“வருத்தப்படுபவனாக ஒரு கம்யூனிஸ்ட் வளர்க்கப்படுவதில்லை!” - ஆர்.நல்லகண்ணு | Senior Communist Party leader R.Nallakannu interview - Vikatan Diwali Malar | தீபாவளி மலர்

“வருத்தப்படுபவனாக ஒரு கம்யூனிஸ்ட் வளர்க்கப்படுவதில்லை!” - ஆர்.நல்லகண்ணு

ஜோ.ஸ்டாலின், படங்கள்: மக்கான் போட்டோகிராபி

மூத்த கம்யூனிஸ்ட் தலைவர், எழுத்தாளர், சாதிய ஒடுக்குமுறைகள், சமூக அநீதிகளுக்கு எதிராகத் தொடர்ந்து குரல்கொடுத்து வருபவர் தோழர் ஆர்.நல்லகண்ணு. இந்திய கம்யூனிஸ்ட் கட்சியின் முன்னாள் தமிழ் மாநிலச் செயலாளர். எதிர்க்கட்சிக்காரர்களும் கண்ணியத்தோடு அணுகும், மதிக்கும் மாண்புமிகு மனிதர். ஒரு மாலைப்பொழுதில் அவருடன் உரையாடினோம்...

``தமிழகத்தின் இன்றைய அரசியல் சூழ்நிலை, தமிழக ஆட்சி நிர்வாகத்தை எப்படிப் பார்க்கிறீர்கள்?’’

``சுதந்திரம் பெற்று 71 ஆண்டுகள் ஆகிவிட்டன. ஆனால், இத்தனை ஆண்டுகளில் ஏற்படாத துயரமான அரசியல்நிலை, தற்போது தமிழ்நாட்டில் நிலவுகிறது. ஆளும்கட்சியினுடைய அரசியல்நிலை, மத்திய ஆட்சியினுடைய சூழ்ச்சி என எல்லாமும் சேர்ந்து நெருக்கடியான, சோதனையான காலம் தமிழ்நாட்டுக்கு ஏற்பட்டுள்ளது. இயற்கையான வறட்சி ஒரு பக்கம் மக்களை வாட்டுகிறது; மாநில சர்க்காரும் மத்திய சர்க்காரும் அதில் உருப்படியான நடவடிக்கைகளை எடுக்காததால் ஏற்பட்ட செயற்கையான வறட்சி, மற்றொருபக்கம் மக்களை நெருக்குகிறது. இப்படிப்பட்ட இக்கட்டான நேரத்தில், தமிழகத்தின் செல்வாக்கை மத்திய அரசிடம் பயன்படுத்த முடியவில்லை; உரிமைகளைக் கேட்டு வாங்க முடியவில்லை. மத்திய அரசும் சரியான முறையில் நமக்குள்ள உரிமைகளை வழங்குவதில்லை. மாறாக, இங்கிருக்கும் அதிகாரத்தைப் பங்கு போடவும், புறவாசல் வழியாக ஆட்சியைக் கைப்பற்றுவதிலும்தான் அக்கறை காட்டுகிறது. அதைத் தடுத்து, மாநிலத்தின் உரிமையைப் பாதுகாப்பதற்கும் தமிழகத்துக்கு நியாயமான தீர்வுகளைப் பெற்றுத் தருவதற்கும் உரிய நிதியைப் பெற்றுத் தருவதற்கும் தகுதியான ஆட்சி நம் மாநிலத்தில் இப்போது இல்லை. ஒருவேளை இங்கே ஆட்சி நல்லமுறையில் இருந்து, மத்திய அரசு புறக்கணித்தாலும், மக்களைத் திரட்டிப் போராடி உரிமைகளைப் பெறலாம்; அப்படிப்பட்ட சூழ்நிலையும் இங்கே இல்லை. ஆட்சிதான் உறுதியாக இல்லை... சரி, நிர்வாகத்திறன் இருக்கிறதா என்றால், அதுவுமில்லை. அது இருந்தால், அதை வைத்து உரிமைகளைப் பெற்று, மாநிலத்தைக் காக்கலாம். அதுவும் இந்த அரசாங்கத்துக்கு இல்லை.’’

Do you like the story?

Please Appreciate the Author by clapping!

Editor’s Pick