Published:Updated:

நம்பிக்கையைக் குலைக்காதீர்கள்!

நம்பிக்கையைக் குலைக்காதீர்கள்!
பிரீமியம் ஸ்டோரி
நம்பிக்கையைக் குலைக்காதீர்கள்!

ஹலோ வாசகர்களே..!

நம்பிக்கையைக் குலைக்காதீர்கள்!

ஹலோ வாசகர்களே..!

Published:Updated:
நம்பிக்கையைக் குலைக்காதீர்கள்!
பிரீமியம் ஸ்டோரி
நம்பிக்கையைக் குலைக்காதீர்கள்!

ங்கிகளில் மக்கள் டெபாசிட் செய்திருக்கும் பணத்தின் பாதுகாப்பு,  ‘வங்கித் தீர்மானம் மற்றும் டெபாசிட் காப்பீட்டு - 2017 மசோதா’வின் மூலம் கேள்விக்குறியாகிறது எனும் தகவல், அனைத்து மக்களையும்  கவலைக்குள்ளாக்கி இருக்கிறது. வங்கிகளின் வாராக் கடன் ரூ.10 லட்சம் கோடியைத் தாண்டி விட்ட நிலையில், வங்கிகளைக் காப்பாற்ற இப்படி ஒரு நடவடிக்கை எடுக்க நினைத்தாலும், மக்கள் இந்த நடவடிக்கையை எப்படி எடுத்துக்கொள்வார்கள் என்பதைக் கட்டாயம் கவனிக்க வேண்டும். 

நம்பிக்கையைக் குலைக்காதீர்கள்!



நம் மக்கள் எப்போதுமே ரிஸ்க் இல்லாத முதலீட்டையே அதிகம் நாடுபவர்கள். வங்கி பிக்ஸட் டெபாசிட் திட்டத்தில் வட்டிக் குறைவு என்றாலும், நம் மக்கள்  நூற்றுக்கு இருநூறு சதவிகிதம் நம்பக் காரணம், அரசின் அங்கீகாரம் அதற்கு இருப்பதே. இதனால்தான் எல்லா வங்கிகளிலும் சேர்த்து சுமார் ரூ.106 லட்சம் கோடியை, மக்கள் ஃபிக்ஸட் டெபாசிட்டில் போட்டு வைத்திருக்கிறார்கள்.

இனி இந்தப் பணத்தை நினைத்த நேரத்தில் எடுத்துக்கொள்ள முடியாது என்கிற நிலை ஏற்பட்டால், வங்கிகள்மீது வைத்திருக்கும் நம்பிக்கையை மக்கள் இழந்துவிடுவார்கள். தேவைப்படும்போது அந்தப் பணம் திரும்பக் கிடைக்காது எனில், வங்கி டெபாசிட்டை நாடி வரவேண்டிய அவசியம் இல்லாமல் போய்விடும்.

திவாலாகும் நிலையில் உள்ள வங்கிகளில் இருக்கும் பணம் மட்டுமே இப்படி எடுத்துக்கொள்ளப்படும் என்று சொல்லப்பட்டாலும், எந்த வங்கி திவாலாகும், எந்த வங்கி திவாலாகாது என்பது யாருக்கும் தெரியாது. தவிர, நம் நாட்டில் படிப்பறிவு இல்லாதவர்கள் இன்னும் நிறையவே இருக்கிறார்கள். மேலும், பொருளாதாரச் சூழல்களை நன்கு புரிந்துகொண்டு மாற்று முதலீடுகளை நாடுபவர்களின் எண்ணிக்கையும் குறைவே.  

உண்மை நிலை இப்படியிருக்க, அரசின் அங்கீகாரம் பெற்ற வங்கிகள் மீது மக்கள் வைத்திருக்கும் நம்பிக்கையைக் குலைக்கும் வகையில்  மத்திய அரசாங்கம் செயல்படுவதாக முன்வைக்கப்படும் குற்றச்சாட்டுகள் யோசிக்கத்தான் வைக்கின்றன. ஒரு சில வங்கிகளைத் திவாலாகாமல் தடுக்க, நாட்டின் ஒட்டுமொத்தப் பொருளாதாரத்தையே காவு கொடுக்க நினைப்பது சரிதானா என்று எழுப்பப்படும் கேள்விகளிலும் நியாயம் இருக்கவே செய்கிறது.

‘அப்படியெல்லாம் இல்லை. தவறான தகவல்கள் பரப்பப்படுகின்றன’  என்று அரசாங்கம் ஒரே வரியில் இந்த விஷயத்தை முடிக்க நினைக்கிறது.  ஆனால், அது அத்தனை எளிதல்ல. மக்கள் கஷ்டப்பட்டுச் சேமித்து வங்கிகளில் வைத்துள்ள பணத்துக்கு எந்தப் பங்கமும் வராது என்பதை மத்திய அரசாங்கம் அறிவித்து, அதைச் சட்டமாகவும் இயற்றித் தரவேண்டும். அதைச் செய்யாவிட்டால் மக்களின் கடுங்கோபத்துக்கு இந்த அரசாங்கம் ஆளாக வேண்டியிருக்கும் என்பதில் சந்தேகமே இல்லை.

- ஆசிரியர் 

ஒட்டுமொத்த விகடனுக்கும் ஒரே ஷார்ட்கட்!