Published:Updated:

ஹலோ வாசகர்களே...!

ஹலோ வாசகர்களே...!

ஹலோ வாசகர்களே...!

ஹலோ வாசகர்களே...!

Published:Updated:

தேவை, உறுதியான தலைமை!

##~##

ஆயிரம் கோடி ரூபாய்க்கு மேலான தொழில் திட்டங்களுக்கு உடனடியாக அனுமதி அளிக்கும் தேசிய முதலீட்டு வாரியத்தைக் கொண்டுவரலாமா, வேண்டாமா என பல மாதங்கள் பேசிவிட்டு, அது தொடர்பாக எந்த உறுதியான முடிவையும் எடுக்காமல், பிற்பாடு பார்த்துக்கொள்ளலாம் என்று தள்ளி வைத்திருக்கிறது மத்திய அரசாங்கம். சுற்றுச்சூழல், வர்த்தக மற்றும் சட்ட அமைச்சகங்கள் கடும் ஆட்சேபம் தெரிவித்ததே, அரசின் இந்த பின்வாங்கலுக்கு முக்கிய காரணமாம்.

ஒட்டுமொத்த விகடனுக்கும் ஒரே ஷார்ட்கட்!

உலக அளவில் வளர்ச்சிக்கான வாய்ப்புகள் அபரிமிதமாக இருக்கும் மிகச் சில நாடுகளில் ஒன்று நம் இந்தியா. ஆனால், இங்கு ஒரு திட்டத்தைத் தொடங்க வேண்டுமென்றாலும் பல அமைச்சகங்களிடம் ஒப்புதல் பெற பல ஆண்டு காலம் காத்திருக்க வேண்டி இருக்கிறது. கிட்டத்தட்ட இரண்டு லட்சம் கோடி ரூபாய் மதிப்பு கொண்ட திட்டங்கள் அரசின் அனுமதிக்காக பல ஆண்டுகள் தவம் கிடக்கின்றன.  இத்திட்டங்களுக்கு ஒப்புதல் கிடைத்து, அவை நிறைவேறும்பட்சத்தில், நம் நாட்டின் வளர்ச்சி வேகம் எட்டுகால் பாய்ச்சலில் இருக்கும்!

இந்த முதலீட்டு வாரியம் குறித்து எல்லா அமைச்சர்களுடனும் பேசி, ஒருமித்த கருத்தை எட்ட மத்திய அரசு முயற்சித்திருக்க வேண்டாமா? ஒரு அமைச்சகம் கொண்டுவரும் திட்டத்தை இன்னொரு அமைச்சகம் எதிர்க்கும் என்கிற நிலை உருவானால், இனி நம் நாடு எப்படி முன்னேறும்? அமைச்சர்கள் மீது பிரதமர் மன்மோகன் சிங்கிற்கு எந்த கட்டுப்பாடும் இல்லை என்பதால்தானே இத்தனை குளறுபடி! உறுதியான தலைவர் ஒருவர் தலைமைக்கு வந்தால்தான், இனி எதிர்கால இந்தியாவின் மீது நம் எல்லோருக்கும் நம்பிக்கை வரும்!

- ஆசிரியர்.

ஹலோ வாசகர்களே...!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism