Published:Updated:

திரைகடலாக வந்த திருச்சி சுட்டிகள்!

இன்ஃபோ புக் 200... ஊரைத் தெரிஞ்சிக்கிட்டோம்!

பிரீமியம் ஸ்டோரி

சுட்டி விகடனின் ‘நம்ம ஊரை நல்லாத் தெரிஞ்சுப்போம்’ நிகழ்ச்சிகளின் வரிசையில், ஆகஸ்ட் 11ஆம் தேதி, ‘திருச்சி இன்ஃபோ 200’ தேர்வில் கலந்துகொண்டவர்களுக்கான பரிசளிப்பு விழா, திருச்சியில் நடைபெற்றது.

திரைகடலாக வந்த திருச்சி சுட்டிகள்!

118 அரசு மற்றும் தனியார் பள்ளி மாணவர்களுக்கு 13,000 மாணவர்கள் OMR ஷீட் முறையில் தேர்வு எழுதியிருந்தனர். பள்ளிகள் அளவில் முதல் மூன்று இடங்கள் பெற்ற 1,400 மாணவர்கள் மேடையில் கௌரவிக்கப்பட்டனர்.

திருச்சி வருவாய் கோட்டாட்சியர் அன்பழகன், உதவி தொடக்கக் கல்வி அலுவலர் மருதநாயகம், சுட்டி ஸ்டார் திட்ட முதன்மைப் பயிற்சியாளர் ஹெலிக்ஸ் செந்தில்குமார் ஆகியோர் சிறப்பு விருந்தினராக கலந்துகொண்டார்கள்.

திரைகடலாக வந்த திருச்சி சுட்டிகள்!

கலைக் காவிரி கல்லூரி மாணவியின் பரதநாட்டியம் சிறப்பாக இருந்தது. நிகழ்ச்சி தொகுப்பாளர்களான பரலோகம் மற்றும் சீனியர் சுட்டி ஸ்டார் தாரிணி ஆகியோரின் கலகல பேச்சுக்கு அரங்கம் கரவொலியால் நிறைந்தது.

திரைகடலாக வந்த திருச்சி சுட்டிகள்!

நிகழ்ச்சியில் பேசிய வருவாய் கோட்டாட்சியர் அன்பழகன், “ஒவ்வொரு மாணவனும் நல்ல கல்வி பெறுவதுடன், அவர் சார்ந்த மாவட்ட வரலாறு மற்றும் மண்ணின் பெருமை குறித்து தெரிந்துகொள்ள வேண்டும். தன்னம்பிக்கையுடைய மாணவர்கள்தான் நாளைய நம்பிக்கை. ஒழுக்கத்திலும் சிறந்து விளங்க வேண்டும்” என்றார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

உதவி தொடக்கக் கல்வி அலுவலர் மருதநாயகம், “மாணவர்கள்தான் சமூகத்தின் மிகப்பெரிய அடையாளம். அப்துல் கலாம் படித்த கல்லூரியில் நடக்கும் இந்த நிகழ்வில், பரிசுகள் வாங்குவது வரலாற்றுச் சிறப்புமிக்கது. சுட்டி விகடனின் ‘இன்ஃபோ 200’, மாணவர்களின் கல்வி ஆர்வத்தை ஊக்குவிக்கும் விதமாக உள்ளது”என்றார்.

திரைகடலாக வந்த திருச்சி சுட்டிகள்!

ஹெலிக்ஸ் செந்தில்குமார், “ஒவ்வொரு வீட்டிலும் பாடப்புத்தகங்களுடன் அறிவை வளர்க்கும் புத்தகங்கள் இருக்கவேண்டியது அவசியம். வாசிக்கும் பழக்கமுள்ள மாணவர்களுக்குத்தான் நல்ல எதிர்காலம் அமையும்’’ என்றார்.

திரைகடலாக வந்த திருச்சி சுட்டிகள்!

நிகழ்ச்சிக்கு வந்திருந்த திருச்சி பெரியார் மணியம்மை பள்ளி மாணவி ஸ்ரீ மித்ரா, “OMR முறையில் நான் எழுதிய முதல் தேர்வு இது. நிறைய விஷயங்கள் கற்றுக்கொள்ள கிடைத்த நல்ல வாய்ப்பு”என்றார்.

முசிறி ஜெயேந்திரா வித்யாலயா பள்ளி மாணவர் பரத் ஆகாஷ் மற்றும் தர்சனா, “திருச்சி ரொம்ப பெருமை மிக்க ஊர். அவற்றைத் தெரிந்துகொள்ள வாய்ப்பாக இருந்தது’’ என்றார்கள்.

திரைகடலாக வந்த திருச்சி சுட்டிகள்!

திருச்சி பொன்மலைப்பட்டியில் உள்ள டி.இ.எல்.சி பள்ளி மாணவர்கள் தாங்கள் செய்த மணிமாலைகளை சிறப்பு விருந்தினர்களுக்கு அணிவித்தார்கள். நிகழ்ச்சிக்கு வந்திருந்த அனைவருக்கும் ஓங்காரக்குடில், துறையூர் சார்பில், மதிய உணவு வழங்கப்பட்டது.

‘‘இந்தத் தேர்வையும் நிகழ்ச்சியையும் மறக்கவே முடியாது’’ என்று நெகிழ்ந்தார்கள் சுட்டிகள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு