Published:Updated:

கைகொடுக்கும் பால் மாடுகள்!

கைகொடுக்கும் பால் மாடுகள்!
பிரீமியம் ஸ்டோரி
News
கைகொடுக்கும் பால் மாடுகள்!

நாட்டு நடப்புஆறுச்சாமி

வெண்மைப் புரட்சியின் தந்தை என்று அழைக்கப்படும் வர்க்கீஸ் குரியனின் பிறந்த தினமான நவம்பர் 26-ம் தேதி, ‘தேசிய பால்வள தின’மாகக் கொண்டாடப்படுகிறது. சென்னை, அலமாதி அருகில் உள்ள உணவு மற்றும் பால்வளத் தொழில்நுட்பக் கல்லூரியில், கட்டுரைப்போட்டி, கவிதைப் போட்டி, கலை நிகழ்ச்சிகள் என இந்தத் தினம் விமரிசையாகக் கொண்டாடப்பட்டது. 

கைகொடுக்கும் பால் மாடுகள்!

இந்திய பால் சங்கத்தைச் சேர்ந்த ஜஸ்டீன், வரவேற்புரையுடன் நிகழ்ச்சி தொடங்கியது. சென்னை கால்நடை மருத்துவக் கல்லூரியின் முன்னாள் பேராசிரியர் முனைவர் நரேஷ்குமார் பேசும்போது,

‘‘ஒரு காலத்தில் குழந்தைகளுக்குப் பால் கிடைப்பதுகூட அரிதாக இருந்தது. பால் வளத்தை அதிகரிக்கப் பல்வேறு வளர்ச்சி திட்டங்கள் செயல்படுத்தப்பட்டன. அதன் விளைவாக, 24 மணி நேரமும் இப்போது தாராளமாகப் பால் கிடைத்து வருகிறது’’ என்றார்.

கல்லூரியின் முதல்வர் முனைவர் த.பாஸ்கரன் பேசும்போது, ‘‘வெளிநாட்டில் படித்துவிட்டு வந்த வர்க்கீஸ் குரியன். குஜராத் மாநிலத்தில் ஆனந்த மாவட்டத்தில் அமுல் என்ற கூட்டுறவு அமைப்பை உருவாக்கி, பால் உற்பத்தி செய்யும் விவசாயிகளின் வாழ்க்கையில் ஒளியேற்றினார். குஜராத்தில் உருவான வெண்மைப் புரட்சி, இந்தியா முழுவதும் கொண்டுசெல்ல, வர்க்கீஸ் குரியனை அழைத்தது மத்திய அரசு. இன்று உலக அளவில் பால் உற்பத்தியில் இந்தியா முன்னிலையில் உள்ளது.

இந்த வளர்ச்சிக்கு வித்திட்டவரை நினைவில் கொள்வோம். பால் வளம் மேலும் பல்கி பெருக வேண்டும். பால் பொருள்களுக்கான சந்தை வாய்ப்பு சிறப்பாக உள்ளது. வளர்ந்து வரும் இந்தத் தொழில் துறைக்கு, உறுதுணையாக எங்கள் கல்லூரி செயல்பட்டு வருகிறது’’ என்றார்.

அடுத்து, இந்திய பால் சங்கத்தின் தென் மண்டல செயற்குழு உறுப்பினர் சங்கரலிங்க கவுடா பேசும்போது, ‘‘விவசாயிகளுக்கு விவசாயம் கைவிட்டாலும், எந்நாளும் கைவிடாமல் வருமானத்தைக் கொடுப்பது, பால் மாடுகள்தான். மக்கள் சக்தி இணைந்தால், மகத்தான மாற்றத்தை உருவாக்க முடியும் என்பதைச் செயல்படுத்திக் காட்டியுள்ளார் குரியன்.

அந்தக் காலத்திலேயே, பாலை விற்பனை செய்வதைக்காட்டிலும் வெண்ணெய், நெய், பாலாடைக் கட்டி...  என மதிப்புக்கூட்டப்பட்ட பொருளாக மாற்றி விற்பனை செய்தால்தான், லாபம் கிடைக்கும் என்பதை அறிந்து அதை அமுல் நிறுவனத்தில் செய்து காட்டினார். இதே பால் தொழில் வெற்றி பெற நினைப்பவர்களுக்குப் பால பாடமாக இருக்கிறது’’ என்றார் முத்தாய்ப்பாக. 

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz