மத்திய, மாநில அரசுகளின் சிறந்த கல்வி நிறுவனங்களில் மாணவர் சேர்க்கைக்காக ஒவ்வோராண்டும் 30-க்கும் மேற்பட்ட நுழைவுத்தேர்வுகள் நடத்தப்படுகின்றன. அதேபோல, மத்திய, மாநில அரசுகளின் காலிப்பணியிடங்களை நிரப்புவதற்காகவும் நிறைய தேர்வுகள் நடத்தப்படுகின்றன. இந்தத் தேர்வுகள் குறித்த விழிப்புணர்வு நகர்ப்புற மாணவர்கள் மத்தியிலேயே குறைவாகத்தான் இருக்கிறது. கிராமப்புற மாணவர்களுக்கு இன்னும் எட்டவேயில்லை. தேர்வுகளின் வகை, பாடத்திட்டங்கள், தேர்வு நடைபெறும் காலம் என எந்தத் தகவலுமே நம் இளைஞர்களை பெரிய அளவில் எட்டுவதில்லை.

மேற்கண்ட நான்கு நிலைகளிலும் வெற்றி பெறுபவர்களுக்கு, மத்திய அரசின் பல்வேறு துறைகளில் பணி வாய்ப்புகள் வழங்கப்படும். குறிப்பாக, இந்தியன் ஆடிட் அன்ட் அக்கவுன்ட்ஸ் டிபார்ட்மென்ட் (CAG) துறையில் Assistant Audit officer, Assistant account officer பணிகளை இந்தத் தேர்வில் வெற்றிபெறுவதன்மூலம் பெறமுடியும். Central Secretariat Service துறையில் Assistant Section Officer பணியும்கூட இந்தத் தேர்வில் வெற்றி பெற்றவர்களுக்கு வழங்கப்படும். Intelligence Bureau, ரயில்வே, வெளியுறவுத் துறை போன்ற துறைகளில் Assistant section officer பணியும் இத்தேர்வில் வெற்றி பெறுபவர்களுக்குக் கிடைக்கும்.

இவைதவிர, வருமான வரித்துறையில் Inspector of Income tax, Inspector of central excise, Preventive officer, Examiner போன்ற பணிகளும் இந்தத்தேர்வின் அடிப்படையிலேயே நிரப்பப்படுகின்றன. புள்ளியியல் துறையில் Junior Statistical Officer, CPI Inspector, Postal department inspector போன்ற பல உயர்நிலை பணிகளுக்கும் இந்தத் தேர்வு மூலம் நியமனம் நடக்கிறது. மத்திய அரசின் பல்வேறு துறைகளில் Assistant section officer, Assistant enforcement officer, Sub-Inspector, Inspector போன்ற பணிகளும் இந்தத் தேர்வில் தேர்ச்சி பெறுபவர்களுக்குக் கிடைக்கும்.

'SSC CGL' தேர்வை 18 முதல் 30 வயது வரையிலானவர்கள் எழுதலாம். வயது வரம்பு, ஒவ்வொரு பணியின் தன்மைக்கேற்ப மாறுபடும். SC/ST பிரிவினருக்கு 5 ஆண்டுகளும் OBC பிரிவினருக்கு 3 ஆண்டுகளும் வயது வரம்புத் தளர்வு உண்டு. மாற்றுத்திறனாளிகளுக்கு அதிகபட்சம் 10 ஆண்டுகள் வயது வரம்பில் தளர்வு அறிவிக்கப்பட்டுள்ளது.

ஏதேனும் ஒரு பல்கலைக்கழகத்தால் அங்கீரிக்கப்பட்ட பட்டம் (Degree) பெற்றவர்கள் இந்தத் தேர்வை எழுதலாம். ஆனால், Assistant Audit officer, Assistant accounts officer ஆகிய பணிகளில் சேர விரும்புபவர்கள், பல்கலைக்கழகப் பட்டத்தோடு, Charted accountant, Cost and management account, Company secretary ஆகியவற்றில் ஏதேனும் ஒரு படிப்பில் தேர்ச்சி பெற்றிருக்கவேண்டும்.

வணிகவியல், வணிக நிர்வாகம், வணிகப் பொருளியல் போன்ற படிப்புகளில் பட்டம் பெற்றவர்களுக்கு இந்தப் பணிக்கான தேர்வில் முன்னுரிமை வழங்கப்படும். Junior Statistical officer பணிக்கு, பட்டப்படிப்போடு பிளஸ் டூ கணிதப் பாடத்தில் 60 சதவிகித மதிப்பெண் பெற்றிருப்பது அவசியம். பட்டப்படிப்பில் புள்ளியியல் பாடத்தை விருப்பப் பாடமாகவே படித்திருப்பது இந்தத் தேர்வுக்கு சரியான தகுதி.

இந்தத் தேர்வுக்கானக் கட்டணம் 100 ரூபாய். பெண்கள், எஸ்.சி/ எஸ்.டி பிரிவினர், மாற்றுத்திறனாளிகள், முன்னாள் படைவீரர்கள் தேர்வுக் கட்டணம் செலுத்தத் தேவையில்லை.

General Intelligence and Reasoning, General Awareness, Quantitative Aptitude, English Comprehension, Quantitative Abilities, English Language and Comprehension, Finance and Economics, Statistics, Computer Proficiency ஆகிய பாடங்களை உள்ளடக்கித் தேர்வு நடத்தப்படும்.

இந்தியா முழுவதும் நடத்தப்படும் இந்தத் தேர்வுக்கு, தமிழகத்தில் சென்னை, கோயம்புத்தூர், மதுரை, திருச்சி, திருநெல்வேலி ஆகிய இடங்களில் மையங்கள் அமைக்கப்படும். Staff Selection Commission சென்னை மண்டல அலுவலகம், EVK Sampath Building, 2nd Floor, College Road, Chennai - 600006 என்ற முகவரியில் இயங்குகிறது. கூடுதல் விவரங்களுக்கு: https://ssc.nic.in/ என்ற இணையதளத்தைப் பார்க்கலாம்.

உங்களுக்கும் இதுபோன்ற கேள்விகள், சந்தேகங்கள் தோன்றினால் https://special.vikatan.com/doubt-of-commonman/ இந்தப் பக்கத்தில் பதிவு செய்யுங்கள். ஆசிரியர் குழுவின் பரிசீலனைக்குப் பிறகு உரிய பதில்கள் தரப்படும்.