சகலகலா சருமம் - 15

இத்தொடரின் மற்ற பாகங்கள்:
செல்வி ராஜேந்திரன், சரும மருத்துவர்

தினம் ஒரு நடிகை ஏதோ ஒரு சோப் விளம்பரத்தில் வந்து உங்களைச் சோதிக்கிறார். ‘சினிமா நட்சத்திரங்களின் அழகு சோப்’ என்கிற கவர்ச்சி, காலம் காலமாக மாறவே இல்லை. பிரபலங்கள் பரிந்துரைக்கிற பொருள்களைக் கண்மூடித்தனமாக நம்பிக் கெடுகிற மக்கள் மனநிலையிலும் மாற்றமே இல்லை. அன்றாட வாழ்வில் தவிர்க்க முடியாத அத்தியாவசியப் பொருளாகிவிட்ட சோப்புப் பற்றி ஆளாளுக்கு ஆயிரம் சந்தேகங்கள்... எது நல்ல சோப் என்கிற தேடலுக்கு இங்கே தெளிவுபெறுவோம்.

நாம் உபயோகிக்கிற சோப்பை ‘டாய்லெட் சோப்’ என்றுதான் அழைக்கிறோம். அதற்கு இனிமையான நறுமணம் இருக்கும். உடலைச் சுத்தப்படுத்துவதற்கான சோப்புகள் இவை. சோப் வாங்கும்போது அதன் பிராண்ட், விலை, வாசனை எனப் பலதையும் பார்த்து வாங்குகிறோம். முக்கியமான ஒன்றைக் கவனிக்கத் தவறிவிடுகிறோம். அதுதான் டி.எஃப்.எம் (TFM) அதாவது ‘டோட்டல் ஃபேட்டி மேட்டர்’, இதுதான் சோப்பின் தரத்தை நிர்ணயிக்கிறது. சோப் உறையின் மீது இது குறிப்பிடப்பட்டிருக்கும். அது 80 சதவிகிதத்துக்கு மேல் இருந்தால், முதல்தர சோப். 60 முதல் 80 சதவிகிதம் என்றால், இரண்டாம் தரம். ஆனால், அவையும் குளிக்க ஏற்றவையே. டி.எஃப்.எம் குறிப்பிடப்படாத சோப்புகள் உபயோகிக்க ஏற்றவை அல்ல.

Do you like the story?

Please Appreciate the Author by clapping!

Editor’s Pick