வில்லுப்பாட்டு!

பொதுவானது

நீரும்,காற்றும் உரையாடுவதைப் போன்ற ஒரு வில்லுப்பாட்டுக் கச்சேரியை நடத்தினோம்.

நீர்: "தந்தனத்தோம் என்று சொல்லியே வில்லினில் பாட - ஆமா...

வில்லினில் பாட வந்தருள்வாய் கலைமகளே - வணக்கம் வணக்கம் வணக்கம்!

மரம் வளர்ப்போம்; மரம் வளர்ப்போம்.

மரம் மண்ணில் நட்டால், மழை மண்ணில் விழும்.

மழை மண்ணில் வீழ்ந்தால், நம் துன்பம் தீரும்."

காற்று: "என்ன நீர் அக்கா, பாட்டு பலமா இருக்கு. ஆனா, சந்தோஷமாப் பாடுற மாதிரி தெரியலையே!"

நீர்: "உண்மைதான். இந்த மனிதர்கள், மரங்களை வெட்டிவிடுவதால் மழை குறைந்துவிட்டது. நீர் நிலைகளில் நானும் குறைந்துவிட்டேன். இருக்கும் நீர்நிலைகளிலும் குப்பை, நெகிழிப்பைகள், நெகிழிப்புட்டிகள், தொழிற்சாலைக் கழிவுநீரும் கலந்து சாக்கடை போல ஆகிவிட்டது.''

காற்று: "ஆமாம் அக்கா, நீங்கள் சொல்வது நிஜம்தான். என்னைப் பாருங்களேன். தூசு, புகை இவற்றால் நானும் மாசடைந்துவிட்டேன். நாம் மாசடைவதால் எத்தனை வியாதிகள் ஏற்படுகின்றன. இதெல்லாம் ஏன் மனிதர்களுக்குப் புரியவில்லை?"

நீர்: "கவலைப்படாதே தங்கையே, மக்கள் நிச்சயம் புரிந்துகொள்வார்கள். நம்மை மாசுபடுத்துவதை நிறுத்துவார்கள். அவர்களை நம்புவோம். தூய்மை பெறுவோம். மக்களையும் நலமுடன் வாழவைப்போம்."

காற்று: "நீர், நிலம், காற்றை என்றும் காத்திடுங்கள்; வளமான வாழ்வை சிறப்பாக வாழ்ந்திடுங்கள். நன்றி நன்றி நன்றி!"

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்