ஸ்டார் ஃபிட்னெஸ் - தியானத்துக்குச் சாப்பாடு, ஃபிட்னெஸுக்குக் சிரிப்பு!

நடிகர் மாதவனின் ஹேண்ட்சம் அண்ட் ஹேப்பி சீக்ரெட்ஸ்!

``உடல் ஆரோக்கியத்தைத் தக்கவெச்சுக்கிறது  என்பது கூடுதல் வேலையெல்லாம் கிடையாது. அது நம்ம கடமை.  நம்மை நம்பி இருக்கிறவங்களுக்காகவாவது நம்ம உடல் ஆரோக்கியம் ரொம்பவே முக்கியம்.”  அழகாகப் பேசுகிறார் மாதவன். `அலைபாயுதே’ மேடி, தற்போது நரைத்த தாடியுடன் இருந்தாலும் தோற்றத்தில்  ஃபிட்டாகவே இருக்கிறார். முகத்தில் எந்தச் சுருக்கமும் இல்லை. அதே லவ்வர் பாய் மோடில் இருக்கிறார்.

“ஆரோக்கியமா இருக்கிறதுக்கு ஸ்பெஷல் மருந்து ஒண்ணு வெச்சிருக்கேன். இத்தனை வருஷங்களா சினிமாவில் இருக்கேன். நிறைய ஏற்றஇறக்கங்கள் வந்திருக்கு. பலவிதப் பிரச்னைகளையும் சோகங்களையும் சந்திச்சிருக்கேன். கெட்டநேரங்கிறது எப்போ வேணாலும் வரலாம். அதையெல்லாம் பெரிசாவே எடுத்துக்கக் கூடாது. நல்ல விஷயத்தை மட்டும்தான் தேடுவேன். அதை மட்டுமே மனசுல வெச்சுப்பேன். சோகத்தை மறந்துட்டு சந்தோஷத்தை மட்டும் மனசுல வெச்சுக்கிட்டா  வாழ்க்கை ஹேப்பியா இருக்கும்.

காலை 6.30 மணிக்கெல்லாம் எழுந்துடுவேன். 99 சதவிகிதம் டயட் சாப்பாடுதான். ‘இறுதிச்சுற்று’ படத்துக்காக உடற்பயிற்சியில் இருந்தப்போகூட சைவ உணவுகள்தான் எடுத்துக்கிட்டேன். நிறைய பழங்களும் தண்ணீரும் ரொம்ப முக்கியம்னு நினைக்கிறேன். எதைச் சாப்பிட்டாலும் நல்லா மென்று தின்று பழகணும்.  ஒவ்வொரு முறை சாப்பிடும்போதும் குறைந்தது 40 தடவையாவது மென்றுதான் முழுங்குவேன். கடிச்சு மெல்லும்போது மனசுக்குள்ள எண்ணிக் கிட்டே இருப்பேன். அப்போதான் கவனம் சாப்பாட்டின்மேல் இருக்கும். சாப்பாடுங்கிறது எனக்குத் தியானம் மாதிரி.  

Do you like the story?

Please Appreciate the Author by clapping!

Editor’s Pick