ஸ்வீட் எஸ்கேப் - 20

இத்தொடரின் மற்ற பாகங்கள்:
சர்க்கரையை வெல்லலாம்

குழந்தையின்மைக்காகச் சிகிச்சைக்கு வந்தவருக்குச் சர்க்கரை நோய் இருக்கிறதா என்று பரிசோதித்திருக்கின்றனர். இன்சுலின் ரெசிஸ்டென்ஸ் அளவு அதிகமாக இருந்ததால், அதைச் சரிசெய்ய வேண்டும் என்று சொல்லியிருக்கின்றனர். “சர்க்கரைக்கும் இனப்பெருக்க மண்டலத்துக்கும் என்ன தொடர்பு டாக்டர்?” என்று என்னிடம் கேட்டார் அவர்.

சர்க்கரை அளவு அதிகமாவதால் ஏற்படக்கூடிய பாதிப்புகளைப் பற்றித் தொடர்ந்து சொல்லிவருகிறேன். ரத்தத்தில் சர்க்கரை அளவு அதிகரிக்கும்போது, அது ரத்தக் குழாய்களையும் நரம்புகளையும் பாதிக்கிறது. இது, மறைமுகமாக ஆண், பெண் இருவருக்குமே பாலியல் செயல்திறனைக் குறைக்கிறது. எனவே, சர்க்கரை நோய் உள்ளவர்கள் தங்களுக்குப் பாலியல் திறன் குறைவு ஏற்படுவதைத் தவிர்க்க, முன்னெச்சரிக்கையாக இருக்க வேண்டும். அதே நேரம், பாலியல் செயல்திறன் குறைவுக்கு சர்க்கரை  நோய் மட்டும் காரணம்அல்ல என்பதையும் புரிந்துகொள்ள வேண்டும். பயம், பதற்றம் உள்ளிட்ட பல்வேறு காரணங்களாலும் பாலியல் செயல்திறன் குறைவு ஏற்படலாம். எதனால் பாதிப்பு என்பதைத் தகுந்த மருத்துவரை அணுகிக் கண்டறிவது முக்கியம்.

சமீபத்திய ஆய்வுப்படி, சர்க்கரை நோயாளிகளில் 50 சதவிகித ஆண்கள் விரைப்புத்தன்மைக் குறைபாட்டால் அவதிப்படுகின்றனர். சர்க்கரை அளவு அதிகரிப்பால் ஆண்களுக்கு இனப்பெருக்க மண்டலத்தில் உள்ள ரத்தக் குழாய், நரம்புகளை பாதிப்படையச்செய்து, சீரான ரத்த ஓட்டத்தைத் தடைப்படுத்துகிறது. இதனால், போதுமான அளவில் விரைப்புத்தன்மை ஏற்படுவது குறைகிறது. இது, நீண்ட காலம் சர்க்கரை நோய் உள்ளவர்களுக்கு சகஜமாகக் காணப்படும் பிரச்னை. ரத்தத்தில் கொழுப்பு அளவு அதிகரிப்பு, உயர் ரத்த அழுத்தம், உடல் பருமன் ஆகியவை பொதுவாகச் சர்க்கரை நோயாளிகள் மத்தியில் காணப்படும் பிரச்னை. இதனுடன் சிகரெட் புகைத்தல், மது அருந்துதல் போன்றவையும் சேரும்போது, பிரச்னை மேலும் தீவிரமாகிவிடுகிறது.

சில ஆண்களுக்கு ரெட்ரோகிரேட் எஜாக்குலேஷன் (Retrograde ejaculation) எனும் பிரச்னை ஏற்படும். அதாவது, உடலுறவின் உச்சத்தின்போது, விந்தணு வெளியேறாமல், திரும்பிப் பாய்ந்து சிறுநீர்ப்பையை அடையும். இதனால், உச்சம் அடைவதில் பாதிப்பு இருக்காது என்றாலும், குழந்தைப்பேறுக்குத் தடை ஏற்படும்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்