பகபெனெ விரலைப் பற்றினேன் பரம்பொருளே !

கதிர்பாரதி ஓவியங்கள்: ஹாசிப்கான்

 

கொடும்வாதையான நேற்றைய இரவிலிருந்து
தப்பி வந்தவனில் நானொருவன்.
என்னவெல்லாமோ செய்தேன்.
மெழுகுவத்தியை உயிர்ப்பித்து இரவை எரித்தேன்.
மின்விசிறியைச் சுழலவிட்டுக் கிழித்தேன்.
போர்வைக்குள் புதைந்து இரவிலிருந்து எனைத் துண்டித்தேன்.
தகித்த இரவின் தலையில் வாளி நீரைக் கொட்டினேன்.
வேட்டையாடும் கண்கள் வாய்த்திருந்தன இரவுக்கு.
கொய்யென மொய்க்கும் தேனீக்களின் கொடுக்குகளால் ஆனது
என்றுகூடச் சொல்லலாம்.
விடியலின் பொன்கீற்றொன்று துளைக்க
உன் விரலெனப் பற்றிக்கொண்டேன்.
ஆம்
என் மார்பு கேசம் கோதும்
உன் விரலெனப் பற்றிக்கொண்டேன்.
இத்துணை ஆதுரமானதா உன் விரல்
இத்துணை ஆதுரமானதா உன் பகல்?!

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்