Published:Updated:

கறுப்புப் பண பேர்வழிகளை கண்காணிக்க வேண்டும்!

கறுப்புப் பண பேர்வழிகளை கண்காணிக்க வேண்டும்!
பிரீமியம் ஸ்டோரி
கறுப்புப் பண பேர்வழிகளை கண்காணிக்க வேண்டும்!

ஹலோ வாசகர்களே..!

கறுப்புப் பண பேர்வழிகளை கண்காணிக்க வேண்டும்!

ஹலோ வாசகர்களே..!

Published:Updated:
கறுப்புப் பண பேர்வழிகளை கண்காணிக்க வேண்டும்!
பிரீமியம் ஸ்டோரி
கறுப்புப் பண பேர்வழிகளை கண்காணிக்க வேண்டும்!
கறுப்புப் பண பேர்வழிகளை கண்காணிக்க வேண்டும்!

யர் மதிப்பிலான ரூபாய் நோட்டுக்கள் செல்லாது என அறிவித்து, ஒரு மாதம் கடந்துவிட்டது. அறிவிப்பு வந்தவுடன் வங்கிகளிலும் ஏடிஎம் மையங்களிலும் பணத்தை எடுக்க அலைமோதத் தொடங்கிய கூட்டம் இன்றுவரை குறையவில்லை. வங்கிகளில் மக்கள் டெபாசிட் செய்த பணத்தையே திரும்பப் பெற ஆயிரம் நிபந்தனைகளை விதித்தது மத்திய அரசாங்கம். கறுப்புப் பணம் ஒழியுமே என்பதற்காகவே சாதாரண மக்கள் தாங்கள் அனுபவிக்கும் வேதனைகளை இன்முகத்துடன் பொறுத்து வருகிறார்கள். 

ஆனால், எல்லோருக்கும் இதே நிலைதான் இருக்கிறதா..? சென்னையில் வருமான வரித் துறை நடத்திய அதிரடி சோதனையில் புதிய 2,000 ரூபாய் நோட்டுக்கள், ரூ.10 கோடிக்கு சிக்கி இருக்கின்றன. கர்நாடகாவில் சுரங்கக் கொள்ளையர் ஒருவர் ரூ.100 கோடி அளவுக்கு கறுப்புப் பணத்தை வெள்ளையாக ஆக்கி இருக்கிறார் என்கிற சர்ச்சை கிளம்பி, கார் டிரைவர் ஒருவர் மர்மமான முறையில் இறந்துபோயிருக்கிறார்.

கறுப்புப் பண பேர்வழிகளை கண்காணிக்க வேண்டும்!

ஒட்டுமொத்த விகடனுக்கும் ஒரே ஷார்ட்கட்!


சாதாரண மக்கள் வங்கிகளிடம் இருந்து பணத்தைப் பெற, கால்கடுக்க நிற்க வேண்டி இருக்கும்போது, செல்வாக்குமிக்க சிலர் பல நூறு கோடி ரூபாய் அளவுக்கு புதிய ரூபாய் நோட்டுக்களை வைத்திருப்பது எப்படிச் சாத்தியம்? பெரும் பணக்காரர்கள் தங்களிடமிருந்த பணத்தை வங்கியில் டெபாசிட் செய்து அரசின் கட்டுப்பாடுகளுக்கு உட்பட்டுத் திரும்ப எடுத்திருந்தால், இத்தனை கோடி ரூபாய் அளவுக்கு புதிய ரூபாய் நோட்டுக்கள் அவர் களிடம் இருக்க வாய்ப்பு இல்லையே! மக்களுக்குப் பணம் தருவதற்கு வங்கி களிடமே பணம் இல்லை என்கிற போது, இந்த பெரும் பணக்காரர்களிடம் பல கோடி ரூபாய் புதிய பணம் எப்படி வந்தது? 

புதிய பணம் வங்கிக்கு வந்து, அங்கிருந்து வெளியேறும்முன்பே கறுப்பு, வெள்ளை ஆகியிருக்கிறது என்பதற்கு 27 வங்கி ஊழியர்களை மத்திய அரசாங்கம் பணி நீக்கம் செய்த ஓர் ஆதாரமே போதும். ஆனால், குற்றம் இழைத்தவர்கள் வெறும் 27 பேர் மட்டும்தானா? 

கடந்த ஒரு மாத காலத்தில் வெளிவந்த 500 மற்றும் 2,000 ரூபாய் நோட்டுக்கள் எப்படிப் பகிர்ந்து அளிக்கப்பட்டது என எல்லா வங்கிகளிடமும் முறையாக விசாரணை செய்து நடவடிக்கை எடுக்க வேண்டும். இந்த விஷயத்தில் மத்திய அரசாங்கம் மெத்தனம் காட்டினால், கறுப்புப் பணப்புழக்கம் மீண்டும் தலைதூக்கி, மக்கள் பட்ட கஷ்டத்துக்கு எந்தப் பயனும் இல்லாமல் போய்விடும். மத்திய அரசும் ரிசர்வ் வங்கியும் மக்களுக்கு இன்னல் தராமல் இருக்க, புது ரூபாய் நோட்டுகளின்  வரத்தை அதிகரிப்பதுடன், அவை சரியானபடிக்கு சென்றடைகிறதா என்று கண்காணிக்கவும் வேண்டும். இல்லாவிட்டால் மோடியின் திட்டம் பிஜேபிக்கு நீங்கா களங்கத்தை ஏற்படுத்திவிடும்!

- ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism