உணவின்றி அமையாது உலகு - 17

இத்தொடரின் மற்ற பாகங்கள்:

லப்படம் என்ற சொல்லும் நம் தினசரி பயன்பாட்டுச் சொல்லாகவே மாறிவிட்டது. இது வெறுமனே நடுத்தர மக்களின் புலம்பல் அல்ல. இந்திய அரசின் ஆய்வு. பெரும்பாலான உணவுகள் மோசமானவை என்று சொல்லும் அளவுக்கு என்னதான் நடந்துவிட்டது?

2014 – 15ம் ஆண்டு ‘இந்திய உணவுப் பாதுகாப்பு மற்றும் தர நிர்ணய அமைப்பு’ 42,290 மாதிரிகளை எடுத்து பரிசோதனை செய்தது. ஆய்வில் 8,469 மாதிரிகள் தரமற்றவை, கலப்படம் செய்யப்பட்டவை எனக் கண்டறிப்பட்டன.

அகில இந்திய அளவில் அந்தந்த மாநில அரசுகளின் வழியாக இந்த ஆய்வு நடத்தப்பட்டது. ஆனாலும், எல்லா மாநிலங்களும் இந்த ஆய்வை நடத்துவது இல்லை. வெறும் 14 மாநிலங்களே இதில் பங்கேற்றன. மீதம் உள்ள மாநிலங்களின் உணவுகளையும் இங்கு சேர்த்தால் தரமற்ற, கலப்பட உணவுகளின் எண்ணிக்கை இன்னும் அதிகமாகும்.

‘உணவுப் பாதுகாப்பு மற்றும் தரநிர்ணயச் சட்டம் 2006’ உணவுக் கலப்படத்துக்குக் கடும் தண்டனைகளை விதிக்கிறது. நல்ல சட்டங்களுக்கு நம் நாட்டில் பஞ்சம் இல்லை. உணவு ஆய்வுகளும் அவ்வப்போது நடத்தப்படுகின்றன. ஆனால், தரமற்ற உணவுகளாக அடையாளம் காணப்பட்ட உணவுகள் மீது என்னதான் நடவடிக்கை எடுக்கப்பட்டது?

தரமற்ற உணவுகளாக அடையாளம் காணப்பட்ட 8,469 உணவுகளில் தொடர் நடவடிக்கைகள் மூலம் குற்றம் நிரூபிக்கப்பட்ட உணவுகளின் எண்ணிக்கை 1,256. மீதம் உள்ள உணவுகள் என்ன ஆனது என்பது யாருக்கும் தெரியாது. தப்பிய உணவுகளை விட்டுவிடுவோம். ஒருவேளை அவை நல்ல உணவாக இருந்ததாகவே வைத்துக்கொள்ளலாம். ஆனால், நிரூபிக்கப்பட்ட 1,256 நிறுவனங்கள் மீது என்ன நடவடிக்கை எடுக்கப்பட்டது.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்