உடலை உருக்கும் நோயிலிருந்து உயிரை வளர்க்கும் இசைக்கு... இது தளராத தன்னம்பிக்கை கதை!

ஹெல்த்

``அப்போ எனக்கு பதினைஞ்சு வயசு.  நடக்க சிரமமா இருக்குன்னு டாக்டர் கிட்ட போனேன். எல்லா சோதனைகளையும் செஞ்சு பார்த்துட்டு  உனக்கு முப்பது வயசு வரும் போது வீல் சேர் தான்னு பேரதிர்ச்சியைத் தந்தார். இன்னும் பதினைஞ்சு வருஷத்துக்குப் பிறகு நடக்க  முடியாதுன்னு தெரிஞ்சா ஒரு மனுஷனோட மனநிலை எப்படி இருக்கும்?  எனக்கும் இருந்தது. ஆனா, அந்த மனநிலையை மாத்திக்க ஆரம்பிச்சேன். என்னை அந்தத் துயரத்துலிருந்து  வெளியே கொண்டு வந்தது இசைதான். அந்தத் தேடல் இப்போ என்னை இசையமைப்பாளராவும் மாத்தி ஓர் அடையாளத்தைக் கொடுத்திருக்கு..." மிகவும் நெகிழ்ச்சியாகப் பேசுகிறார் ரகுராம்.

ரகுராம் தசைச்சிதைவு நோயால் பாதிக்கப்பட்டவர். மனிதனை உருக்கிவிடும் அந்த கடும் நோயைச் சகித்துக்கொண்டு  இசைத்துறையில் தனக்கென ஒரு தனித்துவத்தை உருவாக்கிக் கொண்டிருக்கிறார்.  ‘ஒரு கிடாயின் கருணை மனு' படம் மூலம் திரைப்பட இசையமைப்பாளராகவும் உயர்ந்திருக்கிறார்.

Do you like the story?

Please Appreciate the Author by clapping!

Editor’s Pick