Published:Updated:

டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!

டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!
பிரீமியம் ஸ்டோரி
டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!

கேரம் கில்லாடிக.விக்னேஷ்வரன்

டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!

கேரம் கில்லாடிக.விக்னேஷ்வரன்

Published:Updated:
டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!
பிரீமியம் ஸ்டோரி
டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!
டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!
டீன் 17 - அம்சவர்த்தினி - மாநகராட்சிப் பள்ளியில் சேர்ந்தேன்!

துரையின் இடுக்கலான தெரு ஒன்றில் வைகை ஆற்றின் ஓரத்தில் அமைந்துள்ளது கஸ்தூரிபாய் பெண்கள் மேல்நிலைப் பள்ளி. இந்தப் பள்ளிதான் நம் இந்தியாவுக்கு ஒரு தங்க மங்கையை அளித்துள்ளது. ஆம்... மாலத்தீவுடன் நடந்த கேரம் போட்டியில் தங்கம் வென்று வந்த அம்சவர்த்தினி இந்தப் பள்ளி மாணவிதான்!

“நான் ரெண்டாவது படிக்கும்போது ஸ்கேட்டிங் பயிற்சிக்குப் போனேன். அங்கே என் தோழி சௌந்தர்யா கேரம் பயிற்சி பெற்றாள். அவ நிறைய பரிசு வாங்குவா. அதைப் பார்த்து அப்பாகிட்ட கேரம் பயிற்சியில் சேர்த்துவிடச் சொன்னேன். அதுல இருந்து கேரம்தான் எனக்கு எல்லாமே! ஒன்பதாம் வகுப்பு வரை மெட்ரிக்குலேஷன் பள்ளிலதான் படிச்சேன். நாங்க பத்தாவதுல இருந்து படிப்புக்குத்தான் முக்கியத்துவம் கொடுப்போம்னு சொல்லிட்டாங்க.அதனால நிறைய ஸ்கூல்ஸ்ல விசாரிச்சு, ‘மாநகராட்சிப் பள்ளில இரண்டுக்குமே முக்கியத்துவம் கொடுப்போம்’னு சொன்னதால, இந்த ஸ்கூல்ல சேர்ந்தேன்’’ என மாநக ராட்சிப் பள்ளிக்கு பெருமை சேர்க்கிறார்.

‘‘எனக்கு பத்தாம் வகுப்பு பொதுத்தேர்வு நடந்துகொண்டிருந்தது. ஆங்கிலப் பரீட்சைக்கும் கணக்குப் பரீட்சைக்கும் நடுவில் நாக்பூர்ல ஒரு கேரம் போட்டி நடந்துச்சு. மாநகராட்சி சார்புல ஸ்பான்சர் பண்ணி ஃப்ளைட்ல அனுப்பி வெச்சாங்க. அந்தப் போட்டிய முடிச்சுட்டு நான் ரயிலில் திரும்பி வந்தபோது, ரயில் நிலையத்துக்கே ஆசிரியர்கள் வந்து சீருடை கொடுத்து அப்படியே பரீட்சை ஹாலுக்குக் கூட்டிட்டுப் போயிட்டாங்க. வேகமா போய் எக்ஸாம் எழுதி, கணக்குப் படத்தில் 98 மார்க் எடுத்தேன். 10-வதுல 488 மார்க் கிடைச்சது. நான்தான் ஸ்கூல் டாப்பர்.

அம்மா, அப்பா, பள்ளி நிர்வாகம், நண்பர்கள், பயிற்சியாளர்கள்... இவங்க  தான் எனக்கு ஃபுல் சப்போர்ட். எங்க போட்டி நடந்தாலும் என் கூட அவங்களும் வந்துருவாங்க. பயிற்சியாளர் ரொம்ப உற்சாகப்படுத்திக்கிட்டே இருப்பார்’’ என்கிற அம்சவர்த்தினி, தினமும் 3 மணி நேரம் பயிற்சி எடுக்கிறார்.

‘‘போட்டிக்குத் தயார் ஆகும்போது 8 மணி நேரம்கூட பயிற்சி எடுக்க வேண்டி இருக்கும். போட்டிக்காக லீவ் போடுறப்ப, என் டீச்சர்ஸ் அவங்க வீட்டுக்கு வரச் சொல்லி எனக்கு மட்டும் வகுப்பு எடுப்பாங்க.  வகுப்புல எழுதிப் போட்டத வீட்டுக்கு வந்து சொல்லிக் குடுப்பா என் ஃப்ரெண்ட். அதனால படிக்கறது ஈஸிதான்.

லண்டன்ல `world championship carrom’ நடக்கப் போகுது. இந்தப் போட்டி நாலு வருஷத்துக்கு ஒரு தடவதான் நடக்கும். அதற்குத்  தேர்வு ஆவதே  என் லட்சியம்’’ என்கிற அம்சவர்த்தினியின் சிரிப்பில் தன்னம்பிக்கை துளிர் விடுகிறது.

“மாணவர்களுடைய தனித்திறமையை கண்டுபிடிச்சு, சரியான ஊக்கம் கொடுத் தாலே போதும்... அதுவே அவங்க சாதிக்கிறதுக்கு உறுதுணையா இருக்கும்.அம்சவர்த்தினி இந்த ஸ்கூலோட ரோல் மாடல். இவளைப் பார்த்துதான் நிறைய பொண்ணுங்க கேரம் விளையாட ஆரம்பிச்சிருக்காங்க” என்கிறார், கஸ்தூரி பாய் பெண்கள் மேல்நிலைப் பள்ளி தலைமையாசிரியர் முருகேஸ்வரி.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism