உணவின்றி அமையாது உலகு - 9

இத்தொடரின் மற்ற பாகங்கள்:
உணவு

ண்ணைப் பாலிலும் ஆக்சிடோசின் பிரச்னை இருக்கிறது என்பதைப் பார்த்தோம். தற்காலத்தில் ஆக்சிடோசின் என்பதே பழைய செய்திதான். இப்போது புதிதாக வந்திருப்பது, துரித வளர்ச்சி ஹார்மோன் (Recombinant Bovine Growth Hormone-RBGH). இந்த ஹார்மோன் ஊசியை, கன்றுக்குட்டியின் மூன்றாம் மாதத்தில் இருந்தே போடத் தொடங்க வேண்டும். அப்படித் தொடர்ந்து போட்டு வந்தால், 15-வது மாதத்தில் இருந்து பால் கறக்கத் தொடங்கும். அதுவும் வழக்கமான பசுக்கள் கறக்கும் பாலைவிட, நான்கு மடங்கு பால் அதிகமாகக் கிடைக்கும்.

இந்த ஹார்மோன் பாலைக் குடிப்பதால், நம் குழந்தைகள் அதீத வளர்ச்சியடைவார்கள். உடலில், பல ஹார்மோன் மாற்றங்கள் உருவாகும். ஹார்மோன் பால் அதிகமாகப் புழக்கத்தில் உள்ள அமெரிக்காவில் ஆண்களுக்கும் மார்பக வளர்ச்சி ஏற்பட்டுவருகிறது.

ஆண்களுக்கான மார்பக அறுவைசிகிச்சை அதிக அளவில் செய்யப்பட்டுள்ளதாக அமெரிக்க மருத்துவப் புள்ளி விவரங்கள் தெரிவிக்கின்றன. அதீத வளர்ச்சி என்பது, உடலின் எல்லா பாகங்களிலும் ஏற்படும் என்பதை நாம் மறந்துவிடக் கூடாது.

ஹார்மோன்கள் மூலம் பசு வளர்ப்பதையும், பால் கறப்பதையும் ஜப்பான், ஆஸ்திரேலியா, கனடா, ஐரோப்பிய நாடுகள் போன்றவை தடைசெய்துள்ளன. இப்படி, அரசுகள் செய்யும் தடை உத்தரவுகளை நம்மைப்போன்ற சாமானிய மக்கள்தான் கடைப்பிடிப்போம். கோடிகளில் புரளும் கம்பெனிகளை அவை கட்டுப்படுத்துவது இல்லை.

இந்த ஹார்மோன் கலப்புகள் ஒருபுறம் நடந்து கொண்டிருக்கும்போதே, அதிகமான பாலைக் கறப்பதற்கான மரபணு மாற்ற உயிரியல் தொழில் நுட்பமும் பசுக்களில் பயன்படுத்தப்படுகிறது. அதிகப் பால் கறக்கும் பசு இனத்தையும், விரைவாக வளரும் பசு இனத்தையும் கலப்பினம்செய்து, தொழில்ரீதியான கறவை மாடுகள் தயாரிக்கப்படுகின்றன.

‘எவ்வளவு அதிகமான பால் கறக்கிறதோ, அந்த அளவுக்கு லாபம். மாடுகளைப் பற்றியும், மனிதர்களைப் பற்றியும் நமக்கென்ன கவலை?’ என்ற வியாபாரத் தந்திரம் எல்லா தொழில்களையும் போலவே பாலையும் பாதித்திருக்கிறது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்