காது கேளாமைக்கு முற்றுப்புள்ளி!

நவீனமாகிறது காக்ளியர் இம்பிளான்ட்

காது கேளாமைக் குறைபாட்டுடன் பிறக்கும் குழந்தைகளுக்கு, 'காக்ளியர் இம்பிளான்ட்’ என்ற காது கேட்கும் செயற்கைக் கருவி இது வரை பொருத்தப்பட்டு வருகிறது. இதில் ஒருவர் பேசுவது மட்டுமே கேட்கும்; சுற்றுப்புற ஒலி தெளிவாகக் கேட்காது. இப்போது இசையைக்கூட பிரித்துக் கேட்கும் அளவுக்கு இதில் தொழில்நுட்ப முன்னேற்றம் ஏற்பட்டுள்ளது. 

இதுகுறித்து சென்னை கே.கே.ஆர். இ.என்.டி. மருத்துவமனையின் சீனியர் கன்சல்டன்ட் டாக்டர் ரவி ராமலிங்கம் பேசினார். ''பொதுவாக ஒலி அலைகள் காதுக்குள் நுழைந்து, செவிப்பறையில் விழுந்து, நடுக் காதுக்குள் செல்லும். அங்கு மூன்று எலும்புகளில் எதிரொலித்து உள் காதுக்குச் செல்லும். காக்ளியா என்ற இடத்தில் அது எலெக்ட்ரிக்கல் சிக்னலாக மாறி நரம்பு வழியாக மூளைக்குச் செல்லும். மூளையில் காதுக்கான பிரத்தியேகப் பகுதியில், அந்த சிக்னல் உணரப்படும். இதில் பிரச்னை இருந்தால்... காது கேளாமை ஏற்படுகிறது. பிறவியிலேயே காது கேட்கவில்லை என்றால், தானாகவே வாய் பேச முடியாமலும் போகிறது. இந்தப் பிரச்னைக்குத் தீர்வாக வந்ததுதான், காக்ளியர் இம்பிளான்ட். இது இன்டெர்னல் மற்றும் எக்ஸ்டெர்னல் என்று இரண்டு பகுதிகளைக் கொண்டது. எக்ஸ்டெர்னல் பகுதியில் சவுண்ட் பிராஸசர், ஒலியை அனுப்பும் அமைப்பு, பேட்டரி போன்றவை உள்ளன. இந்த சவுண்ட் பிராஸசர்தான், வெளியில் இருந்து வரும் சப்தத்தைப் பெற்று, அதை டிஜிட்டல் சிக்னலாக மாற்றும். பின்னர் அது டிரான்ஸ்மீட்டர் வழியாக இன்டெர்னல் அமைப்புக்குச் செல்லும். ஸ்டிமுலேட்டர், காந்தம் போன்றவை அடங்கிய இன்டெர்னல் பகுதி, அறுவை சிகிச்சை செய்து காதுக்குப் பின்புறம் பொருத்தப்படும். மூளைக்குச் செல்லும் நரம்பைத் தூண்டும் ஸ்டிமுலேட்டர் என்ற கம்பி அமைப்பு, டிஜிட்டல் சிக்னலை, எலெக்ட்ரிக் சிக்னலாக மாற்றி முளைக்கு அனுப்பி கேட்கும் திறனை செயல்படுத்துகிறது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்