Published:Updated:

அழகு என்பது நிறத்தில் இல்லை...

அர்ச்சனா
பிரீமியம் ஸ்டோரி
அர்ச்சனா

ஸ்டைலிஸ்ட்டின் விழிப்புணர்வு போட்டோஷூட்

அழகு என்பது நிறத்தில் இல்லை...

ஸ்டைலிஸ்ட்டின் விழிப்புணர்வு போட்டோஷூட்

Published:Updated:
அர்ச்சனா
பிரீமியம் ஸ்டோரி
அர்ச்சனா

“கறுப்பாக இருந்தாலும் அழகா இருக்க’, ‘கறுப்பு மத்தபடி எந்தக் குறையும் இல்ல’, `கறுப்பா இருந்தா என்ன... நிறைய நகை போட்டு கட்டிக்கொடுத்துக்க வேண்டியதுதான்’... என கறுப்பு நிறத்தை மிகப்பெரிய குறையாகப் பார்க்கும் கலாசாரம் சமூகத்தில் வேரூன்றியுள்ளது. இந்த எண்ணத்தை உடைக்கும் விதமாக சென்னையைச் சேர்ந்த ஸ்டைலிஸ்ட் அர்ச்சனா ஆர்த்தி சமீபத்தில் போட்டோஷூட் ஒன்றைச் செய்துள்ளார். அதுகுறித்து அர்ச்சனா பகிரும் தகவல்கள்...

``நிறத்தை தெய்வமாகக் கொண்டாடும் நாம்தான், நிறத்தை வெச்சு பிரிவினையும், கேலி கிண்டல்களும் பண்றோம். நிறம் என்பது அழகின் குறியீடு கிடையாது. அப்படி நினைப்பதுதான் சமூக பிரச்னையாக உருவெடுத்திருக்கு. குழந்தைகள்கூட மரப்பாச்சி பொம்மைகளை மறந்து, சிவப்பு நிற பார்பி பொம்மைகளைத்தான் கொண்டாடுறாங்க. மூன்று நாள்களில் சிவப்பழகு, முப்பது நாள்களில் பளிச் சருமம் போன்ற வசனங்களும், விளம்பரங்களும் தான், நிறத்தை அழகின் குறீயிடா சமூகத்தில் பதியவெச்சிருக்கு. கறுப்பாக இருக்குறவங்களை தாழ்வுமனப்பான்மைக்குள் தள்ளுவதையும் இந்த விளம்பரங்கள் செய்யுது.

அழகு என்பது நிறத்தில் இல்லை...
அழகு என்பது நிறத்தில் இல்லை...
அழகு என்பது நிறத்தில் இல்லை...
அழகு என்பது நிறத்தில் இல்லை...
அழகு என்பது நிறத்தில் இல்லை...

ஒரு பெண்ணின் ஆளுமையையும், திறமையையும்விட இங்கு அழகுக்கே அதிக முக்கியத்துவம் தரப்படுது. உடல், நிறம் சார்ந்து பெண்களை மதிப்பிடும் எண்ணங்களை உடைக்க நினைச்சுதான் இந்த போட்டோ ஷூட்டை பிளான் பண்ணோம். டார்க் ஸ்கின் டோன் உள்ள ஒரு பெண், திருநங்கை மற்றும் வெண்புள்ளி பாதிப்புக்குள்ளானவங்கனு மூணு பேரை வெச்சு போட்டோஷூட் செய்தோம். இதில் மேக்கப் ஆர்ட்டிஸ்டாக ரீனாவும், போட்டோகிராபராக மக்காவும் என்கூட இணைஞ்சாங்க.

நிறங்கள் நம் வாழ்வியலோடு இணைந்தவை. ஒரு நிறம் உயர்ந்தது, இன்னொரு நிறம் தாழ்ந்ததுன்னெல்லாம் கிடையாது. அதை விளக்கும் விதமா , போட்டோஷூட்டின் பேக்ரவுண்டில் பல வண்ணங்கள் நிறைந்த நம் பாரம்பர்ய அடையாளங்களை பவர் பாயின்ட்களாக செட் செய்தோம். அழகையும், நிறத்தையும் வெச்சு பெண்களை மதிப்பிடும் மனநிலை மாறணும் என்பதற்கான சிறிய முயற்சி தான் இது. வண்ணங் களையும், பேதங்கள் இல்லாம கொண்டாடுவோம்” என்று விடைபெறுகிறார் அர்ச்சனா.