மேஜிக்... மிரட்டல்... மிர்த்திலேஷ்!

“ஸ்டூடன்ட்ஸ்... பாடம் நடத்துவதற்கு முன்னாடி ஒரு மேஜிக் பார்க்கலாமா?” என்று டீச்சர் கேட்டதும், மாணவர்களிடம் உற்சாகம். மிரித்திலேஷ் சிரித்த முகத்துடன் வந்து, காலியான பெட்டியைக் காட்டிவிட்டு, மேஜிக்கில் 500 ரூபாய் நோட்டு எடுக்கிறார்.

சென்னை, மேல் அயனம்பாக்கம், வேலம்மாள் வித்யாலயா பள்ளியில்தான் இந்த உற்சாகம். அதே பள்ளியின் 7-ம் வகுப்பு மிர்த்திலேஷ், மேஜிக்கில் சாதனை படைத்து வருகிறார்.

“சின்ன வயசிலேருந்தே மேஜிக் பிடிக்கும். மேஜிக் மேன் அருண் மாஸ்டரிடம் கத்துக்க ஆரம்பிச்சேன். மைண்ட் ரீடிங்கும் பழகினேன். இப்போ அதைச் செய்துபார்ப்போமா?” என்றபடி, தன் கையிலிருந்து சீட்டுக்கட்டிலிருந்து, ஒரு சீட்டை எடுக்கச் சொன்னார்.மறைத்து எடுத்தும், மூன்று கேள்விகளைக் கேட்டு, அந்தக் கார்டை மிகச்சரியாக டைமண்ட் 2 எனக் கண்டுபிடித்துவிட்டார்.

6 வயதாக இருக்கும்போதே, 3 நிமிடத்தில் 19 மேஜிக் டிரிக் செய்து, ‘தமிழ்நாடு புக் ஆஃப் ரெக்கார்டு யங்கஸ்ட் மெஜிஷியன்’ என முத்திரைப் பதித்தவர். இந்த ஆண்டு, தாய்லாந்தில் நடந்த சர்வதேச மேஜிக் எக்ஸ்ட்ராவென்ஸா போட்டியின் மென்டலிசம் பிரிவில், வெள்ளிப் பதக்கம் தட்டிவந்திருக்கிறார்.

Do you like the story?

Please Appreciate the Author by clapping!

Editor’s Pick