிற்பயிற்சிகளையும் அனுபவமிக்க வெற்றியாளர்களைக்கொண்டு வழங்குகிறோம். பயிற்சி காலத்தில் காலை, மதிய உணவு வழங்குகிறோம். பயனாளிகளின் பயணச் செலவுகளையும் ஏற்றுக்கொள்கிறோம்.

யாருக்கெல்லாம் பயிற்சி?

மேற்கூறிய 11 மாவட்டங்களைச் சேர்ந்த 18 - 45 வயதுக்குட்பட்ட, வறுமைக்கோட்டுக்குக் கீழுள்ள கிராமப்புறத்திலுள்ள மக்கள் அனைவருக்கும் (மூன்று பாலினத்தவரும்) முன்னுரிமை கொடுக்கிறோம். கிராமப்புறத்தி லுள்ள வறுமைக்கோட்டுக்கு மேலுள்ள மக்களும் பயிற்சி பெறலாம். மாற்றுத்திறனாளிகளுக்குச் சிறப்பு முன்னுரிமை கொடுக்கிறோம். குறைந்த பட்சம் பத்தாவது படித்திருக்க வேண்டும்.

எப்படித் தெரிந்துகொள்ளலாம்?

ஒவ்வொரு பயிற்சி மையத்திலும் ஆண்டுக்குக் குறைந்தபட்சம் 750 பேருக்குப் பயிற்சி வழங்குகிறோம். மாவட்ட திறன் மேம்பாட்டுப் பயிற்சி மையம், எங்கள் கிளை வங்கிகள் மற்றும் வங்கி இணையதளம், உள்ளூர் தொலைக்காட்சிகள், மாவட்ட ஆட்சியர் அலுவலகம் உட்பட பல்வேறு வழிகளில் பயிற்சி குறித்த அறிவிப்புகளை வெளியிடுகிறோம்.