தொப்பி விளையாட்டில் குறில், நெடில் அறிவோம்!

குறில், நெடில் பகுதிக்கு உரியது.

தேவையான பொருள்கள்: மின்அட்டைகள், வண்ண பேனாக்கள், காகித தொப்பிகள்-3, படங்கள்.

செய்முறை: உயிர் எழுத்துகள், மெய் எழுத்துகள் மற்றும் உயிர்மெய் எழுத்துகள் ஆகியவற்றை தனித்தனி மின்அட்டைகளில் எழுதி, மேஜையின் மீது தனித்தனி தொகுப்பாக வைக்கவும்.

ஈரெழுத்து மற்றும் மூன்றெழுத்து வார்த்தைகளை தனித்தனி மின்அட்டைகளில் எழுதி, மேஜையின் மீது வைக்கவும். படங்களாகவும் வைக்கலாம்.

குறில் மற்றும் நெடில் என்று எழுதப்பட்ட தொப்பிகளை அணிந்துகொண்டு, இரண்டு மாணவர்கள் முன்னால் நிற்கவும்.

மேஜையின் மீது உள்ள வார்த்தை அல்லது படத்தை எடுத்து, மூன்றாவது தொப்பியில் வைத்துக்கொண்டு, ஒரு மாணவர் வகுப்பில் முன்னால் நிற்கவும். உதாரணமாக ‘கீரி’...

கீரி என்ற வார்த்தையின் முதலெழுத்து உயிர்மெய் நெடில் என்பதால், கீ என்ற எழுத்தை ஒரு மாணவர் எடுத்துக்கொண்டு, நெடில் என்ற தொப்பி அணிந்தவரின் அருகில் நிற்கவும்.

‘ரி’ என்ற எழுத்து உயிர்மெய் குறில் என்பதால், அந்த எழுத்தை மற்றொரு மாணவர் எடுத்துக்கொண்டு, குறில் தொப்பி அணிந்தவரின் அருகில் நிற்கவும்.

இவ்வாறாக வார்த்தைகளை மாற்றி மாற்றி எடுத்து, குறில் மற்றும் நெடிலை எளிதாக கற்கலாம்.
 

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்