அதிகரித்துவரும் காலநிலை மாற்றப் பிரச்னைகள், அடுத்த ஐந்து ஆண்டுகளில் தொழில்துறையில் பெரும் பாதிப்புகளை உண்டாக்கும் என்று கணிக்கப்படுகிறது. இன்ஃபோசிஸ், டி.சி.எஸ் உட்பட 16 இந்திய நிறுவனங்கள் காலநிலை மாற்றத்தை நினைத்து அச்சத்தில் ஆழ்ந்துள்ளன.

கார்பன் டிஸ்க்லோஷர் புராஜெக்ட் என்ற உலகளாவிய அமைப்பு வெளியிட்ட ஆய்வறிக்கைபடி உலகளவில் அடுத்த ஐந்து ஆண்டுகளில் காலநிலை மாற்றம் பல பாதிப்புகளை உண்டாக்கும் என்று கணிக்கப்படுகிறது. அதிகமாகப் பாதிக்கப்படப்போகும் 200 நிறுவனங்கள் அடங்கிய அந்தப் பட்டியலில் வங்கித்துறை, சிமென்ட் உற்பத்தி, ஐ.டி, வாகனங்கள், மின்சாரத்துறை, சுரங்கம், எரிவாயு உற்பத்தி மற்றும் விநியோகம் போன்ற 16 இந்திய நிறுவனங்கள் இடம்பெற்றுள்ளன. அதிலும் தண்ணீர் பற்றாக்குறைதான் அவர்கள் சந்திக்கப்போகும் மிகப்பெரிய ஆபத்தாக இருக்குமென்று கணிக்கப்படுகிறது.

இவற்றில், இன்ஃபோசிஸ் மற்றும் டி.சி.எஸ் இந்தப் பிரச்னைகளைச் சமாளித்து எப்படித் தொழில் செய்யப்போகிறோமோ, அடுத்த ஐந்து ஆண்டுகளில் என்னென்னவெல்லாம் ஆகப்போகிறதோ என்ற அச்சத்தில் ஆழ்ந்துள்ளன.