Published:Updated:

கடன், சேமிப்பு, முதலீட்டு முடிவுகள்... மனைவியின் பங்கு ஏன் அவசியம்?

மனைவியின் பங்கு ஏன் அவசியம்?
பிரீமியம் ஸ்டோரி
மனைவியின் பங்கு ஏன் அவசியம்?

கொரோனா காலகட்டத்தில் பலரும் வேலையிழப்பு, சம்பளக் குறைப்பு என பாதிக்கப்பட்டிருக்கிறார்கள்.

கடன், சேமிப்பு, முதலீட்டு முடிவுகள்... மனைவியின் பங்கு ஏன் அவசியம்?

கொரோனா காலகட்டத்தில் பலரும் வேலையிழப்பு, சம்பளக் குறைப்பு என பாதிக்கப்பட்டிருக்கிறார்கள்.

Published:Updated:
மனைவியின் பங்கு ஏன் அவசியம்?
பிரீமியம் ஸ்டோரி
மனைவியின் பங்கு ஏன் அவசியம்?

குடும்பத்தில் செல்வம் செழிக்க வேண்டு மென்றால் கணவன் மனைவி இருவரும் பண விஷயத்தில் இணைந்து செயல்படுவது முக்கியம்.

`சேமிப்பு, கடன் வாங்குவதில் தம்பதியர் சேர்ந்து முடிவெடுக்க வேண்டியதன் அவசியம் என்ன?' என்பது குறித்து நிதி ஆலோசகர் பி.பத்மநாபனிடம் பேசினோம்.

 பி.பத்மநபான்
பி.பத்மநபான்

தேவைக்கு மட்டுமே!

``கொரோனா காலகட்டத்தில் பலரும் வேலையிழப்பு, சம்பளக் குறைப்பு என பாதிக்கப்பட்டிருக்கிறார்கள். இந்த நேரத்தில் கணவன் - மனைவி இருவரும் சேர்ந்து நிதித் திட்டமிடலைச் செய்யும்போது, நிறைய நன்மைகள் கிடைக்கும்.

உதாரணமாக, பார்ப்பதையெல்லாம் வாங்க நினைக்கும் மனநிலையிலிருந்து நிச்சயம் தப்பிக்க முடியும். தேவைக்கு மட்டுமே பொருள்கள் வாங்கப்படும். ஆசைகள் கேள்விக் குள்ளாக்கப்படுவதால், நியாயமான ஆசை களே நிறைவேற்றப்படுகின்றன.

சரிசமமான பொறுப்பு!

வீட்டு பட்ஜெட் போடுவதிலிருந்து முதலீடு தொடர்பான முடிவை எடுப்பதுவரை ஆண்கள் மட்டுமே செய்யட்டும் எனப் பெண்கள் ஒதுங்கிவிடாமல், பெண்களும் சேர்ந்து ஈடுபடும்போது குடும்பம் பணக் கஷ்டத்தில் சிக்காமல் குதூகலமாக இருக்கும்.மனைவி சொல்லும் சிறிய ஆலோசனைகூட மிகப் பெரிய பிரச்னைகளில் இருந்து விடுபட உதவியாக இருக்கக்கூடும்.

கடன், சேமிப்பு, முதலீட்டு முடிவுகள்...  மனைவியின் பங்கு ஏன் அவசியம்?

பிராக்டிகல் விஷயங்கள்!

கணவன் - மனைவி இணைந்து செயல்பட கீழே தரப்பட்டுள்ள பிராக்டிகலான விஷயங் களைக் கடைப்பிடிப்பது நல்லது.

பொதுவாக, சேமிப்பு விஷயத்தில் நம் செயல்பாடு இப்படி இருக்கும். வருமானம் - செலவு = சேமிப்பு. இதை, வருமானம் - சேமிப்பு = செலவு என மாற்றினால், தம்பதி களுக்கு பணப்பிரச்னை என்றைக்கும் வராது.

யாராவது ஒருவர் கடன் கொடுக்கிறார் எனில், அது இலவசம் இல்லை. ஒவ்வொரு மாதமும் நாம்தான் அதை வட்டியுடன் திரும்பக் கட்ட வேண்டும். இந்தக் கடனிலிருந்து மீள்வது கடினம். அதனால், கடன் விஷயத்தில் கலந்தாலோசித்து முடிவெடுப்பது நல்லது.

மேலும், வாங்குகிற கடனை ஒருவரது பெயரில் வாங்கினால் என்ன நன்மை, இருவரும் சேர்ந்து வாங்கினால் என்ன நன்மை என்று பார்த்து முடிவெடுப்பது அவசியம். உதாரணத்துக்கு, வேலை பார்க்கும் கணவன் – மனைவி இருவரும் சேர்ந்து வீட்டுக் கடன் வாங்கினால், வட்டியில் சலுகை இருக்கிறது. மேலும், தனித்தனியாக வீட்டுக் கடன் வாங்கு வதைவிட, இருவரின் சம்பளமும் சேரும்போது பெரிய, வசதியான வீடு கிடைக்கும். அதனால் பெரிய செலவுகளை மற்றும் கடன் வாங்கு வதை இருவரும் சேர்ந்து முடிவெடுப்பது நல்லது. இதனால், வீட்டில் சேமிப்பு அதிகரித்து கடன் விரைந்து அடைபட வாய்ப்பு இருக்கிறது. யாருக்கு எந்தப் பொறுப்பு எளிதாக வருகிறதோ, அதை மனம் மகிழ்ந்து செய்வது போன்ற பிராக்டிகலான விஷயங்களைக் கடைப்பிடிப்பது அவசியம். அதே மாதிரி முதலீட்டு யோசனைகளை இருவரும் கலந்தாலோசித்துவிட்டு நல்ல முடிவை எடுக்கலாம்.

கடன், சேமிப்பு, முதலீட்டு முடிவுகள்...  மனைவியின் பங்கு ஏன் அவசியம்?

சாதகமும் பாதகமும்!

நிதித் திட்டமிடல் மற்றும் முதலீடு சார்ந்த விஷயங்களில் கணவன் - மனைவி இருவரும் இணைந்து செயல்படுவதால் ஏற்படும் மிகப் பெரிய சாதகம் உறவுகள் மேம்படுவது. ஒருவர் மற்றவரின்மேல் வைத்திருக்கும் மதிப்பும் கூடுகிறது. இரண்டு பேர் சேர்ந்து முடிவு எடுப்பதால் ஒருவருடைய விருப்பத்தை விட அந்த முடிவால் ஏற்படக் கூடிய விளைவுகளுக்கு முக்கியத்துவம் தரப்படுகிறது. இது கண்டிப்பாக நல்ல பலனையே தரும். வங்கியில் ஜாயின்ட் அக்கவுன்ட் தொடங்கி மூலதனத்தை ஒரே இடத்தில் வைத்து கண் காணிப்பது மிகவும் சுலபமாகி விடுகிறது. மேலும் பொறுப்பு கள் பகிரப்படுவதால் சுமை கள் குறைகின்றன. அது மன அழுத்தத்தைப் பெருமளவு குறைப்பதால் தரமான வாழ்வு மேம்படுகிறது.

பல நேரம் கணவன் - மனைவியிடையே ஏற்படும் சின்னச் சின்ன சச்சரவுகளுக்கு காரணம், ஒருவரை ஒருவர் கலந்தாலோசிக்காமல் சுயமாக முடிவெடுப்பது. இந்த முடிவு, பிறகு கணவனுக்கோ, மனை விக்கோ தெரியவரும்போது அது பெரிய பிரச்னையாக மாறிவிடும். இனி அப்படி யில்லாமல், சேர்ந்தே முடிவெடுங்கள்... சேர்ந்தே நடைமுறைப்படுத்துங்கள்!