எலும்பின் கதை! - 9 - உச்சி முதல் உள்ளங்கால் வரை வெர்ஷன் 2.0

இத்தொடரின் மற்ற பாகங்கள்:
செந்தில்வேலன், எலும்பு மூட்டு அறுவைசிகிச்சை நிபுணர்ஹெல்த்

சென்ற இதழில் கால் மூட்டுத் தேய்மானம் பற்றித் தெரிந்துகொண்டோம். இந்த இதழில் மூட்டுத் தேய்மானத்தைச் சரி செய்ய என்னென்ன வழிமுறைகள் உள்ளன எனத் தெரிந்துகொள்வோம்.

கால் மூட்டுத் (Knee Joint) தேய்மானம் ஏற்படும்போது, மூட்டில் உள்ள சைனோவியல் திரவத்தின் (Synovial fluid) அளவு குறைந்து காணப்படும். நாளடைவில் மூட்டின் குருத்தெலும்பானது (Cartilage) தேய ஆரம்பிக்கும். மூட்டுத் தேய்மானம் அதிகமாகும்போது, குருத்தெலும்பு முற்றிலுமாகத் தேய்ந்து, அதன் அடியில் இருக்கும் எலும்பும் பாதிக்கப்படும். இதனால் அந்த இடத்தில் அதிக வலி உண்டாகிறது. இதனைத் தீவிர முழங்கால் மூட்டுவாதம் (Severe Knee Arthritis) என்கிறோம். 

நமது மூட்டின் அமைப்பானது மூன்று எலும்புகளைக் கொண்டது. தொடை எலும்பின் கீழ்ப் பகுதி ஃபெமூர் (Femur), கால் எலும்பின் மேற்பகுதி டிபியா (Tibia) மற்றும் பாட்டெல்லா (Patella) எனப்படும் சிறிய பந்து போன்ற எலும்புகளைக் கொண்டது.

நமது உடலின் எடையானது, மூட்டின் உள்பகுதியில் அதிகம் விழுவதால் தேய்மானம் ஆரம்பிக்கிறது. இதை மீடியல் கம்பார்ட்மென்டல் ஆர்த்ரைட்டிஸ்  (Medial Compartmental Arthritis) என்கிறோம்.

முதல்நிலை தேய்மானத்துக்கு இயன்முறை சிகிச்சை, எடைக்குறைப்பு, மூட்டுத் தசைகளுக்குப் பயிற்சி போன்றவை பரிந்துரைக்கப்படுகின்றன. குளூக்கோசமைன் (Glucosamine) எனப்படும் மருந்துகளும் பரிந்துரைக்கப்படுகின்றன.

Do you like the story?

Please Appreciate the Author by clapping!

Editor’s Pick