எதிர்நீச்சல் அடி... சிறப்புக்குழந்தைகளைச் சாதனையாளர்களாக்கும் இளைஞர்

தன்னம்பிக்கை

‘‘இந்த உலகில் பிறக்கும் ஒவ்வோர்  உயிருக்கும், கனவு, வாழ்க்கை என எல்லாம் உண்டு.   சிறப்புக் குழந்தைகளும் விதிவிலக்கல்ல. அவர்களும்  இந்த உலகில் வாழப் பிறந்தவர்களே! அவர்களது பிறப்பை அவமானமாக நினைத்து வீட்டுக்குள்  பூட்டிவைப்பதோ, ஆதரவின்றித் தவிக்க விடுவதோ எந்தவகையில் நியாயம்? சிறப்புக்குழந்தைகளை  என்னிடம் அழைத்து வாருங்கள். அவர்களைச் சாதாரண மனிதராக அல்ல... சாதனையாளர்களாக மாற்றிக் காட்டுகிறேன்’’ என்கிறார்  சதீஷ்குமார்.

சென்னையைச் சேர்ந்த 28 வயது இளைஞரான இவர், சிறப்புக் குழந்தைகளுக்கான நீச்சல் பயிற்சியாளர். சென்னை, அரும்பாக்கத்தில் உள்ள ஒரு நீச்சல் குளத்தில் ஐந்தாண்டுகளாகச் சிறப்புக் குழந்தைகளுக்கு நீச்சல் கற்றுக் கொடுத்துவருகிறார். அவர்களில் பலரை மாநில, தேசிய அளவிலான போட்டிகளில் பங்கேற்கச் செய்கிறார். சிலரைச் சாதனையாளர்களாகவும் உலகறியச் செய்கிறார்.  அவரைச் சந்தித்தோம்.

``சொந்த ஊரு சேலம். அப்பா உதயசங்கர் மெக்கானிக். அம்மா ஈஸ்வரி சின்னதாக ஒரு காய்கறிக்கடை வெச்சிருக்காங்க. இந்த வருமானத்துலதான்  எங்கக் குடும்பம் ஓடிக்கிட்டிருக்கு. சேலம், பாரதிய வித்யாபவனில் பள்ளிப் படிப்பை முடிச்சேன்.  சின்ன வயசுல என் நண்பர்கள் கிரிக்கெட், கபடினு விளையாடிக்கிட்டு இருக்கும்போது, நான் மட்டும் கிணறு, ஏரினு தண்ணியில மிதந்துக்கிட்டு இருப்பேன். நீச்சல் எனக்குப் பிடிக்கும்; என்னிக்கும் அலுக்காதது. ஸ்கூலுக்கு கட் அடிச்சுட்டு, வீட்டுக்குத் தெரியாம பல தடவை நீச்சல் அடிச்சிருக்கேன்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்