Published:Updated:

சிறுதொழில் நடத்துபவர்களைத் துன்புறுத்தக் கூடாது!

ஒட்டுமொத்த விகடனுக்கும் ஒரே ஷார்ட்கட்

Use App
சிறுதொழில் நடத்துபவர்களைத் துன்புறுத்தக் கூடாது!
சிறுதொழில் நடத்துபவர்களைத் துன்புறுத்தக் கூடாது!

ஹலோ வாசகர்களே..!

பிரீமியம் ஸ்டோரி
சிறுதொழில் நடத்துபவர்களைத் துன்புறுத்தக் கூடாது!

நெடுங்காலமாக நடந்துவந்த போராட்டம் முடிவுக்கு வந்திருக்கிறது. 11 ஆண்டுகள், மூன்று அரசாங்கங்கள், மூன்று நிதி அமைச்சர்களைக் கண்ட சரக்கு மற்றும் சேவை வரி (GST - Goods and Services Tax) குறித்த நான்கு மசோதாக்கள் மக்களவையில் நிறைவேறி, வருகிற ஜூலை 1-ம் தேதி முதல் நடைமுறைக்கு வரும் சாத்தியம் உருவாகியுள்ளது.

ஜிஎஸ்டி நடைமுறைக்கு வருவதன் மூலம் ‘நிழல் பொருளாதாரம்’ மறையும் என்று சொல்லியிருக்கிறார் பொருளாதாரத் துறை முதன்மை செயலாளர் சக்திகந்த தாஸ். ஜிஎஸ்டி நடைமுறைக்கு வருவதன் மூலம் தொழில்கள் வளர்ச்சியடையவே வாய்ப்புகள் அதிகம் என ஏறக்குறைய எல்லாத் தொழில் துறை நிபுணர்களும் சொல்லியிருப்பது அவர்களுக்குள் உருவாகியிருக்கும் புதிய நம்பிக்கையையே காட்டுவதாக இருக்கிறது.  

இந்த வரியானது நடைமுறைக்கு வந்த நாள் தொடங்கி வளர்ச்சி வந்துவிடும் என்று சொல்வதற்கில்லை. முதலில், பல்வேறு பொருள்கள் மற்றும் சேவைகளினால் விலை மற்றும் கட்டணம் கொஞ்சம் உயர்ந்து, மக்களுக்குச் செலவுகளும் கொஞ்சம் அதிகரிக்கும்.  பிற்பாடு இந்த வரியின் உக்கிரம் மெள்ளமெள்ளக் குறைவதன் மூலம் பொருள்களின் விலை குறையும். இதனால் மக்கள் செலவழிக்க வேண்டிய பணம் குறைந்து, சேமிப்பு பெருகி, நாட்டின் வளர்ச்சிக்கு வழிவகுக்கும்.

இந்த வரியினால் நல்ல பல விளைவுகள் ஏற்பட்டாலும், சில அசெளகர்யங்கள் உருவாகவே செய்யும்.  உதாரணமாக, ஒவ்வொரு பொருளையும் வாங்குவதில் தொடங்கி விற்பது வரை அனைத்தையும் முறைப்படிக் கணக்கு எழுதி, பத்திரமாக வைத்துக்கொள்ள வேண்டும். இதற்கென தனியாக ஒருவரை வேலைக்கு வைத்துக்கொள்ள வேண்டிய கட்டாயம்கூட ஏற்படலாம்.

குறைந்த அளவே கல்வியறிவு பெற்றுள்ள சிறு தொழில் முனைவோர்கள், கணக்குவழக்குகளைக் கச்சிதமாக எழுதி வைப்பது கொஞ்சம் கடினமான செயல்தான். எடுத்த எடுப்பிலேயே இவர்கள் மிரண்டு போகிற அளவுக்குக் கணக்கு எழுதுவது குறித்த நடைமுறைகள் இருந்தால், இவர்களால் இந்த சட்டத்தின்படி நடக்க முடியாத நிலை ஏற்படலாம். இதனால் தொழில் வளர்ச்சியில் அவர்கள் காட்டும் கவனம் குறைந்து, அது தேய்வதற்கும் வாய்ப்பிருக்கிறது. அல்லது இந்தச் சட்டத்துக்கு முரணாக நடக்கவும் வாய்ப்புண்டு. எனவே, சிறுதொழில் செய்பவர்களை இந்தச் சட்டத்தின் மூலம் துன்புறுத்தும் நிலையை நாம் உருவாக்கிவிடக்கூடாது.

எந்த நல்ல திட்டமாக இருந்தாலும், அதை நடைமுறைப்படுத்துவதில்தான் அதன் வெற்றி இருக்கிறது. ஜிஎஸ்டி-யையும் இந்த அரசாங்கம் எவ்வளவு சரியாக நடைமுறைப்படுத்துகிறதோ அதைப் பொறுத்தே, நாட்டின் வளர்ச்சி மட்டுமல்ல, மோடியின் அடுத்த ஐந்தாண்டு கால பிரதமர் பதவியும் இருக்கிறது!

- ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு