Published:Updated:

பெண்கள் கில்லாடிகள்: எந்தச் சூழலிலும் உடைந்து போகாதீங்க...

பயிற்சி முகாம்
பிரீமியம் ஸ்டோரி
பயிற்சி முகாம்

பயிற்சி முகாமில் பிறந்த புதிய நம்பிக்கை!

பெண்கள் கில்லாடிகள்: எந்தச் சூழலிலும் உடைந்து போகாதீங்க...

பயிற்சி முகாமில் பிறந்த புதிய நம்பிக்கை!

Published:Updated:
பயிற்சி முகாம்
பிரீமியம் ஸ்டோரி
பயிற்சி முகாம்

ஐ.ஐ.டி மெட்ராஸ் மற்றும் ஹேண்டு இன் ஹேண்டு இந்தியா, CAMS அமைப்பு களுடன் அவள் விகடன் இணைந்து குறுந்தொழில் செய்யும் பெண் தொழில் முனைவோர்களுக்கான சிறப்புப் பயிற்சி முகாம் ஒன்றை காஞ்சிபுரம் அருகே உள்ள களியனூர் கிராமத்தில் அமைந்திருக்கும் `ஹேண்டு இன் ஹேண்டு’ வளாகத்தில் நடத்தியது. நான்கு நாள்கள் ஐ.ஐ.டி பயிற்சியை நிறைவுசெய்த பெண்கள் அனைவரும் குடும்பத்தினருடன் கலந்துகொண்ட நிறைவு விழாவில் தொழில்முனையும் பெண்களுக்கு உதவும் வகையில் ‘Turning point’ என்ற யூடியூப் சேனல் அறிமுகப்படுத்தப்பட்டது. நிதி மற்றும் முதலீடு தொடர்பான நூல் வெளியிடப் பட்டது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஹேண்டு இன் ஹேண்டு இந்தியா அமைப்பின் தலைவர் கல்பனா சங்கர், “புதிதாகத் தொழில் தொடங்கும் பெண்கள் பிரச்னைகளை எப்படிச் சமாளிப்பது எனத் தெரியாமல் பாதியிலேயே தொழிலை விட்டுவிடுவார்கள். இதுபோன்ற நேரங்களில் வீட்டிலுள்ளவர்கள் அவர்களுக்கு உறுதுணை யாக நிற்க வேண்டும். உங்கவீட்டுப் பெண்கள் வளர்ச்சி பெற்றால் உங்களுக்கும் மரியாதை கூடும்!” என்று தெம்பூட்டினார்.

பெண்கள் கில்லாடிகள்:
எந்தச் சூழலிலும் உடைந்து போகாதீங்க...

சிறப்பு விருந்தினராகக் கலந்துகொண்ட நடிகை அனுஹாசன், “வீடு, வேலை என சூப்பராக வேலை பார்ப்பதில் பெண்களாகிய நீங்கள் கில்லாடிகள். நமக்குத் திறமை இல்லை என்று நினைப்பதைவிட நம்முடைய வலிமை எங்கிருக்கிறது என்பதைக் கண்டறிந்து பலப்படுத்திக்கொள்ளுங்கள். திட்டமிட்டு பணியாற்றினால் நேரத்தை மிச்சப்படுத்தலாம்” என்றார்.

ஐ.ஐ.டி சென்னை மேலாண்மைத் துறை பேராசிரியர் தில்லை ராஜன், “இன்றைய வெற்றியாளர்கள் பலரும் தங்கள் தொழிலை உலகச் சூழலுக்கேற்ப மாற்றியமைத்துக் கொண்டவர்களே. தொடங்கிவிட்டோம் என்பதற்காக வீம்புக்காக ஒரு தொழிலைத் தொடராதீர்கள். அதில் வெற்றிபெற முடியுமென்றால் உங்கள் பலத்தை உறுதியுடன் பயன்படுத்துங்கள்” என்று வாழ்த்தினார்.

பயிற்சி முகாம்
பயிற்சி முகாம்

கடந்த நான்கு ஆண்டுகளாக ஹேண்டு இன் ஹேண்டு மற்றும் ஐ.ஐ.டி மூலம் பயிற்சி பெற்றுவரும் ஜெசிதா, “வீடு மட்டும்தான் எங்களின் வாழ்க்கை என நினைத்திருந்தோம். அந்த எண்ணத்தை உடைத்து எங்களை வெளியே வரவைத்தது இந்தப் பயிற்சி. எந்தச் சூழலிலும் உடைந்து போகாதீங்க. குடும்பத்துக்காகத்தான் உழைக்கிறோம். அதனால் குடும்பத்தையும் மறந்துடாதீங்க” என்றார்.

“வெளியுலகம் தெரியாமல் இருந்தேன். இந்தப் பயிற்சி எனக்கு ரொம்ப பயனுள்ளதாக இருந்தது. இங்கே பயிற்சி பெற்ற பிறகு இரண்டு ஹோட்டல்களை நடத்தி வருகிறேன். முன்பு வாழ்ந்த வாழ்க்கையை ஒப்பிடும்போது இது எனக்கு மிகப்பெரிய சாதனை” என்று கல்பனா பேசியது, அனைத்துப் பெண்களுக்கும் வலிமை சேர்ப்பதாக அமைந்தது.