Published:Updated:

ரைடுனு வந்துட்டா...

ரைடுனு வந்துட்டா...
பிரீமியம் ஸ்டோரி
ரைடுனு வந்துட்டா...

க்ளப்: பஜாஜ் அவென்ஜர்ஸ், சென்னை

ரைடுனு வந்துட்டா...

க்ளப்: பஜாஜ் அவென்ஜர்ஸ், சென்னை

Published:Updated:
ரைடுனு வந்துட்டா...
பிரீமியம் ஸ்டோரி
ரைடுனு வந்துட்டா...

`டியர் காம்ரேட்’ விஜய் தேவரகொண்டா மாதிரி, பைக்ல தன்னந்தனியா பீல் பண்ணிக்கிட்டே ஸோலோவா ஒரு லாங் ரைடு போறவங்க ஒரு ரகம் என்றால்.... தெரிந்த நண்பர்கள், தெரியாத நண்பர்கள் என்று கும்பலைச் சேர்த்துக்கொண்டு, குரூப்பாக லாங் ரைடு போறவங்க இன்னொரு ரகம். நினைச்ச இடத்தில் நிப்பாட்டிக்கலாம்; சாப்பிட்டுக்கலாம்; செல்ஃபி எடுத்துக்கலாம்... இதெல்லாம் சோலோ ரைடோட ப்ளஸ்.

பஜாஜ் அவென்ஜர்ஸ், சென்னை
பஜாஜ் அவென்ஜர்ஸ், சென்னை

ஆனா இதெல்லாம் குரூப் ரைடில் செய்ய முடியாது. வழிநடத்திச் செல்கிற தலைவர் சொல்படிதான் நடந்துக்கணும். குரூப்பை விட்டுப் பிரிய முடியாது. ஆனால், பாதுகாப்பு கேரன்ட்டி. இதில் தலைவராக இருக்கிறவங்களுக்கு, பொறுப்புகள் இன்னும் கூடும். அப்படி வார வாரம் ஒரு குரூப்பை இழுத்துக்கிட்டு, இந்தியா முழுக்கச் சுத்தி வர்றவர்தான் கபில். ``வாங்களேன்... என் க்ளப்புக்கு. செமையா ஒரு ரைடு போலாம்.’’ என்று அடிக்கடி தனது பஜாஜ் அவென்ஜர்ஸ் க்ளப்புக்கு இன்வைட் பண்ணிக்கிட்டே இருந்தார் கபில்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

``ரைடு வேணாம் பாஸ். ஒரு மீட் மட்டும் வெச்சுக்கலாம்’’ என்று கபிலைச் சந்தித்தேன். க்ளப் பற்றிப் பேச ஆரம்பித்தார் கபில். 2012-ல் நிதியும் சித்தார்த்தும் சேர்ந்து பெங்களூருவில் ஆரம்பித்ததுதான் பஜாஜ் அவென்ஜர்ஸ் கிளப். அப்புறம் சித்தார்த் சென்னைக்கு டிரான்ஸ்ஃபர் ஆனதால், ஆறுமாதம் கழித்து சென்னையில் இந்த க்ளப்பை ஆரம்பித்தார்கள்.

ரைடுனு வந்துட்டா...

``நான் அந்த டைமில் ரொம்ப டிப்ரெஸன்ல இருந்தேன். பர்சனலா நிறைய பிரச்சனைகள். எப்பல்லாம் ரொம்பக் கவலைப்படுகிறேனோ, அப்பல்லாம் பைக்கை எடுத்துக்கிட்டு ஒரு லாங் ரைடு போயிடுவேன். அதுக்கப்புறம், என் நண்பர்களுடன் சேர்ந்து போனா என்னனுதான் இந்த க்ளப்ல சேர்த்துக்கிட்டேன்” என்கிறார் கபில்.

தனியாக என்றாலும் சரி - குரூப்பாக என்றாலும் சரி... ரைடுனு வந்துட்டா கபிலுக்குச் சோறு தண்ணி தேவையில்லை. தனியாகவே தனது அவென்ஜரில் நேபாளம், பூட்டான் வரை டயர் பதித்து வந்திருக்கிறார். ஆனால், கபிலுக்குப் பிடித்தது குரூப் ரைடுதான். பைக் க்ளப்பினரை ஒன்றுதிரட்டி, ரைடை ஆர்கனைஸ் செய்வதுதான் கபிலுக்கு இஷ்டம்.

 கபில்
கபில்

``தமிழ்நாட்டுல இருக்கிற எல்லா ஹில்ஸ்டேசனுக்கும் போயிட்டு வந்துட்டோம். பக்கத்துல இருக்கிற ஆந்திரா, கர்நாடகத்தில் இருக்கிற மலைகளையும் விட்டு வைக்கல. மொத்தம் பஜாஜ் அவென்ஜர்ஸ் க்ளப்பிலேயே ஒவ்வொரு மாநிலத்துக்கும் தனித்தனியா 22 சேப்டர்ஸ் இருக்கு இந்தியாவில். அதனால எந்த ஸ்டேட்டுக்குப் போனாலும் அங்க இருக்குற குரூப் மெம்பர்ஸ் - தங்குறது, சாப்பாட்டுக்கு எல்லாம் உதவி செய்து விடுவார்கள். நான் பைக் எடுத்துட்டுப் போனா மட்டும் போதும். ஒரு பைக் க்ளப்பின் பெரிய ப்ளஸ் இதுதான். எனக்கு இப்போ தமிழ்நாட்டுல மட்டுமில்ல; இந்தியா முழுக்க நண்பர்கள் இருக்காங்க.” என்கிறார் கபில் பெருமையாக.

பஜாஜ் அவென்ஜர்ஸ்,
பஜாஜ் அவென்ஜர்ஸ்,

குரூப் ரைடில் பாதுகாப்புதான் ப்ளஸ். காரணம் நிறைய இருக்கு. ``ஒவ்வொரு நூறு கி.மீ-க்கும் நிறுத்தி சோதனை போட்டுக்குவோம். முன்னாடி போறவர்தான் குரூப் ஹெட் ரைடர் என்றால், கடைசியா வர்றவர் டெயில் ரைடர். ஹெட் ரைடருக்குத்தான் பொறுப்பு அதிகம். அவர் கொடுக்கிற சிக்னல வச்சித்தான் பின்னாடி வர்ற எல்லாருமே கவனமா போக வேண்டி இருக்கும். ஹெட் ரைடருக்கு எவ்வளவு பொறுப்பு இருக்கோ... அந்த அளவு பங்கு டெயில் ரைடருக்கும் உண்டு” என்று ரைடிங் எத்திக்ஸ் பற்றிச் சொன்னார் கபில். ரைடு தவிர, பைக்கில் எந்தப் பிரச்னையா இருந்தாலும், எல்லாருமே மெக்கானிக்காக மாறிடுறாங்க. ``ரைடு போறது முக்கியம் இல்ல; பைக்ல ஏற்படுற பிரச்சனைகளை நாமாகச் சரி செய்யக் கத்துக்கிறதுதான் அவசியம்” என்கிறார் கபில்.

க்ளப் என்றால் சும்மா ஊர் சுத்துறது மட்டும் இல்லை. சமூக சேவையும் இப்போது அடங்கும். அதிலும் அலெர்ட்டாக இருக்கிறார்கள் பஜாஜ் அவென்ஜர்ஸ் குரூப்பினர்.

ரைடுனு வந்துட்டா...

ரத்த தானத்தில் ஆரம்பித்து, அனாதை ஆசிரமங்களுக்குத் தேவையான எந்த உதவிகளுக்கும் அவென்ஜர்ஸ் குரூப்பினரிடம் போய் நிற்கலாம். சாலைப் பாதுகாப்பையும் விட்டு வைக்கவில்லை. சென்னையில் வெள்ளம் வந்தபோது, வேளச்சேரியில் ஒரு குரூப் சாலையில் நின்று கொண்டு, போக்குவரத்தைச் சரி செய்வது, மக்களுக்கு உதவுவது என்று செம பிஸியாக இருந்தார்கள்.

ஓ.. நீங்கதானா அது!