Published:Updated:

நன்றி சொல்ல ஒரு நாள்: சப்த கன்னிகளும் கடல் மாதாவுக்கான பொங்கலும்!

ஸ்ரீரணபத்ர காளியம்மன் கோயில்...
பிரீமியம் ஸ்டோரி
ஸ்ரீரணபத்ர காளியம்மன் கோயில்...

`சப்த கன்னிகள் பொங்கல் விழா' வாயிலாகக் கொண்டாடுகிறார்கள் ராமநாதபுரம் பகுதி மக்கள்.

நன்றி சொல்ல ஒரு நாள்: சப்த கன்னிகளும் கடல் மாதாவுக்கான பொங்கலும்!

`சப்த கன்னிகள் பொங்கல் விழா' வாயிலாகக் கொண்டாடுகிறார்கள் ராமநாதபுரம் பகுதி மக்கள்.

Published:Updated:
ஸ்ரீரணபத்ர காளியம்மன் கோயில்...
பிரீமியம் ஸ்டோரி
ஸ்ரீரணபத்ர காளியம்மன் கோயில்...

ங்கள் வாழ்வுக்கும் வளத்துக்கும் உறுதுணையாக இருப்பவர்களுக்கு நன்றி சொல்லி மகிழ்ந்து கொண்டாடுவதுதான் தமிழரின் விழா மரபு. வேளாண்மைக்கு வழிகாட்டும் கதிரவன், உழவுக்குத் துணை நிற்கும் காளைகள் எனத் தங்களுக்கு உதவியாக இருப்பவர்களைக் கொண்டாடுவதற்காகவே உருவாக்கப்பட்டதுதான் அறுவடை திருநாளான தைப் பொங்கல்!

நன்றி சொல்ல ஒரு நாள்: சப்த கன்னிகளும் கடல் மாதாவுக்கான பொங்கலும்!
 தென்னம்பாளை விளக்கைக் கடலில் விடும் நிகழ்ச்சி...
தென்னம்பாளை விளக்கைக் கடலில் விடும் நிகழ்ச்சி...

அந்த வரிசையில் கணக்கில்லாமல் அள்ளி கொடுக்கும் மீன் வளமாக, மீனவர்களின் கலங்கரை விளக்காக, காற்றாக, வாழ்வாக அமைந்திருக்கும் கடல் அன்னையை `சப்த கன்னிகள் பொங்கல் விழா' வாயிலாகக் கொண்டாடுகிறார்கள் ராமநாதபுரம் பகுதி மக்கள்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ராமநாதபுரத்தில் இருந்து தொண்டில் செல்லும் சாலையில் உப்பூரின் அருகில் அமைந்துள்ளது மோர்ப்பண்ணை கிராமம். 850 குடும்பங்கள் வசிக்கும் இந்தக் கிராம மக்களுக்கு மீன் பிடித்தலே வாழ்க்கை.

 பொங்கல் வைக்கும் சப்த கன்னிகள்...
பொங்கல் வைக்கும் சப்த கன்னிகள்...

``தெனமும் பல மைல் கடல்ல போய் மீன் பிடிச்சுட்டு வருவாங்க எங்க ஜனங்க. அவங்க பத்திரமா வீடு வந்து சேர்ந்தாதானே எங்க வாழ்க்கை நல்லா இருக்கும்? அதனால, `கடல் மாதாவே... எங்களுக்கு நல்ல வாழ்க்கையை, நிறைய மீனை, எந்தவித ஆபத்துகளும் இல்லாம கொடும்மா'ன்னு வேண்டி அவளைக் கொண்டாடுறதுதான் சப்த கன்னிகள் பொங்கல் திருநாள்'' என்று இதுபற்றி விளக்குகிறார் கிராமத் தலைவர் கோவிந்தனின் மனைவி பொட்டுப்பிள்ளை.

``மார்கழி மாதக் கடைசியில் இதுக்காக ஊர்க் கூட்டம் கூட்டு வாங்க. அந்தக் கூட்டத்துல கிராமத்துல உள்ள எல்லாரும் கலந்துக்கிடுவாங்க. அப்படி வர்ற குடும்பங் கள்ல இருக்கிற பூப்படையாத ஏழு சிறுமிகளைத் தேர்ந்தெடுத்து, அந்தச் சிறுமிகளை அம்மனா நினைச்சு வழிபடுவோம். பொங்கல் அன்னிக்கு இங்குள்ள ஸ்ரீரணபத்ர காளியம்மன் கோயிலில் அந்த ஏழு சிறுமிகளும் பொங்கல் வைப்பாங்க.

கோவிந்தன்,  பொட்டுப்பிள்ளை, துரைபாலன்
கோவிந்தன், பொட்டுப்பிள்ளை, துரைபாலன்

அந்தப் பொங்கலை தென்னம்பாளையில செஞ்ச சிறு படகுல வெச்சு, அதுல நெய், திரி விட்டு விளக்கேத்துவாங்க. தென்னம்பாளை படகோட கிளம்புற சப்த கன்னிகள் - கிராம மக்கள் ஊர்வலம் கடல் முன்னால் போய் நிற்கும். ஊர்த்தலைவர் தென்னம்பாளை விளக்கை இடுப்பளவு ஆழ கடல் தண்ணீரில் கொண்டுபோய் விடுவார். எங்க வாழ்க்கைக்கு கலங்கரை வழிகாட்டியா திகழ்ற கடலன்னைக்கு நாங்க செலுத்துற நன்றியை அவ மகிழ்வோட ஏத்துக்கிறதா மனசார நம்புறோம்’’ என்று நெகிழ்கிறார் பொட்டுப் பிள்ளை.

ஸ்ரீரணபத்ர காளியம்மன் கோயில்...
ஸ்ரீரணபத்ர காளியம்மன் கோயில்...

``கடலன்னைக்கு நன்றி செலுத்தும் திருவிழாவுக்காக இந்த சப்த கன்னிகள் மக்களோட முழு ஒப்புதலோடு தேர்ந்தெடுக்கப்படுவாங்க. பூப்படையாத சிறுமிகள் எந்த வீட்டில் இருந்தாலும் அம்மனா வழிபடுவோம். ஒருமுறை சப்த கன்னியாகத் தேர்வு செய்யப்படும் சிறுமியை மறுமுறை தேர்வு செய்ய மாட்டோம்’’ என்கிறார், கடலூர் கிராம பஞ்சாயத்து முன்னாள் தலைவரான துரைபாலன்.