Published:Updated:

`டி.சி-யில் கைவைத்துவிட்டார்கள்’ - ஆட்சியரைச் சந்தித்த மாணவர்களை அலைக்கழிக்கும் பெரியார் பல்கலை.,?

சேலம் பெரியார் பல்கலைக்கழகம்

பெரியார் பல்கலைக்கழகத்தில் வரலாற்றுத்துறையில் முதுகலை படிப்பு முடித்த மாணவிகளுக்குப் பல மாதங்களாக மாற்றுச்சான்றிதழ் கொடுக்காமல் கல்லூரி நிர்வாகம் அலைக்கழித்து வருவதாக கூறுகின்றனர்.

Published:Updated:

`டி.சி-யில் கைவைத்துவிட்டார்கள்’ - ஆட்சியரைச் சந்தித்த மாணவர்களை அலைக்கழிக்கும் பெரியார் பல்கலை.,?

பெரியார் பல்கலைக்கழகத்தில் வரலாற்றுத்துறையில் முதுகலை படிப்பு முடித்த மாணவிகளுக்குப் பல மாதங்களாக மாற்றுச்சான்றிதழ் கொடுக்காமல் கல்லூரி நிர்வாகம் அலைக்கழித்து வருவதாக கூறுகின்றனர்.

சேலம் பெரியார் பல்கலைக்கழகம்

சேலம், கருப்பூரில் பெரியார் பல்கலைக்கழகம் செயல்பட்டுவருகிறது. இந்தப் பல்கலைக்கழகத்தில் 2020-22-ம் ஆண்டு வரலாற்றுத்துறையில் முதுகலை படிப்பில் எட்டு மாணவிகள் ஒரு மாணவர் என ஒன்பது பேர் படித்தனர். படிப்பு முடிந்த நிலையில், இவர்கள் கடந்த ஐந்து மாதங்களாகப் பல்கலைக்கழகத்தில் மாற்றுச்சான்றிதழ் கேட்டு வந்திருக்கின்றனர். ஆனால், பல்கலைக்கழக நிர்வாகமோ மாணவர்களுக்கு மாற்றுச்சான்றிதழ் வழங்காமல் காலதாமதம் செய்துவந்திருக்கிறது எனச் சொல்லப்படுகிறது.

இது குறித்த தகவல்கள் வெளிவரவே நாம் சம்பந்தப்பட்ட மாணவர்களை நேரில் சந்தித்துப் பேசினோம். அப்போது அவர்கள் நம்மிடம், “எங்க துறையில் படிக்கிற ஒன்பது பேருமே பொருளாதாரரீதியாக பின்தங்கிய குடும்பத்தைச் சேர்ந்தவர்கள்தான். படிப்புச் செலவுக்குக்கூட பெற்றோர்களை நம்பிதான் நாங்க இருந்துவருகிறோம். கடந்த ஆறு மாதத்துக்கு முன்பே எங்கள் படிப்பை படித்து முடித்துவிட்டோம். இதில் ஒருசில மாணவர்களுக்கு மட்டும் மாற்றுச்சான்றிதழ் கொடுத்துவிட்டு, எங்கள் நான்கு பேருக்கு மட்டும் கல்லூரி தரப்பில் தரக்கூடிய மாற்றுச்சான்றிதழைத் தராமல் கடந்த ஐந்து மாத காலமாக அலைக்கழித்து வருகின்றனர். கேட்டால், எங்க துறை பேராசிரியருக்கு ஆதரவாக கலெக்டரிடம் மனு கொடுத்ததுதான் காரணம் என்கிறார்கள்.

மாணவர்கள்
மாணவர்கள்

இது தொடர்பாக நாங்கள் பல்கலைக்கழக துணைவேந்தரிடம் புகாரளித்தும் எந்தவித நடவடிக்கையும் இல்லை. இது குறித்து எங்கள் வரலாற்றுத்துறை தலைவர் கிருக்ஷ்ணகுமாரிடம் கேட்டதற்கு அவர், `கலெக்டர்ட்ட போய் மனு கொடுக்க தெரியுதுல... அப்போ இதையும் அங்க போய் வாங்கிக்குங்க’னு சொல்றாரு. அதுமட்டுமல்லாம எங்களோட மாற்றுச்சான்றிதழ் கொடுக்கணும்னா, எங்கள் துறை பேராசிரியர் பிரேம் குமாருக்கு ஆதரவாகக் கொடுக்கப்பட்ட மனுவை வாபஸ் பெற்றால்தான், மாற்றுச்சான்றிதழ் தருவதாக மிரட்டினார். இதனால் நாங்கள் மீண்டும் துணைவேந்தரை அலுவலகத்தில் சென்று பார்க்கப் போனபோது, அவர் எங்களைப் பார்க்க மறுத்துவிட்டார். இதனால் கல்லூரி பதிவாளரிடம் சென்று கேட்டபோது அவர், `நீங்கள் துறைத் தலைவரை சென்று பாருங்கள். அவர் சொன்னாதான் நான் மாற்றுச்சான்றிதழ் வழங்க முடியும்’ என்று எங்களுக்கு மன உளைச்சலை ஏற்படுத்தும் விதத்தில் நடந்துகொண்டனர்.

இந்த நிலையில், நேற்று நாங்கள் மாற்றுச்சான்றிதழ் வாங்க மீண்டும் பல்கலைக்கழகம் சென்றோம். அப்போது எங்களுக்கு வழங்கப்பட்ட மாற்றுச்சான்றிதழில் நடத்தைப் பகுதியில் ’திருப்தி இல்லை’ என எழுதப்பட்டிருந்தது. இதைப் பார்த்து நாங்கள் அதிர்ச்சிக்குள்ளானோம். பின்னர் அதை வாங்க மறுத்து விட்டோம்” என்றனர்.

சேலம் பெரியார் பல்கலைக்கழகம்
சேலம் பெரியார் பல்கலைக்கழகம்

ஓராண்டுக்கு முன்னர், ஒரு புகாரில் குறிப்பிட்ட பேராசிரியருக்கு ஆதரவாக மனு கொடுத்த காரணத்துக்காக மாணவர்கள் தற்போது அலைகழிக்கப்படுவதாகக் குற்றசாட்டு எழுந்திருக்கிறது. இதில் மாணவர்களின் எதிர்காலத்தை பாதிக்கும் ஆபத்தும் இருக்கிறது.

இது குறித்து சம்பந்தப்பட்ட பெரியார் பல்கலைக்கழக துணைவேந்தரிடம் பேசியபோது, “சம்பந்தப்பட்ட மாணவர்கள் கல்லூரிக்குள் நடந்த விவகாரத்தை எங்களது அனுமதி இல்லாமல் பத்திரிகை ஊடகங்களில் தெரிவித்திருக்கின்றனர். இது நன்னடத்தை தொடர்பானது. இது தொடர்பாக அவர்கள்மீது துறைரீதியான நடவடிக்கை எடுத்திருக்கிறோம்” என்று முடித்துக்கொண்டார்.