Published:Updated:

அழிப்பது எளிது; ஆக்குவது கடினம்!

அழிப்பது எளிது; ஆக்குவது கடினம்!
பிரீமியம் ஸ்டோரி
அழிப்பது எளிது; ஆக்குவது கடினம்!

ஹலோ வாசகர்களே..!

அழிப்பது எளிது; ஆக்குவது கடினம்!

ஹலோ வாசகர்களே..!

Published:Updated:
அழிப்பது எளிது; ஆக்குவது கடினம்!
பிரீமியம் ஸ்டோரி
அழிப்பது எளிது; ஆக்குவது கடினம்!
அழிப்பது எளிது; ஆக்குவது கடினம்!

ங்கி வாடிக்கையாளர்களை பெரும் அதிர்ச்சிக்கு உள்ளாக்கி இருக்கின்றன, புதிய தலைமுறை தனியார் வங்கிகள். மாதம் ஒன்றுக்கு நான்கு முறைக்குமேல் செய்யப்படும் ரொக்க பணப் பரிவர்த்தனைக்குக் கட்டணம் விதித்து, அதை உடனடியாக நடைமுறைப்படுத்தவும் செய்திருக்கின்றன.

பிரதமர் நரேந்திர மோடி, சில மாதங்களுக்கு முன்பு கொண்டுவந்த பண மதிப்பு நீக்க நடவடிக்கையின் தொடர்ச்சியாக, தனியார் வங்கிகள் இந்த முடிவை அறிவித்துள்ளன.  ரொக்க பணம் பயன்படுத்தும் பழக்கத்தை மக்களிடம் இருந்து ஒழிக்கவேண்டும் என்கிற மத்திய அரசின் எண்ணத்தை, தனியார் வங்கிகள் தங்களுக்குச் சாதகமாகப் பயன்படுத்திக் கொண்டுள்ளன.

அழிப்பது எளிது; ஆக்குவது கடினம்!



தனியார் வங்கிகளின் இந்த முடிவால், சிறு நகரங்களிலும் கிராமப்புறங்களிலும் வசிக்கும் நடுத்தர மற்றும் ஏழை மக்களிடம் கவலையும் அச்சமும் ஏற்பட்டிருக்கின்றன. சாதாரண மக்களின் இந்த அச்சமும் கவலையும் அக்கறையுடன் கவனிக்கப்பட வேண்டியவை. மத்திய அரசாங்கம் நினைக்கிற மாதிரி, ரொக்கமில்லா பரிவர்த்தனையின் மூலமே தங்கள் தேவைகளை முழுக்க நிறைவேற்றிக் கொள்கிற அளவுக்கு நாட்டு மக்கள் தயாராகிவிடவில்லை. பெரு நகரங்களிலேயே பொருள்களை வாங்கும்போது, ரொக்கமாகப் பணத்தைக் கேட்கும் நிலையே இப்போதும் இருக்கும்போது, சிறு நகரங்களில் ரொக்கப் பணம் இல்லையென்றால் அன்றாடம் தேவைப்படும் பொருள்கள் எதையும் வாங்க முடியாது என்பதே யதார்த்தமான நிலை. இப்படி இருக்கும்போது, தனியார் வங்கிகள் இத்தகைய முடிவுகளை எடுக்க மத்திய அரசாங்கம் எப்படி அனுமதிக்கிறது?

இப்போதைக்கு இந்த நடவடிக்கையை சில தனியார் வங்கிகள் மட்டுமே எடுத்திருக்கின்றன. இனிவரும் நாள்களில் பொதுத் துறை வங்கிகளும் பழைய தலைமுறை தனியார் வங்கிகளும் இதே நடைமுறையைப் பின்பற்றாது என்பதற்கு என்ன உத்தரவாதம்? அப்படி ஒரு நிலை வரும்பட்சத்தில், ரிசர்வ் வங்கியும் மத்திய அரசாங்கமும் அதை எப்படித் தடுத்து நிறுத்தப்போகின்றன?

கடந்த ஐம்பது ஆண்டுகளில் மிகுந்த கஷ்டப்பட்டு நாட்டு மக்களை வங்கிச் செயல்பாட்டுக்குள் கொண்டுவர முடிந்திருக்கிற நிலையில், மக்களின் கஷ்டத்தை உணராமல் எடுக்கப்படும் இதுமாதிரியான நடவடிக்கைகள், வங்கிச் சேவையைப் பயன்படுத்துபவர்களை வெளியே தள்ளிவிடும் என்பதை மத்திய அரசாங்கமும் ரிசர்வ் வங்கியும்  மறந்துவிடக்கூடாது. ஒன்றை அழிப்பது எளிது; உருவாக்குவதுதான் கடினம் என்பதை மத்திய அரசுக்கு நாம் சொல்லித்தான் தெரியவேண்டுமா என்ன?

- ஆசிரியர்