Published:Updated:

திரும்பத் தருவதே மிகச் சிறந்த தானம்!

திரும்பத் தருவதே மிகச் சிறந்த தானம்!
பிரீமியம் ஸ்டோரி
திரும்பத் தருவதே மிகச் சிறந்த தானம்!

ஹலோ வாசகர்களே..!

திரும்பத் தருவதே மிகச் சிறந்த தானம்!

ஹலோ வாசகர்களே..!

Published:Updated:
திரும்பத் தருவதே மிகச் சிறந்த தானம்!
பிரீமியம் ஸ்டோரி
திரும்பத் தருவதே மிகச் சிறந்த தானம்!

ன்ஃபோசிஸ் நிறுவனத்தின் நிறுவனர் என்.ஆர்.நாராயண மூர்த்திக்கு இந்திய தொழில் துறையில் தனித்துவமான பெயர் உண்டு. அவர் சொல்லும் விஷயங்கள் ஆழமாக யோசிக்கக்கூடியதாக இருக்கும். அப்படி ஆழமாகச் சிந்திக்கும் ஒரு விஷயத்தையே அவர் இப்போதும் சொல்லியிருக்கிறார். 

திரும்பத் தருவதே மிகச் சிறந்த தானம்!



‘‘நம் நாட்டில் முதல் நூறு இடங்களில் இருக்கும் பெரிய நிறுவனங்கள் அடையும் லாபத்தில் பத்து சதவிகிதத்தை  சமுதாய வளர்ச்சிக்கு (Corporate Social Responsibility) செலவிடலாமே!’’ என்று சொன்னதுடன், இப்படிச் செலவழிக்கப்படும் தொகையை பொது சுகாதாரம், ஊட்டச்சத்து, அறிவியல் ஆராய்ச்சி மற்றும் கல்வித் துறையின் வளர்ச்சிக்குப் பயன்படுத்தலாம் என அவர் வழிகாட்டியிருக்கிறார்.

நம் நாட்டில், பங்குச் சந்தையில் பட்டியலிடப்பட்டுள்ள நிறுவனங்கள் ஓர் ஆண்டில் அடையும் லாபத்தில் இரண்டு சதவிகிதத்தை, சமுதாய வளர்ச்சிக்குப் பயன்படுத்த வேண்டும் எனக் கம்பெனிகள் சட்டத்தில் சொல்லப்பட்டுள்ளது. இந்த நிலையில், சமுதாய வளர்ச்சிக்குப் பத்து சதவிகித பணத்தைச் செலவிட வேண்டும் என நாராயண மூர்த்தி சொல்லியிருப்பது வரவேற்கத்தகுந்த, புரட்சிகரமான கருத்தே ஆகும்.

கடந்த பத்து ஆண்டுகளில் சமுதாய வளர்ச்சிக்காக நிறுவனங்கள் செய்துவரும் செலவு அதிகரித்து வருவது பாசிட்டிவான முன்னேற்றமே. 2015-ம் ஆண்டில் ரூ.2,500 கோடி மட்டுமே சமுதாய வளர்ச்சிக்காக செலவழித்த நிறுவனங்கள், 2016-ல் 8,300 கோடி ரூபாயைச் செலவழித்துள்ளன. மும்பை பங்குச் சந்தையில் பட்டியலிட்டுள்ள 4,887 நிறுவனங்களில் 1,158 நிறுவனங்கள், 2016-ல் சமுதாய வளர்ச்சிக்காகச் செலவழித்துள்ளன. அதற்கு முந்தைய ஆண்டுடன் ஒப்பிடும்போது இது அதிகம். 

ஒரு நிறுவனத்தைத் தொடங்கி நடத்துவது லாபம் சம்பாதிக்கத்தான். ஆனாலும், அந்த லாபத்தைத் தந்த மக்களுக்கே லாபத்தின் ஒரு பகுதியைத் திரும்பத் தந்துவிடுவது மிகச் சிறந்த தானமாக அமையும். உலக அளவில் பில் கேட்ஸும், வாரன் பஃபெட்டும் இந்தத் தானத்தை மிகச் சிறப்பாக செய்து வருகின்றனர். நம் நாட்டில் விப்ரோவின் அசீம் பிரேம்ஜியும், ஹெச்.சி.எல்-ன் ஷிவ் நாடாரும் தங்கள் சொத்தின் பெரும்பகுதியை மக்களுக்கே திரும்பத் தருவதில், மிகச் சிறந்த உதாரணங்களாகத் திகழ்கின்றனர்.

சமுதாய வளர்ச்சிக்காகப் பத்து சதவிகிதத் தொகையைச் செலவழிப்பது அதிகம் என்று நினைத்தால், ஐந்து சதவிகித தொகையையாவது செலவழிக்கலாம். இப்படிச் செலவழிக்கும் தொகையே குறைந்த செலவில் மக்களுக்குக் கல்வியும், சுகாதார வசதியும் கிடைக்க வழிவகுக்கும். தனது வாரிசுகளுக்கு மட்டுமே லாபத்தைக் குவித்து வைக்காமல், தங்களை வாழவைத்த மக்களுக்கு லாபத்தில் ஒரு பகுதியைச் செலவழிப்பது மிகச் சிறந்த முடிவு என்பதை நிறுவனங்கள் உணர்ந்து, அதற்கான நடவடிக்கையை எடுக்கட்டும்!

- ஆசிரியர்