Published:Updated:

ஹலோ வாசகர்களே..!

வளர்ச்சிக்கு வழிவகுங்கள்!

ஹலோ வாசகர்களே..!

வளர்ச்சிக்கு வழிவகுங்கள்!

Published:Updated:
##~##

இந்த நிதி ஆண்டின் முதலாம் காலாண்டுக்கான கம்பெனி முடிவுகள் ஏறக்குறைய வந்துவிட்டன. இந்த முடிவுகளை எல்லாம் ஒருசேர வைத்துப் பார்க்கும்போது, நம் தொழில் துறையின் எதிர்காலம் குறித்து நமக்கு சந்தேகமே மிஞ்சுகிறது. கைநிறைய சம்பாதித்துத் தந்திருக்காவிட்டாலும் பரவாயில்லை, கடந்த காலத்தில் சம்பாதித்துத் தந்ததைவிட மிகக் குறைவான லாபத்தை நம் தொழில் துறை ஈட்டித் தந்திருக்கிறது.

ஹலோ வாசகர்களே..!

ஒட்டுமொத்த விகடனுக்கும் ஒரே ஷார்ட்கட்!

2012-ம் ஆண்டில் நான்காம் காலாண்டில் நம் தொழில் நிறுவனங்கள் கிட்டத்தட்ட 18 சதவிகிதம் வருமானம் பார்த்தன. ஆனால், கடந்த காலாண்டில் வெறும் 4.4 சதவிகிதமாக இந்த வருமானம் குறைந்திருப்பதாக ஆய்வு நிறுவனமான கிரைசில் சொல்லி இருப்பது அதிர்ச்சியான புள்ளிவிவரம். காலாண்டு முடிவுகளை வெளியிட்ட கம்பெனிகளை ஆராய்ந்து பார்த்த இன்னொரு நிறுவனம், கிட்டத்தட்ட 538 நிறுவனங்கள் கடந்த காலாண்டுடன் ஒப்பிடும்போது நஷ்டம் கண்டிருப்பதாகவும்  529 கம்பெனிகள் கடந்த காலாண்டில் சம்பாதித்த லாபத்தைவிட குறைவாகவே சம்பாதித்து இருப்பதாகவும் கண்டறிந்து சொல்லி இருப்பதும் வேதனை தரக்கூடிய உண்மையாக இருக்கிறது.

நம் தொழில் நிறுவனங்கள் தொடர்ந்து லாபப் பாதையில் செல்ல முடியாமல் போவதற்கு என்ன காரணம்? அமெரிக்காவிலும் ஐரோப்பாவிலும் பொருளாதார நிலைமை சரியில்லை. அதனால் நம் தொழில் வளர்ச்சியும் இறங்குமுகத்திலேயே இருக்கிறது என்கிற காரணத்தை இன்னும் எத்தனை நாளைக்குத்தான் சொல்லிக்கொண்டிருக்கப் போகிறோம்? நம் நாட்டின் தொழில் துறையைத் தொடர்ந்து முன்னேற்றப் பாதையில் கொண்டு செல்லத் தேவையான நடவடிக்கைகளை நாம் எப்போதுதான் எடுக்கப்போகிறோம்?

இன்னும் பல ஊர்களுக்கு சரியான சாலை வசதி இல்லை; தொழிற்சாலைகளுக்கு தேவையான மின்சாரம் கிடைப்பதில்லை; வர்த்தகத்தைப் பெருக்க வழிவகுக்கும் துறைமுகங்கள் பல கவனிப்பு இல்லாமலேயே கிடக்கிறது.  

ஹலோ வாசகர்களே..!

இதை எல்லாம் சீர்செய்ய எந்தத் திட்டமும் எந்தவொரு அரசாங்கமும் போடாமல், இலவசங்களைத் தந்தே மக்களின் ஓட்டுக்களை பெற என்ன செய்யலாம் என்று யோசிப்பதிலேயே காலத்தைக் கடத்துகின்றன. அனைத்துமட்டங்களிலும் இருக்கும் ஊழலை ஒழித்து, நாட்டின் வளர்ச்சி ஒன்றையே கண்ணும் கருத்துமாக கொண்டு நாம் செயல்படவில்லை எனில், இனிவரும் காலாண்டுகளில்கூட நம் தொழில் துறை லாபத்துக்குப் பதிலாக நஷ்டத்தையே சந்திக்கும்!

- ஆசிரியர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism