கண்கள் துடித்தால் அன்பு தேவை!

ரவீந்திர மோகன், கண் மருத்துவர்ஹெல்த்

ண்கள்... உலகின் அத்தனை அற்புதங்களையும் நமக்குக் காட்டும் உடலின் அற்புதம். 576 மெகாபிக்சல் கேமரா... அந்தக் கேமராவில் அவ்வப்போது ஏற்படும் துடிப்பை நாம் ஒரு பொருட்டாகவே மதிப்பதில்லை. ஆனால் இடைவிடாத துடிப்பு, கண்கள் முழுமையாக மூடிக்கொள்ளும் ஆபத்துவரை கொண்டு செல்ல நேரலாம். கண் துடிப்பைக் கவனித்து முறையான சிகிச்சை எடுத்துக்கொள்வது எவ்வளவு முக்கியம், சத்துக்குறைபாட்டால் கண்கள் துடிக்கின்றனவா போன்றவற்றுக்கான விடைகளை இங்கே பார்ப்போம்.

குழந்தைகளைக் கவனியுங்கள்

குழந்தைகள், தாங்கள் தனித்துவிடப்படுகிறோம், தங்களை யாரும் கவனிப்பதில்லை என்று கருதும்போது, அனிச்சையாக அவர்களின் கண்கள் துடிக்க ஆரம்பித்துவிடும். தாத்தா, பாட்டி, அம்மா, அப்பா என யாரைப் பார்த்தாலும் குழந்தைகளின் கண்கள் துடிக்கும். இது ஒரு கவன ஈர்ப்புக்காக மட்டுமே. இரண்டிலிருந்து மூன்று வாரங்களில் அதுவாகவே சரியாகிவிடும். இல்லாத பட்சத்தில் கண் பரிசோதனை செய்வதில் தவறில்லை. மேலும், குழந்தைகளை அன்பாக அரவணைத்துப் பாதுகாத்தாலே, அவர்களுக்கு உண்டாகும் தனிமை மற்றும் பாதுகாப்பாற்ற உணர்வு தவிர்க்கப்படும்.

பெரியவர்கள்

ஆர்பிகுலாரிஸ் மியோகைமியா (Orbicularis myokymia) என்பது பெரியவர்களுக்கு வரக்கூடிய கண் துடிப்புப் பிரச்னை. தேவையான அளவு தூக்கம் இல்லாதது, சரியான நேரத்துக்குத் தூங்காமல் இருப்பது, அதிக அளவில் காபி குடிப்பது, மனஅழுத்தம், பதற்றம் போன்ற காரணங்களால் இது ஏற்படுகிறது. கவுன்சலிங் மற்றும் கண்ணில் ஊற்றுவதற்கான மருந்தைக் கொடுப்பதன் மூலம் இந்தப் பிரச்னையைச் சரிசெய்யலாம்.

Do you like the story?

Please Appreciate the Author by clapping!

Editor’s Pick