Published:Updated:

HSC Results: அரசு மாணவர்களுக்கான 3200 உயர்கல்வி வழிகாட்டுதல் மையங்கள்!| புதிய அறிவிப்பு

HSC Results

நடப்பாண்டு +2 தேர்வை 47,000-க்கும் அதிகமான மாணவர்கள் எழுதவில்லை...

Published:Updated:

HSC Results: அரசு மாணவர்களுக்கான 3200 உயர்கல்வி வழிகாட்டுதல் மையங்கள்!| புதிய அறிவிப்பு

நடப்பாண்டு +2 தேர்வை 47,000-க்கும் அதிகமான மாணவர்கள் எழுதவில்லை...

HSC Results
2023-ம் ஆண்டுக்கான 12-ம் வகுப்பு பொதுத்தேர்வு முடிவுகள் இன்று வெளியாகியுள்ளன.

தமிழகம் முழுவதும் உள்ள 3169 தேர்வு மையங்களில் 8 லட்சத்துக்கும் அதிகமானோர் எழுதிய இத்தேர்வில் 94.03 சதவிகிதத்தினர் முழுமையாக தேர்ச்சி பெற்றுள்ளனர் (7,55,451 மாணவர்கள்). இதில் மாணவர்களின் தேர்ச்சி விகிதம் 91.45%, மாணவிகளின் தேர்ச்சி விகிதம் 96.38%. மூன்றாம் பாலினத்தைச் சேர்ந்த ஒரு மாணவரும் தேர்ச்சி பெற்றுள்ளது குறிப்பிடத்தக்கது. 

HSC Results
HSC Results

பள்ளிகள் வாரியாக பார்த்தால் அரசு பள்ளிகள் 89.80%, அரசு உதவிப்பெரும் பள்ளிகள் 95.99%, தனியார் பள்ளிகள் 99.08% தேர்ச்சி விகிதத்தை பெற்றுள்ளன. சுமார் 2767 மேல்நிலை பள்ளிகள் 100 சதவிகித தேர்ச்சியைப் பெற்றுள்ளன. இதில் 326 அரசு பள்ளிகளும் அடங்கும். அரசு பள்ளிகளின் இந்த எண்ணிக்கை கடந்த ஆண்டை காட்டிலும் நல்ல அளவில் உயர்ந்துள்ளது.

மாவட்ட வாரிய தேர்ச்சி விகிதத்தில் விருதுநகர் (97.85%) முதலிடம் பெற்றுள்ளது. திருப்பூர் (97.79%) மற்றும் பெரம்பலூர் (97.59%) அடுத்த இரண்டு இடங்களை பெற்றுள்ளன.

தனிப்பட்ட பாடங்களில் 100 மதிப்பெண்கள் பெற்ற மொத்த மாணவர்களின் எண்ணிக்கை 32,501. இந்த எண்ணிக்கையும் கடந்த ஆண்டைவிட அதிகம் (23,957). 

பாடங்கள் வாரியாக 100 மதிப்பெண்கள் பெற்ற மாணவர்கள் எண்ணிக்கை

தமிழ் - 2, ஆங்கிலம் -15, இயற்பியல் - 812, வேதியியல் - 3909, உயிரியல் - 1494, கணிதம் - 690, தாவரவியல் - 340, விலங்கியல் - 154, கணினி அறிவியல்- 4618, வணிகவியல் - 5678, கணக்குப் பதிவியல், பொருளியல் - 1760, கணினிப் பயன்பாடுகள் - 4051, வணிகக் கணிதம் மற்றும் புள்ளியியல் - 1334

HSC Results
HSC Results

நடப்பாண்டு +2 தேர்வை 47,000-க்கும் அதிகமான மாணவர்கள் எழுதவில்லை. இந்நிலையில் இன்று தேர்வு முடிவுகளை வெளியிட்டு பேசிய தமிழக பள்ளிக்கல்வி துறை அமைச்சர் அன்பில் மகேஸ் பொய்யாமொழி முன்பு தேர்வு எழுதத்தோருக்கு மற்றுமொரு வாய்ப்பாக ஜூன் மாதம் மீண்டும் தேர்வு நடைபெற இருப்பதாகவும் அதை மாணவர்கள் நன்கு பயன்படுத்திக்கொள்ள வேண்டும் என்றும் கேட்டுக்கொண்டார். பொறியியல் மற்றும் கலை கல்லூரிகளுக்ளின் சேர்க்கைக்கான ஆன்லைன் விண்ணப்பம் தொடங்கியிருக்கும் நிலையில் தமிழக அரசு 3200-க்கும் அதிகமான அரசு பள்ளிகளில் உயர்கல்வி வழிகாட்டுதல் மையங்களை அமைக்க உள்ளதாகவும் அறிவிக்கப்பட்டுள்ளது.

நடப்பாண்டு 10 மற்றும் 11-ம் வகுப்புக்கான தேர்வு முடிவுகள் வரும் 19-ம் தேதி வெளியாகின்றன.