எலும்பின் கதை! - 20

இத்தொடரின் மற்ற பாகங்கள்:
உச்சி முதல் உள்ளங்கால் வரை வெர்ஷன் 2.0செந்தில்வேலன், எலும்பு மூட்டு அறுவைசிகிச்சை நிபுணர்ஹெல்த்

சென்ற இதழில் குழந்தைகளுக்கு மூட்டுகளில் ஏற்படும் பிரச்னைகள் குறித்துப் பார்த்தோம். இந்த இதழில் முதுகு வலி பற்றிப் பார்ப்போம்.

முதுகு வலி... இன்றைக்கு எல்லா வயதினருக்குமான பொதுப் பிரச்னையாகிவிட்டது. குனிய முடியாமல், நிமிர முடியாமல், படுத்து உறங்கக்கூட முடியாமல் அவதிப் படுபவர்கள் ஏராளம் பேர்.

முதுகு வலி ஏன் வருகிறது?

அதைத் தெரிந்துகொண்டாலே முதுகு வலியில் இருந்து தற்காத்துக்கொள்ள முடியும். முதுகுவலி பற்றி அறிய, முதலில் முதுகுத்தண்டின் அமைப்பு பற்றி அறிய வேண்டும். கழுத்தில் இருந்து இடுப்பின் கீழ்ப்பகுதி வரை, முதுகில் நேராக நடுப்பகுதியில் அமைந்து இருப்பதே முதுகுத்தண்டு. `வெர்டிப்ரா’ (vertebra) என்ற கடினமான சிறுசிறு எலும்பு களையும் அதனிடையே பஞ்சு போன்ற `டிஸ்க்’ என்ற அமைப்பையும் கொண்டதே இந்த முதுகுத்தண்டு.

எடையைத் தாங்கவும் வலிமை தரவும் `வெர்டிப்ரா’ என்ற கடினமான எலும்புப்பகுதி பயன்படுகிறது. அதே வேளையில் முதுகெலும்பு வளையவும் மடங்கவும் `டிஸ்க்’ பயன்படுகிறது. `வெர்டிப்ரா’ எலும்புகளின் இடையிடையே காணப்படும் `டிஸ்க்’-ன் வெளிப்பகுதி ரப்பரைப் போலவும் அதன் உள்பகுதி ஜெல்லியைப்போன்று கெட்டியான திரவ வடிவிலும் உள்ளது. இந்த ஜெல்லி போன்ற பகுதியை `நியூக்ளியஸ்’ (nucleus) என்று அழைப்பார்கள். குனிந்து நிமிரும்போது `டிஸ்க்’ பகுதியை இயக்கி எளிதாகச் செயலாற்ற வைப்பது இந்த ஜெல்லி போன்ற அமைப்புதான்.

Do you like the story?

Please Appreciate the Author by clapping!

Editor’s Pick